ADNANOKTAR.AZhttp://adnanoktar.azadnanoktar.az - Məqalələr - Ən son əlavələrazCopyright (C) 1994 adnanoktar.az 1ADNANOKTAR.AZhttp://adnanoktar.azhttp://harunyahya.com/assets/images/hy_muhur.png11666Vicdanlı insanlar Vikipediya kimi qərəzli yazılar yayımlayan saytlardakı böhtanlara deyil, doğrulara etibar edirlərDünyaya diqqətlə nəzər yetirən və baş verənləri doğru dəyərləndirən hər bir insan hazırda dünyada yaxşılarla pislər arasında tarixi mübarizənin getdiyini görər. Bir tərəfdə Allah sevgisini, Allah qorxusunu, yaxşılığı, qardaşlığı, sülhü və dostluğu müdafiə edənlər, digər tərəfdə isə münaqişələri, müharibələri qızışdıran və insanların bütün xoşbəxtliyini əlindən alanlar var. Ailə və əxlaq anlayışlarını yox etmək istəyən nifrət və münaqişə tərəfdarı insanlar bir-birilərini müdafiə edib birgə hərəkət etdikləri halda, Allahın əmr etdiyi gözəl əxlaqın dünyaya hakim olmasını istəyənlərin əksəriyyəti bir-birindən ayrıdırlar. Yaxşıların pərən-pərən olması isə pislərin xüsusi səyi ilə baş verir. Qəzet, jurnal, televiziya və internet kimi informasiya vasitələrindən istifadə edərək yaxşılar əleyhinə aparılan təbliğatlar çox vaxt onların birləşmələrinə mane olan əsas səbəb olur.

Halbuki iman gətirənlər bir-birilərinin gördükləri işləri, bu işlərin faydalı nəticələrini nəzərə almadan yalnızca eşitdiklərinə görə hərəkət etməkdən çəkinməlidirlər. Müqəddəs kitablarda iman gətirənlərə böhtan atılacağı, bu böhtanlara görə bəzən mühakimə olunacaqları bildirilmişdir. Hər üç dinə görə, iman gətirən bir insan başqa bir iman gətirən insan haqqında eşitdiyi məlumatları araşdırmadan mühakimə etmir. Çünki bilir ki, Allah yolunda xidmət edən hər bir mömin bu xidmətinin əngəllənməsi üçün müxtəlif təzyiqlərə, yalanlara, böhtanlara, hədələrə məruz qala bilər. Bu böhtanların atılmasının əsas məqsədlərindən biri insanları iman gətirənlərdən uzaqlaşdırmaqla din əxlaqının yayılmasının qarşısını almaqdır.

İnformasiya və ya internet dövrü kimi səciyyələndirilən bu əsrdə iman gətirənlər əleyhində tez-tez istifadə edilən vasitələrdən biri internet saytlarıdır. Xüsusilə, Vikipediya kimi ziyarətçilərinin üzvlüyü olmadan və ya ödəniş etmədən yerləşdirdikləri məlumatlardan təşkil olunan saytlar geniş kütlələrə asanlıqla çatır. Vikipediya özünü “azad ensiklopediya” adlandırır, lakin saytda baş verənlər həqiqətin belə olmadığını göstərir.
 
Vikipediyada müəyyən bir anlayış və ya fikri təmsil edən birtərəfli məlumatlandırma, bir növ senzura sistemi hökm sürür. Vikipediya saytı ilə bağlı baş verən bir çox hadisə bu həqiqəti nümayiş etdirir.

Vikipediyanın azad olmadığını göstərən saysız-hesabsız hadisələrdən iki nümunə

Bunlardan birincisi Almaniyanın Ştutqart Təbiət Tarixi Muzeyinin rəhbəri məşhur paleontoloq dr. Günter Bexlinin (Günter Bechly) adına açılmış Vikipediya səhifəsi ilə bağlıdır. Doktor Günter Bexli Darvinin 150 illik yubileyində muzeydə bir sərgi təşkil etmiş və sərgidə tərəzinin bir tərəfinə yaradılışı müdafiə edən kitabları, digər tərəfinə isə Çarlz Darvinin “Növlərin mənşəyi” kitabını qoyaraq Darvinin kitabının guya üstün gəldiyini göstərmişdi. Sərginin diqqət çəkməsi və bir mətbuat konfransının gündəmə gəlməsi ilə Bexli jurnalistlərin suallarına cavab vermək üçün yaradılışı müdafiə edən elmi kitabları oxuyub araşdırmağa başlamışdır. Bu araşdırma nəticəsində darvinizmin, əslində, müdafiə ediləcək bir yönü olmadığını görmüş, yaradılışa inandığını və təkamül nəzəriyyəsinin doğru olmadığını açıqlamışdır. Bexli bu açıqlamasından sonra (yaradılışı müdafiə edən bir çox elm adamının başına gəldiyi kimi) işdən çıxarılmışdır.

