Qurandakı haramlar müəmmalı deyil, dəqiqdir

Qadının kəsilmiş dırnaqlarına belə “haram” hökmünü çıxaran xurafatçı zehniyyəti araşdırarkən bu əhəmiyyətli mövzu da açıqlanmalıdır. Allah Quranda haram və halalları çox dəqiq və açıq izahlarla bizlərə bildirmişdir. Müsəlmanlar, məsələn, donuz əti yeməyin haram olduğu həqiqətini “O, sizə ölü heyvanı, qanı, donuz ətini və Allah’dan başqası üçün kəsiləni haram etmişdir...” (Bəqərə surəsi, 173) ayəsi ilə öyrəniblər. “Haram etmişdir” hökmündə bir müsəlmanın tərəddüdə düşəcəyi, izahlara və təfsirlərə görə fikirlərini qarışdıracaq və ya onu çaş-baş salacaq heç bir səbəb yoxdur. Başqa bir nümunə isə faiz nümunəsidir. “Allah alış-verişi halal, faizi isə haram etmişdir.” (Bəqərə surəsi, 275) ayəsi ilə faiz açıq və dəqiq olaraq müsəlmanlara qadağan edilmişdir. Heç kim bu mövzu ilə bağlı mübahisə etməməlidir, “faizin alış-verişdən” fərqi yoxdur fikrini irəli sürməməlidir. Dolayısilə biz haramları bəzi təfsirçilərin öz zənnləri ilə gəldikləri qənaətlərdən, ayələrə əlavə etdikləri mötərizə içindəki şərhlərdən və ya saxta hədislərdən deyil, birbaşa ayənin özündən öyrənirik. “Nur” surəsinin 31-ci ayəsində də yuxarıda araşdırdığımız kimi, çox dəqiq izah var. Lakin bəzi təfsirçilərin müraciət etdiyi ayələrin içinə mötərizələrlə şərhlər əlavə etmək xətasına, xüsusilə bu ayədə daha çox rast gəlinmişdir. Belə ki, bəzi təfsirçilər özlərinə görə hökmlər qoyan məzhəb imamlarının təsirində qalaraq bu ayəyə mötərizə içində “üz və əl kimi görünən hissələr xaric” şəklində əlavə ediblər. Halbuki, əgər İslama görə qadınların”əl və üzləri xaric hər yerlərini örtmələri” lazım olsaydı, şübhəsiz ki, belə əhəmiyyətli bir mövzu bütün təfsilatı və bütün aydınlığı ilə Quranda yer alardı və uca Rəbbimiz bunun haram olduğunu çox dəqiq və açıq ifadələrlə bildirərdi. Biz necə donuzəti, faiz və zinanın haram olduğu mövzusunda əsla tərəddüdə düşmürüksək, bu mövzunu da dəqiq olaraq Quranda görmüş olardıq. Ancaq Quranda belə bir geyimforması təsvir edilməmişdir. Bu sadəcə bir sıra təfsirçilərin izahlarında mövcuddur.

2014-07-07 23:09:06

Harun Yəhya əsərlərinin nəticəsi| Sayt haqqında | Açılış səhifəsi et | Favoritlərə əlavə et | RSS Xidməti
Bu saytda yayımlanan bütün materiallar sayta istinad edilərək qonorar ödənilmədən köçürülə və çoxaldıla bilər.
© Saytımızda və digər bütün Harun Yəhya əsərlərində mövcud olan hörmətli Adnan Oktara aid şəxsi fotoşəkillərin müəllif hüquqları Qlobal Nəşriyyat Ltd. şirkətinə aiddir. Qismən də olsa icazəsiz istifadə edilə bilməz və nəşr oluna bilməz.
© 1994 Harun Yəhya. www.harunyahya.org
page_top
iddialaracevap.com adnanoktarhaber.com adnanoktarhukuk.com adnanoktargercekleri.com