Quran əxlaqını yaşamağın nəticəsi: Əmin-amanlıq və xoşbəxtlik

İnsan, yaradıldığı  andan  xoşbəxt və rahat yaşamaq istəyir. Allah'ın Quranda bildirdiyi əxlaq quruluşu, insanın fitrətinə ən uyğun həyatı təqdim edər. Quran əxlaqından kənar yolların hamısı insanın narahat həyat sürməsinə səbəb olur.

Yaşları, peşələri, ictimai mövqeləri hər nə olursa olsun, Quran əxlaqından uzaq cəmiyyətlərdə yaşayan insanların heç biri xoşbəxt və dinc  həyat yaşaya bilmirlər.

Həll yolu Quranda axtarılmalıdır

Quran əxlaqını yaşamayan, yəni həyatlarını cahilcə davam etdirən  insanların böyük səhvi budur; həlli Quranda axtarmamaq...

Bu şəxslər, düşdükləri  vəziyyətin ürək açmaz bir hal aldığını  açıq-aydın görürlər. Yaşadıqları həyat tərzinin, mənimsədikləri xarakter xüsusiyyətlərinin onlara istədiklərini vermədiyini, özlərini təmin etmədiyini və hətta çətinliyə soxduğunu həyatlarının hər anında hiss edirlər. Ancaq buna həll yolu olaraq cahilliyin təqdim etdiyi digər alternativləri sınayırlar, bu da yenə onlara bədbəxtlik və narahatlıq gətirir. Cahilliyə sistemlərinin bir-birindən heç bir fərqi yoxdur. Bəlkə insanlar, məkanlar və şərtlər dəyişə bilər amma yaşanan qayğılar və hədəflər həmişə sabit qalar. Məsələn cahillik həyatına görə “fərqli” olmaq və ya “kübar cəmiyyət mədəniyyəti” ilə yaşamaq çox əhəmiyyətlidir. Ancaq bu iki həyat modeli hər nə qədər bir-birindən fərqli olsada hədəf həmişə eynidir: Dünya həyatına görə yaşamaq.

Halbuki dünya həyatı ehtirasla bağlanılmayacaq qədər qısadır. Dünya həyatında qazanılan heç bir şey əbədi qalmır. Ölümlə birlikdə dünya həyatındakı hər şey yox olacaq. Buna görə də, yalnız dünyəvi qazanclar əldə etmək üçün atılan hər addım insana böyük çətinliklər gətirir.

Buna əvəzində Allah insanlara xoşbəxt və rahat olmanın yollarını Quranda bildirmişdir: Bir insan ancaq Allah'a yönəldiyi və Onunla dost olub, Rəbbimizin bəyəndiyi əxlaqı yaşadığında çətinliklərdən xilas ola bilər. Allah, bir ayəsində bu sirri belə bildirir:

Bunlar, iman gətirənlər və qəlbləri Allah’ı zikr etməklə rahatlıq tapanlardır. Bilin ki, qəlblər ancaq Allah’ı zikr etməklə rahatlıq tapır. (Rəd Surəsi, 28)

Quranda təsvir edilən mömin xarakterində çətinlik, narahatlıq, qayğı yoxdur. İman edənlər Quran əxlaqını yaşadıqları üçün dünyada gözəl həyat yaşayırlar, yaxşı ruh halında və xoşrəftar olurlar.

Allah’ın razılığını hədəfləmək

Quran əxlaqından uzaq yaşayan insanların xoşbəxt ola bilməməklərinin və heç cür çıxış yolu tapa bilməməklərinin bir səbəbi də yalnız insanların razılığını qazanmaq üçün yaşamalarıdır. Bir insan bütün doğrularını, səhvlərini və həyatını insanların dəyər mühakimələrinə görə təyin edirsə, insanlar üçün yaşayır deməkdir.

İnsanlar üçün yaşamaq isə böyük çətinlikdir. Çünki hər insanın bəyənməsi fərqli ölçülər üzərinə qurulmuşdur. Bir insanın ətrafında yüzlərlə insan olduğu düşünüsək, bunların hər birini razı etmək üçün ayrı cəhd göstərmək lazım olacaq. Birinin razı olduğu bir rəftardan bir başqası razı olmayacaq. Bu isə, "insanlar üçün yaşayan" şəsxlərin, "minlərlə fərqli tələbi eyni anda" qarşılaması deməkdir. Bu da qeyri-mümkün olduğuna görə, adam çətin həyat yaşamaq məcburiyyətində qalacaq.