Darvinizmi müdafiə etdiyi vaxtlarda dr. Bexli haqqında geniş məlumatlar yayımlayan Vikipediya təkamülü inkar etdikdən sonra saytda onun adına açılan səhifəni silmişdir. [1]
 
İkinci hadisə isə Baylor Universitetinin professoru Uolter Bredli (Walter Bradley) adına açılmış Vikipediya səhifəsi ilə bağlıdır. Böyük araşdırma və mətbuat təcrübəsi olan professor Bredli yaradılışı müdafiə edən elmi nəşrləri və kitabları ilə də tanınır. Vikipediya 2017-ci ilin aprel ayında Bredlinin səhifəsini qısaldaraq iki abzas etmişdir. [2]

 
Təzyiq altında olan Vikipediya

Bu iki hadisə Vikipediyanın öz fikirlərini dilə gətirən elm adamlarına yer verməyəcək qədər güclü darvinist təzyiq altında olduğunu göstərir. Həqiqətən də, bu gün təkamülü müdafiə edənlər elmi kəşfləri, yəni yaradılış həqiqətini açıqlayanları akademik qurumlardan, mediadan və hətta internet mühitindən uzaqlaşdırmaq üçün böyük əmək sərf edirlər. "Təkamül yoxdur" deyən hər hansı bir gənc təhsil müəssisələrində imtahandan keçə bilmir, elm adamı akademik karyera qura bilmir. Üstəlik, çox vaxt elm adına hərəkət etdiklərini iddia edənlər elmin yaradılışı isbat etdiyini gördükləri üçün elmi həqiqətlərə dözə bilmirlər.

Bu gün dünyada darvinist diktatorluğun varlığı mübahisəedilməz həqiqətdir. Bu diktatura fərqli fikirlərin dilə gətirilməsinə, elmi dəlillərin ortaya qoyulmasına imkan vermir. Yaradılışçıların nüfuzuna zərər yetirmək və onları elm əleyhdarı, geridə qalmış kimi göstərmək üçün birtərəfli təbliğatlarına davam edirlər. Vikipediya darvinist diktatorluğun təsiri altında qalmaqdan imtina etməlidir.
 
Vikipediyanın "mühüm insan deyil" deyərək səhifəsini sildiyi yaradılışçı dr. Günter Bexli dünyanın ən mühüm fosil kolleksiyaçılarından biridir. Bexli o qədər mühüm paleontoloqdur ki, adı bir çox canlı növünə verilmişdir. Buna baxmayaraq, Vikipediya Bexliyə sırf darvinizmə qarşı çıxdığı üçün "mühüm deyil" deyə bilir. 

Vikipediyaya yüklənilən yazılar redaktor adlandırılan şəxslərin nəzarətindən keçir. Bu redaktorlar təkcə təkamül və yaradılış məsələsində deyil, öz ideologiyaları ilə həmfikir olmayan hər kəsə qarşı qərəzli mövqe nümayiş etdirirlər. Əsasən də dindar, Allahın varlığına inanan, materialist ideologiyalara qarşı olan insanlar haqqında yanlış məlumatlar yüklənilməsinə göz yumur, səhvlərin düzəldilməsinə icazə vermir və bunun üçün edilən müraciət və təşəbbüsləri isə israrla rədd edirlər. Bu vəziyyət Vikipediyanın məlumatların doğru olmasına görə deyil, müəyyən ideologiyaya uyğun olub-olmamasına görə hərəkət etdiyini göstərir.


Vikipedianın obyektivlikdən uzaq olduğu və ideoloji məqsəd güddüyü açıqdır.
 
Müsəlmanlar, musəvilər və xristianlar Vikipediyanın təmsil etdiyi zehniyyətə qarşı birlikdə əməkdaşlıq etməlidirlər

Vikipediyanın qərəzli mövqeyi Allaha inananlara qarşıdır. Belə bir mövqe qarşısında dindarların "bu, müsəlmanlara aiddir, bizə aidiyyəti yoxdur" və ya "bu, xristianlara aiddir, bizə aidiyyəti yoxdur" deməsi doğru davranış tərzi deyil. Əksinə, imana, dinə, yaradılışa inananlara qarşı qərəzli mövqe olduqda müsəlman, xristian, musəvi - bütün inananlar birlik olmalı, bir-birilərini müdafiə edib dəstəkləməlidirlər. Əksi inananların dağılması deməkdir ki, bu da darvinist diktatorluğun istəyidir. Unutmamalıyıq ki, darvinistlər yaradılışçı, dindar və yaxşı insanların bir araya gəlib Allahın şanını yaymaq üçün birlikdə fəaliyyət göstərmələrinə mane olmaq istəyir.

