“İslami terror” anlayışı yanlışdır

15 və 20 noyabr 2003-cü ildə İstanbulda baş verən terror hücumları sadəcə Türkiyədə deyil, bütün dünyada əks-səda oyandırdı. Hansı ki, bu hücumlar terrorun əsl təməli ilə əlaqəli çox əhəmiyyətli bir mövzunu da özü ilə dünya gündəminə gətirdi. Bu vəsilə ilə İslamın mərhəməti və ədaləti əmr edən, sülh və sevgini təmsil edən bir din olduğu bütün dünyaya yayılaraq bildirildi. Bir çox dünya lideri, mühüm mətbuat nümayəndələri, televizorlar, radiolar dəfələrlə əsl İslamın şiddətə qətiyyən yol vermədiyini, insanlar və millətlər arasında daima sülhü əmr etdiyini öz cəmiyyətlərinə bildirdilər. İslam dinini dərindən araşdıran və Allah`ın Quranda əmr etdiyi əsl İslam dinini tanıyan Qərb dairələri İslam və terror kəlmələrinin bir arada işlədilməsinin qətiyyən mümkün olmadığını, ilahi dinlərin heç bir şəkildə şiddətə yol vermədiyini açıq şəkildə ortaya qoydular.

Əsrlər boyu dünyanın fərqli bölgələrində müxtəlif terror hadisələri həyata keçirilir. Hər biri fərqli qruplar tərəfindən və müxtəlif məqsədlərlə həyata keçirilən bu hadisələr bəzən komunist bir təşkilat, bəzən faşist bir qrup, bəzən də radikal və ya separatçı dairələr tərəfindən reallaşdırılır. Amerika kimi ölkələr tez-tez irqçi və marjinal terror qrupları tərəfindən reallaşdırılan hücumlara hədəf olarkən, Avropa ölkələrində müxtəlif terrorist qruplar tərəfindən şiddət hadisələri təşkil olunur. Yunanıstanda 17 noyabr, Almaniyada RAF, neo-nazilər, İtaliyada Qırmızı Briqadalar və daha bir çox təşkilat terror və şiddət üsulu ilə səslərini eşitdirməyə çalışaraq heç bir qəbahəti olmayan müdafiəsiz insanları vəhşicəsinə qətlə yetirirlər. İnkişaf edən və dəyişən dünya şərtləri ilə birlikdə terrorizm də dəyişiklik göstərir. Texnologiyanın sürətli inkişafı ilə bağlı olaraq əldə etdiyi yeni imkanlarla təsirini və gücünü hər keçən gün daha da artırır. Xüsusilə də, internet kimi kütləvi informasiya vasitələrinin təsiri ilə terror fəaliyyətlərinin sahəsi və təsiri daha da genişlənir.

ABŞ və Avropadakı Qərb mənşəli təşkilatlarla yanaşı, Yaxın Şərqdə də terror təşkilatları mövcuddur.

Dünyanın dörd tərəfində terror cəhdləri bu qruplar tərəfindən reallaşdırılır. Ancaq burada çox əhəmiyyətli bir məqam vurğulanmalıdır. Belə terrorist hadisələri həyata keçirən insanların xristian, müsəlman və ya yəhudi adı daşımaları bəzi qruplar tərəfindən yanlış qənaətlərə gəlinib ilahi dinlərə uyğun gəlməyən iddiaların ortaya atılmasına səbəb olur. Əgər terroristlər müsəlman adları daşısa, şəxsiyyət vəsiqələrində “müsəlman” sözü yazılsa belə törətdikləri cinayətlərə “İslam terroru” adı verilə bilməz. Eynilə, xristian olsalar, “xristian terroru” və ya yəhudi olsalar, “yəhudi terroru” deyilə bilməz. Çünki ilahi bir din adına günahsız insanların öldürülməsi qətiyyən mümkün deyil. Unudulmamalıdır ki, Nyu-Yorkda və ya Vaşinqtonda öldürülən insanlar arasında hz. İsanı sevənlər (xristianlar), hz. Musanı sevənlər (yəhudilər) və müsəlmanlar da vardı. Bu günahsız insanları öldürmək Allah`ın bağışlaması xaricində cəhənnəm əzabı ilə nəticələnən böyük bir günahdır. Dinə inanan, Allah qorxusu daşıyan bir insan heç vaxt belə bir şeyə əl atmaz.

Belə bir vəhşiliyin tərəfdarları hansı dinə mənsub olduqlarını iddia edirlərsə etsinlər, bunu ancaq dinə zərər vurmaq adı ilə edə bilərlər. Məqsədləri dini insanların gözündən salmaq, insanları dindən soyutmaq, dindarlara qarşı mənfi düşüncə yaratmaq və nifrət oyandırmaq ola bilər. Beləliklə, günahsız insanlara qarşı edilən hər hücum əslində dinə də qarşı edilmiş bir hücumdur.

Din sevgini, mərhəməti, sülhü əmr edir. Terror isə dinə ziddir. Mərhəmətsizdir, qan tökmək, öldürmək, zülm etmək istəyir. Beləliklə bir terror hadisəsinə səbəb axtararkən qaynağı dindarlıqda deyil, dinsizlikdə axtarılmalıdır. Terroristlərin hansı adı daşıdığı, şəxsiyyət vəsiqələrində nə yazıldığının əhəmiyyəti yoxdur. Allah`dan qorxmayan, tək məqsədi qan tökmək və zərər yetirmək olan bir cinayətdir. Bu səbəbdən “islami terror”, “yəhudi terroru”, “xristian terroru” olduqca yanlış anlayışlardır. Çünki İslam dinində, xristianlıqda və yəhudilikdə terrora qətiyyən yer yoxdur. Əksinə, İslama görə “terror” olaraq adlandırdığımız hadisələr (yəni günahsız insanlara qarşı törədilən cinayətlər) böyük günahdır və müsəlmanlar bu hadisələrin qarşısını almaq, yer üzünə sülh, rahatlıq və ədalət gətirməklə məsuliyyət daşıyırlar.

2014-09-02 20:13:31

Harun Yəhya əsərlərinin nəticəsi| Sayt haqqında | Açılış səhifəsi et | Favoritlərə əlavə et | RSS Xidməti
Bu saytda yayımlanan bütün materiallar sayta istinad edilərək qonorar ödənilmədən köçürülə və çoxaldıla bilər.
© Saytımızda və digər bütün Harun Yəhya əsərlərində mövcud olan hörmətli Adnan Oktara aid şəxsi fotoşəkillərin müəllif hüquqları Qlobal Nəşriyyat Ltd. şirkətinə aiddir. Qismən də olsa icazəsiz istifadə edilə bilməz və nəşr oluna bilməz.
© 1994 Harun Yəhya. www.harunyahya.org
page_top