Allah, iman etməyənlərin bu çətinliklərinə Quranda belə nümunə verir:

Allah bir-biri ilə çəkişən bir neçə şərikli ağası olan kişi ilə tək bir ağası olan kişini məsəl çəkir. Onlar məsəldə eyni ola bilərmi? Həmd Allah’a məxsusdur, lakin onların əksəriyyəti (bunu) bilmir. (Zumər Surəsi, 29)

Uca Rəbbimiz, insanı və bütün digər varlıqları yaradandır. İnsanın necə bir həyatla xoşbəxt ola biləcəyini də yalnız Allah bilir. Bu vəziyyətdə insana köməkçi ola bilən tək yol vardır; Allah’ın sonsuz ağlına təslim olmaq və Allah’ın razılığını qazanaraq yaşamaq.

Dünya bir imtahan yeridir

Cahil xarakteri daşıyan insanların xoşbəxt ola bilməməklərinin bir səbəbi də dünyada mövcudluq məqsədlərini unutmalarıdır. Halbuki insan Allah’ın ağlını, gücünü, sənətini və bütün digər üstün sifətlərini təqdir edə biləcəkmi, Ona lazımi kimi qul ola biləcəkmi, yoxsa bunları və yaradılış məqsədini unudub, dünya həyatına qapılacaqmı deyə sınanmaqdadırlar. Allah Quranda dünya həyatının bu gerçəyini belə bildirir:

Əməl baxımından hansınızın daha yaxşı olduğunuzu sınamaq üçün ölümü və həyatı yaradan Odur. O, qüdrətlidir, bağışlayandır. (Mülk Surəsi, 2)

İnsanın bu şəkildə sınanması, həyatının hər anında davam edir. Məktəbdə, işdə, evdə, küçədə, tək ikən ya da izdihamda, xəstə ikən və ya sağlam olduğunda, dünyanın bir başqa ucuna da getsə orada da yenə imtahanı davam edir. İstisna olan tək bir anı belə yoxdur. Söylədiyi hər söz, etdiyi hər davranış və düşündüyü hər şey əskiksiz olaraq axirətdə qarşısına çıxacaq.

İnsanın dünyada olub bitən hər hadisənin sınaq olaraq yaradıldığını unutması, təvəkkülsüz rəftar göstərməsinə səbəb olur. Necə ki dindən uzaq yaşayan cəmiyyətlərdə tez-tez eşidilən "niyə belə oldu, kaş ki belə olmasaydı", "işlər yolunda getmir", "məhv olduq", "bütün işlər tərs gedir", "belə etməsəydim, belə olmazdı" və bunlara bənzər bir çox şikayətçi ifadənin altında bu həqiqətin unudulması yatır.

Qədəri unutmanın və təvəkkülsüzlüyün nəticəsi isə, çətinlik və bədbəxtlikdir. İnsanların böyük bir hissəsi hadisələrin hikmətlərini düşünmədikləri üçün mənfi kimi görünən kiçik bir vəziyyətlə qarşılaşdıqlarında dərhal şikayət etməyə başlayırlar. Bunun nəticəsi olaraq da həmişə narahat, bədbəxt və çətin həyat yaşayarlar.

Halbuki insanın üzərinə düşən, Allah’ın yaratdığı hər andan razı olmasıdır. Tərslik kimi görünən hadisələr meydana gəlsə də, gözəl əxlaqda və Allah’a olan təslimiyyətində qərarlı olması və ən əhəmiyyətlisi yaradılış məqsədini unutmaması lazımdır. Quranda əmr edilən gözəl əxlaqı yaşayanlar, bu cür hadisələrdə göstərəcəkləri səbrin axirətdə və dünyada özlərinə gözəllik olaraq dönəcəyini bilmənin dincliyini və xoşbəxtliyini yaşayarlar.


2010-07-15 15:02:31

Harun Yəhya əsərlərinin nəticəsi| Sayt haqqında | Açılış səhifəsi et | Favoritlərə əlavə et | RSS Xidməti
Bu saytda yayımlanan bütün materiallar sayta istinad edilərək qonorar ödənilmədən köçürülə və çoxaldıla bilər.
© Saytımızda və digər bütün Harun Yəhya əsərlərində mövcud olan hörmətli Adnan Oktara aid şəxsi fotoşəkillərin müəllif hüquqları Qlobal Nəşriyyat Ltd. şirkətinə aiddir. Qismən də olsa icazəsiz istifadə edilə bilməz və nəşr oluna bilməz.
© 1994 Harun Yəhya. www.harunyahya.org
page_top