Sülh, dostluq və yaxşılığı tövsiyə edənlər tarixdə hər zaman təzyiq görmüş, yalanlara, böhtanlara, qaralama kampaniyalarına məruz qalmışlar.
 
Hz. İsa və həvariləri də "dəlilik, şəxsi mənafeyini güdmə, yeni din yaratma" kimi bir çox böhtanlara məruz qalmış, əziyyət görmüşlər. Ancaq ilk xristianlar bu cür böhtanlara inanmamış, hz. İsa və həvarilərini müdafiə edib dəstəkləməyə davam etmiş və pis niyyətli insanların bu cür böhtanlarını özlərinin doğru yolda olduqlarına dəlil saymışlar.
 
Buna baxmayaraq, bəzi səthi düşünən insanlar həmin böhtanların təsiri altında qalmışlar. İncildə iman gətirənlərin üzləşdikləri imtahanlarla bağlı qisimlərdə səmimi iman gətirənlərə dəstək olmağa cəsarəti çatmayan zəif şəxsiyyətli insanlardan da bəhs edilir.

 ...Bütün imanlılar Süleymanın eyvanına yığılardı.  Xalqın gözündə böyük nüfuz qazansalar da, kənardan heç kim onlara qoşulmağa cürət etmirdi. (Həvarilərin İşləri, 5:12-13)

Amma siz ehtiyatlı olun. Adamlar sizi məhkəmələrə çəkəcək….döyəcəklər. Onlara şəhadət etmək üçün siz Mənə görə valilərin və padşahların qarşısında duracaqsınız...  Sizi aparıb məhkəməyə çəkəndə nə deyəcəyiniz barədə qabaqcadan qayğı çəkməyin, amma həmin vaxt sizə nə bildirilərsə, onu danışın. Çünki danışan siz yox, Müqəddəs Ruhdur. (Mark, 13:9-12)

Mənim adıma görə hamı sizə nifrət edəcək. Amma axıracan dözən xilas olacaq. (Mark, 13:13)

Amma bütün bu hadisələrdən əvvəl Mənim adıma görə sizi yaxalayacaqlar, təqib edəcəklər…zindanlara təslim edəcəklər, padşahların və valilərin qarşısına aparacaqlar…Hətta ata-analarınız, bacı-qardaşlarınız, qohumlarınız və dostlarınız sizi təslim edəcək və bəzinizi edam etdirəcək.  Mənim adıma görə hamı sizə nifrət edəcək.  Amma başınızdan bir tük belə, əskik olmayacaq.  Dayanıb dözməklə canlarınızı qurtarın. (Luka, 21:5-19)

Məsihin adına görə təhqir olunsanız, siz nə bəxtiyarsınız!… Lakin heç biriniz qatil, oğru ya başqa cür cinayətkar kimi, yaxud başqalarının işinə qarışan şəxs kimi əzab çəkməsin.   (1 Peter, 4:14-16)

Sənsə mənim təlimimi, davranışımı, məqsədimi, imanımı, səbrimi, məhəbbətimi, dözümümü, ….təqibləri, çəkdiyim əzabları diqqətlə izlədin. Nə cür təqiblərə qatlandım! Amma Rəbb məni bunların hamısından xilas etdi…möminliyə yaraşan bir həyat sürmək istəyənlərin hamısı təqibə məruz qalacaq.  Amma pis adamlar və saxtakarlar aldadıb-aldanaraq getdikcə daha betər olacaqlar (2 Timoteyə, 3:10-13)

