Doğru yolu tapmağın sirləri

Kimlərin doğru yolda olduqları Allah'ın Quranda bildirdiyi sirrlərdəndir. İslamda qeyd olunan gözəl əxlaqa uyanlar, Allah'ın doğru yoluna gələrək, cənnətində saxladığı qullarıdır.

Yer üzündəki hər insanın özünə görə doğruları və səhvləri olur. Hər birinin doğrularını müəyyənləşdirməkdə qaynağı isə fərqlidir. Kimi oxuduğu kitabı, kimi ətrafında gördüyü insanı, kimi siyasətçini, kimi isə bir fəlsəfəçini özünə rəhbər edir. Halbuki, Allah’ın insanlar üçün təyin etdiyi ən doğru və insanı qurtuluşa qovuşduracaq yeganə yol İslamın gətirdiyi gözəl əxlaqdır.

Möminlər Allah’ın məmnuniyyətini, rəhmətini və cənnətini qazanmaq üçün cəhd göstərərlər. Quranda bildirilən gözəl əxlaqa uyğun bir yolu mənimsəməmək isə insanları dünyada və axirətdə sonsuza qədər davam edən ümidsizliyə, bədbəxtliyə və ağrılı bir əzaba sürükləyər.

Doğruları bilərək iman etmək

Allah’ın məmnuniyyətini, rəhmətini və cənnətini arzulayan insanlardan olmaq üçün Allah'ın  Quranda vəd etdiklərinə iman etməlidirlər. Belə bir insan göylərin, yerin və ikisi arasındakıların tək sahibi və yaradıcısının Allah olduğunu və dünyada var olma məqsədinin Allah'a qulluq etmək olduğunu bilir. Əgər bu insan həyatı boyunca Allah’ın razılığını axtarıb Ona iman etsə Allah onu doğru yola yönəldər. Əlbəttə burada nəzərdə tutulan imandır.

Bəzi insanlar, hər nə qədər iman etdiklərini söyləsələr də, imanlarında şübhə və ya zəiflik olur. Belə insanlar, inkarçılarla birlikdə olduqlarında onların təsirinə düşüb dində asanlıqla zəiflik göstərə bilir, hətta bəzən Allah'a və Allah'ın dininə qarşı bir rəftar da sərgiliyə bilirlər. Halbuki, Allah Quranda doğru yola yönəltdiyi qullarının imanının qəti, möhkəm və şübhəsiz olduğunu insanlara bildirmişdir:

Və elm verilən kəslər də bilsinlər ki, haqq (Quran) sənin Rəbbindəndir. Artıq ona inansınlar və ürəkləri ondan arxayın olsun. Şübhəsiz ki, Allah iman gətirənləri doğru yola yönəldər! (Həcc Surəsi, 54)

Tam təslim olmaqla Allah’a yönəlmək

İman edənlərin tam təslim olmaqla Allah'a yönəlmələri, Allah'a ürəklə bağlanmaları da doğru yola yönəldilmənin sirridir. Allah'a iman edən və axirətdən qorxan möminin dünyaya bağlı ehtirası yoxdur. Möminin məqsədi Allah'ı razı etməkdir. Buna görə də hər davranışında Allah'a yönələr, Allah’ın onu hər an sınadığını bilərək, hər hadisədə Allah’ın təyin etdiyi qədərə razı olar. Aləmlərin Rəbbi olan Uca Allah, Özünə təslim olanları doğru yola yönəldəcəyini bu şəkildə bildirmişdir:

Sizə Allah’ın ayələri oxunduğu və Onun Elçisi sizinlə olduğu bir vaxtda, siz necə küfr edirsiniz? Kim Allah’a möhkəm bağlanarsa, həqiqətən də, doğru yola yönəlmiş olar. (Ali İmran Surəsi, 101)

Verilən öyüdləri yerinə yetirmək

Allah'ın doğru yola yönəltmək istədiyi qullarına bir başqa əmri isə bu şəkildədir:

Əgər onlar verilən nəsihətlərə əməl etsəydilər, əlbəttə, bu onlar üçün daha xeyirli və daha düzgün olardı. O zaman Biz də onlara Öz tərəfimizdən böyük mükafat verərdik və onları düz yola yönəldərdik. (Nisa Surəsi, 66-68)

Allah’dan qorxan möminlər həmişə səhvlərindən təmizlənmək və Allah’ın ən çox razı olacağı əxlaqa çatmaq üçün çalışar. İnsanların səhvlərindən sürətlə təmizlənmələri və doğru yola çatmaları üçün adamın təvazökar olması lazımdır. Təvazökar və təmizlənməyi istəyən insan, Allah’ın əmrlərini tam olaraq yerinə yetirər. Həmçinin də saleh möminlər bir-birlərinə yaxşılığı əmr edər, pislikdən çəkindirərlər. Buna görə də, möminin səhvinin mömin qardaşı tərəfindən özünə deyilməsindən məmnuniyyət duyması, bunun öz axirəti üçün böyük bir nemət olduğunu bilməsi lazımdır. Allah, şeytana uymayan, Qurana və gözəl əxlaqa çağıran insanlara tabe olan qullarına belə müjdə verir:

Tağuta (şeytana, bütlərə) ibadət etməkdən çəkinib tövbə edərək Allah’a tərəf qayıdanları müjdə gözləyir. Elə isə qullarıma müjdə ver. O kəslər ki, sözü dinləyib onun ən gözəlinə uyarlar. Onlar Allah’ın doğru yola yönəltdiyi kimsələrdir. Ağıl sahibləri də elə onlardır!(Zümər Surəsi, 17-18)


2010-07-15 15:36:26

Harun Yəhya əsərlərinin nəticəsi| Sayt haqqında | Açılış səhifəsi et | Favoritlərə əlavə et | RSS Xidməti
Bu saytda yayımlanan bütün materiallar sayta istinad edilərək qonorar ödənilmədən köçürülə və çoxaldıla bilər.
© Saytımızda və digər bütün Harun Yəhya əsərlərində mövcud olan hörmətli Adnan Oktara aid şəxsi fotoşəkillərin müəllif hüquqları Qlobal Nəşriyyat Ltd. şirkətinə aiddir. Qismən də olsa icazəsiz istifadə edilə bilməz və nəşr oluna bilməz.
© 1994 Harun Yəhya. www.harunyahya.org
page_top