İslam birliyində fikir azadlığı

İslam Birliyi fikir azadlığını dəstəkləyir. İslam əxlaqı müsəlmanların açıqfikirli olmasını, yəni digər mədəniyyətlərlə münasibətdə olmasını və onların nailiyyətlərindən  faydalanmasını nəzərdə tutur. İslamın ilk əsrlərində müsəlman mütəfəkkirlər və alimlər Yunanıstan, Çin, Hindistan kimi qədim mədəniyyətlərin əsərlərini araşdırmış, bu əsərlərdən geniş məlumat əldə etmiş və sonra isə bu məlumatları İslami şüurla inkişaf etdirib zənginləşdirmişdilər. Hazırda İslam dünyası Qərb mədəniyyəti daxil olmaqla, dünyanın digər mədəniyyətlərini dərindən tədqiq etmək, təcrübələrindən faydalanmaq, bunlardan istifadə edərək öz mədəniyyətini daha da inkişaf etdirmək iqtidarındadır.
 
İslam dünyasını digər mədəniyyətlərdən təcrid etmək, şübhəsiz ki, müsəlmanlara heç bir fayda verməz. Müsəlmanlar texnologiyanın bütün imkanlarından din əxlaqına ən uyğun şəkildə istifadə etməlidirlər. Məsələn, İslam əxlaqı əleyhinə materialist əxlaqı təlqin edən bəzi filmlərin əvəzinə müsəlmanların öz filmləri olmalı, insanlara doğrunu və gözəl əxlaqı öyrədən filmlər çəkilməlidir. Əgər bəzi incəsənət nümunələri mənfi xüsusiyyətlər daşıyırsa, bunun həll yolu o incəsənət nümunəsindən daha gözəlini İslami məzmunla meydana çıxarmaqdır. Əgər insanlar şəhərlərin görkəminə, təmizliyinə, rahatlığına, dinamikliyinə heyran olurlarsa, müsəlmanlar daha gözəl şəhərlər salmalı, dünyanı daha çox gözəlləşdirməlidirlər.
 
Müsəlmanlar keçmişdə qurduqları böyük mədəniyyətin bənzərini dövrümüzdə də qura bilərlər. Bunun üçün Quran əxlaqının gətirdiyi estetik və incəsənət anlayışı, açıqfikirlilik, ədalət bərqərar olunmalıdır. İslamın incəsənəti, mədəniyyəti, təkcə müsəlmanlara deyil, bütün bəşəriyyətə rifah gətirəcəkdir. Dünyanın ən böyük kitabxanaları, ən görkəmli binaları, ən təmiz küçələri, ən işıqlı prospektləri, ən yaxşı məktəb, xəstəxana və universitetləri qurulacaq, bütün insanlar bu imkanlardan bərabər şəkildə faydalanacaqlar.
 
Bir İslam mərkəzi qurulsa və onun rəhbərliyində İslam mədəniyyəti yenidən inkişaf etsə, 21-ci əsr İslam dünyası üçün ən gözəl əsr ola bilər. Qloballaşma sürətləndikcə müsəlman ölkələri də aralarındakı hər cür maneəni aradan götürüb elm, texnologiya, ticarət sahələrində birləşməli, İslam dünyasının mənafeyi üçün birlikdə fəaliyyət göstərməlidirlər.
 
Bir həqiqəti də xatırladaq  ki, əslində, müsəlmanlara görə dünya "qərblilər" və "müsəlmanlar" deyə iki qütbə ayrılmayıb. Əvvəla, qərblilər Kitab əhlidirlər və müsəlmanlarla bir çox ortaq imani və əxlaqi dəyərləri bölüşürlər. Buna görə də Qərb mədəniyyətindəki bir çox xüsusiyyət, məsələn, vicdan azadlığı, demokratiya, ailə dəyərləri İslam əxlaqına uyğundur. Digər tərəfdən Qərbdə bir çox insan İslamı seçmiş və seçməyə də davam edir. Bu günə qədər Qərb dünyasına İslam əxlaqının düzgün şəkildə və tam mahiyyəti ilə izah edilmədiyini nəzərə alsaq, gələcəkdə Qərbdə daha çox insanın müsəlman olacağını güman edə bilərik. Müsəlmanlar Qərbə və onun mədəniyyətinə bu nöqteyi-nəzərdən baxmalıdırlar. Unutmaq olmaz ki, son iki əsrdir ki, materialist fəlsəfənin təsiri altında olan Qərb dünyasını bu yanlışdan qurtarmaq müsəlmanların üzərinə düşən öhdəlikdir. 
2009-12-07 23:36:17

Harun Yəhya əsərlərinin nəticəsi| Sayt haqqında | Açılış səhifəsi et | Favoritlərə əlavə et | RSS Xidməti
Bu saytda yayımlanan bütün materiallar sayta istinad edilərək qonorar ödənilmədən köçürülə və çoxaldıla bilər.
© Saytımızda və digər bütün Harun Yəhya əsərlərində mövcud olan hörmətli Adnan Oktara aid şəxsi fotoşəkillərin müəllif hüquqları Qlobal Nəşriyyat Ltd. şirkətinə aiddir. Qismən də olsa icazəsiz istifadə edilə bilməz və nəşr oluna bilməz.
© 1994 Harun Yəhya. www.harunyahya.org
page_top
iddialaracevap.com adnanoktarhaber.com adnanoktarhukuk.com adnanoktargercekleri.com