Ey qardaşlarım, müxtəlif sınaqlarla üzləşəndə bunu böyük bir sevinc hesab edin.  Çünki bilirsiniz ki, imanınızın sınaqdan keçməsi dözüm yaradır.  Dözüm də öz əməlini kamil etsin ki, siz yetkin və kamil adamlar olasınız, heç bir çatışmazlığınız olmasın (Yaqub, 1:2-4)
Allaha iman gətirənlər ittifaq etməsə, dəccaliyyət getdikcə güclənəcək
Dövrümüzdə dinsizlik alov kimi yayılır. Narkotik maddələr, spirtli içkilər, itirilən ailə dəyərləri, intihara yönələn kütlələr, zorakılıq, ədalətsizlik, zülm və haqsızlıqlar cəmiyyətin hər təbəqəsinə təsir edir. İnsanların dinsizliyə doğru getdiyi bu vəziyyətə son verilməsi  isə ancaq onun ideologiyasına qarşı aparılan mübarizə ilə mümkündür. Bu elmi mübarizənin vaxtı çoxdan gəlib çatıb. Yaxşılar ən qısa müddətdə ittifaq edib imkanlarını birləşdirməli və birgə elmi fəaliyyətlərə başlamalıdırlar.
Allaha iman gətirənlərin birlikdə fəaliyyət göstərəcəkləri halda, Vikipediya kimi qərəzli mənbədən məlumat alaraq bu fəaliyyətlərdən çəkinmələri, şübhəsiz ki, çox yanlış hərəkət olar. İman gətirənlərin bir insan və ya fəaliyyət haqqındakı düşüncələrini istiqamətləndirən rəhbəri müqəddəs kitablardan öyrəndikləri, vicdanları, ağılları və fərasətləri olmalıdır. Darvinist, materialist, Allahın varlığını inkar edən və dindarlara qarşı qərəzli mövqe nümayiş etdirən bir mənbə möminlər üçün heç vaxt mötəbər mənbə hesab edilə bilməz. Belə mənbəyə görə xeyirli bir işdən imtina etmək utandırıcı və alçaldıcı olar.

Xristianlar, müsəlmanlar, musəvilər və bütün yaxşı insanlar ittifaq etdikləri təqdirdə dəccaliyyəti dünya miqyasında dəf edə bilərlər. Bu ittifaqa mane olmaq üçün dəccaliyyətin qurduğu tələlərə düşmədən qətiyyət və əzmlə görülən hər iş haqqın hakim olması üçün mühüm addımdır. Bütün iman gətirənlər xeyrin hakimiyyətində aparıcı olmaq üçün səy göstərməlidirlər. Axırzaman kimi böyük və tarixi bir dövrdən keçərkən iman gətirənlərin elmi mübarizəsini seyr etmək, xüsusilə də, pisliyi yaymağa çalışanların böhtanlarına, yalanlarına etibar etmək, haqdan, həqiqətdən güzəştə getmək, şübhəsiz ki, vicdansızlıq olar.

[1] https://evolutionnews.org/2017/10/wikipedia-erases-paleontologist-gunter-bechly/
[2] https://en.wikipedia.org/wiki/Walter_Bradley_(engineer)

 

]]>
http://adnanoktar.az/az/Məqalələr/263921/vicdanli-insanlar-vikipediya-kimi-qərəzlihttp://adnanoktar.az/az/Məqalələr/263921/vicdanli-insanlar-vikipediya-kimi-qərəzlihttp://imgaws1.fmanager.net/Image/objects/6-makaleler/wikipedia.jpgSat, 25 Nov 2017 22:46:34 +0200
Şüşə tavanlar, görünməyən əngəllər 

Keçmişlə müqayisədə müasir dövrümüzdə qadın liderlərə və rəhbərlərə daha tez-tez rast gəlirik. Yaşadığımız əsrin tələbi olaraq düşüncə səviyyəsi, sosial-ictimai quruluşun inkişafı, qadınların təhsil səviyyələrinin artması, onların işləmələrini dəstəkləyən həmkarlar ittifaqlarının qurulması və yeni iş sahələrinin yaradılması kimi bir sıra amillər qadınların iş həyatına atılmalarını gündən-günə artırır. Ancaq bütün bu müsbət nailiyyətlərə baxmayaraq, qadınların böyük əksəriyyəti ictimai həyatda olduğu kimi, iş həyatında da bərabərsizlik və ədalətsizliyə məruz qalırlar. Aktiv iş həyatına qatılan qadınların sayı artsa da, onlar hələ də yüksək vəzifələrə sahib olmaqla bağlı bir çox maneələrlə qarşılaşırlar.

Cəmiyyətin bünövrəsi sayıldıqları halda, qadınların cəmiyyətə verdikləri töhfələrə çox vaxt biganə yanaşılır və əhəmiyyət verilmir. Qadınlar diskriminasiyaya məruz qalır, əmək şəraiti, iş tapmaq, işə götürülmək, vəzifədə yüksəlmək, əmək haqqı kimi mövzularda çox çətinliklərlə üzləşirlər.

