Möminlərin üzündə nur, inkar edənlərin üzündə zillət olar

İmanın və inkarın insanların üzlərinə və dərilərinə əks olunması Allahın Quranda bildirdiyi sirlərdən başqa biridir. Allah bir çox ayəsində iman edənlərin üzlərində bir nur, inkarçıların üzlərində isə qaranlıq bir zillət olduğunu bildirir:

Onları görərsən; zillətdən başları önlərinə düşmüş bir halda, ona (atəşə) təqdim edilərlərkən göz ucuyla sezdirmədən baxarlar... (Şura surəsi, 45)

Yaxşı iş görənlər üçün ən yaxşısı (Cənnət) və bundan da üstünü (Allahı görmək) vardır.Onların üzünü nə bir qubar, nə də bir zillət bürüyər. Onlar Cənnət sakinləridirlər və orada əbədi qalacaqlar. Pis iş görənlərə isə pisliyin cəzası onun misli qədər verilər. Onları zillət bürüyər. Onları Allahdan qoruya bilən bir kimsə də yoxdur. Onların üzləri sanki zülmət gecənin parçalarına bürünmüşdür. Onlar Od sakinləridir və orada əbədi qalacaqlar. ( Yunis surəsi, 26-27)

Allahın bu ayələrdə bildirdiyi kimi, inkarçıların üzündə zillət və bir qaraltı vardır. Möminlərin üzləri isə nurludur. Allah onların üzlərindəki səcdə izindən tanındıqlarını bildirir:

Muhəmməd Allahın elçisidir. Və onunla birlikdə olanlar da kafirlərə qarşı sərt, öz aralarında isə mərhəmətlidirlər. Onları rüku edən, səcdəyə qapanan, Allahdan lütf və razılıq diləyən görərsən. Əlamətləri isə üzlərində olan səcdə izidir... (Fəth surəsi, 29)

Allah başqa ayələrində də inkarçıların və günahkarların simalarından tanındıqlarını bildirir:

(Çünki o gün) Günahkarlar simalarından tanınacaq, kəkillərindən və ayaqlarından yaxalanacaqlar. (Rəhman surəsi, 41)

Əgər Biz istəsəydik, onları sənə göstərərdik, sən də onları üzlərindəki əlamətlərdən  tanıyardın. And olsun, sən onları danışıq tərzlərindən də tanıyarsan. Allah sizin əməllərinizi bilir. (Məhəmməd surəsi, 30)

Bir insanın imanına və ya günahkar biri olmasına görə üzündə fiziki dəyişikliklər meydana gəlməsi Allahın böyük bir möcüzəsi və Quranda bildirdiyi əhəmiyyətli bir sirdir. Mənəvi hisslər, fiziki olaraq bədəndə təsir meydana gətirməkdə, o insanın bütün xətləri eyni qalmasına baxmayaraq, üzündəki ifadəsi dəyişməkdə, üzünə bir işıqlıq və ya qaranlıq gəlməkdədir. Ətrafına iman gözüylə baxan bir insan Allahın insanlarda meydana gətirdiyi bu möcüzəni Allah diləsə, görə bilər.

2017-03-17 19:20:36

Harun Yəhya əsərlərinin nəticəsi| Sayt haqqında | Açılış səhifəsi et | Favoritlərə əlavə et | RSS Xidməti
Bu saytda yayımlanan bütün materiallar sayta istinad edilərək qonorar ödənilmədən köçürülə və çoxaldıla bilər.
© Saytımızda və digər bütün Harun Yəhya əsərlərində mövcud olan hörmətli Adnan Oktara aid şəxsi fotoşəkillərin müəllif hüquqları Qlobal Nəşriyyat Ltd. şirkətinə aiddir. Qismən də olsa icazəsiz istifadə edilə bilməz və nəşr oluna bilməz.
© 1994 Harun Yəhya. www.harunyahya.org
page_top