Şübhəsiz ki, bütün bunların səbəbi qadınların ancaq aşağı səviyyəli vəzifələrdə işləməli olduqlarına dair cəmiyyətdə formalaşan yanlış fikirlərdir. Qadınların idarəçilik kimi güclü şəxsi keyfiyyətlər tələb edən mövqelərə gətirilməsi bəzi təbəqələr tərəfindən doğru qəbul edilmir. Qadınların kişilərə nisbətən daha həssas və gücsüz olduqları, hərəkətlərini ağılla yox, duyğuları ilə idarə etmələri ilə bağlı şablon mühakimələr bu fikrin mənbəyini təşkil edir. Bu yanlış fikirlər qadınların iş həyatında irəli çəkilmələrini çox çətinləşdirir.

Qadınların iş həyatında yüksək mövqelərə gələ bilməmələri "görünməyən" maneələr, "şüşə tavanlar" anlayışı ilə izah edilir. Görünməyən maneələrdir, çünki heç vaxt açıq şəkildə dilə gətirilmir. Yüksək vəzifəyə sahib olmaq istəyən qadın namizədlər vəzifədə irəli çəkilməyi ümid edərkən bilinməyən səbəblərdən sanki şüşədən tavanla qarşı-qarşıya qalırlar. Qanunlar qadın və kişilərə bərabər hüquqlar verdiyi, cinsi ayrı-seçkilik qadağan edildiyi, iş yerlərindəki ayrı-seçkiliyə qarşı tədbirlər alındığı halda, bu dəfə isə şüşə tavanlar qadınların vəzifədə yüksəlmələrinə mane olur.

“Şüşə tavanlar” (“glass ceiling”) anlayışı 1970-ci illərdə ABŞ-da qadınların yüksək rəhbər vəzifələrə gəlməsinə mane olan ön mühakimələri təsvir etmək məqsədilə istifadə edilmiş və 1986-cı ildə “Wall Street Journal” üçün hazırlanan bir xəbərdə dilə gətirilmişdi. Bu anlayış şirkətlərdə, dövlət idarələrində, tədris müəssisələrində və ya qeyri-kommersiya təşkilatlarında yüksək vəzifələrə gəlmək istəyən qadınların qarşılaşdıqları maneələri ifadə edir.

Sosial və iqtisadi ədalətin təsis edilməsi üçün çalışan professor Virciniya E. Şayn (Virginia E. Schein) “rəhbər kişi olar” (think manager, think male) sözü ilə güclü, təşəbbüskar, özünəgüvənən, çətinliklər qarşısında ruhdan düşməyən və sarsılmayan ideal rəhbərin ancaq kişi ola biləcəyi ilə bağlı ictimai fikrə və bununla yanaşı, şüşə tavan sindromuna diqqət çəkənlərdən biridir.


Görünməyən, amma hiss olunan əngəllər bu gün çox az qadın tərəfindən dəf edilir. Əslində, eyni vəziyyət dünyanın hər yerində hakimdir. Ən inkişaf etmiş ölkələrdə belə, S&P 500 (“Standard & Poors 500) siyahısında olan 500 şirkətin idarə heyəti rəhbərlərinin yalnızca 5,2%-i qadınlardan ibarətdir. Bu vəziyyət qadınların kişilərlə bərabər hüquqlarının olmamasının bütün dünyada səssiz şəkildə qəbul edildiyini göstərir. 
Halbuki qadınlar incə düşünən, məsuliyyətli, zəkalı və ağıllı varlıqlardır. Hadisələri hərtərəfli görmədə, təfərrüatları düşünmədə kişilərdən üstündürlər. Üzərlərinə götürdükləri işi ən gözəl şəkildə yerinə yetirə, ən düzgün qərarlar qəbul edə, ən gözəl həll yolları, ən ağıllı tədbirlər görə bilərlər. Buna görə də istər sosial həyatda, istərsə də iş həyatında böyük nailiyyətlərə yiyələnə bilərlər. Quranda nümunə göstərilən Səba hökmdarı ən mühüm qərarlar qəbul edən dövlət başçısı idi.


Əlbəttə ki, qadınlar fiziki güc baxımından kişilərdən daha incə varlıqlardır. Ancaq fiziki baxımdan kişilərdən daha gücsüz olmaları ağıl, zəka və qabiliyyətləri ilə bağlı deyil və cəmiyyətdə kişilərdən əsla daha az dəyər görmələrinə səbəb də deyil.


Qadınları iş həyatından uzaq tutmaq cəmiyyətin gələcəyinə böyük zərər verə bilər. Belə ki, iş həyatından uzaq tutulan qadınlar sosial həyatın digər sahələrindən də uzaq qalır və bu da cəmiyyətin inkişaf etməməsinə səbəb olur. Cəmiyyətin inkişaf etməsi və yüksək səviyyəyə çatması qadınların iş bölgüsündə aktiv olmaları, özlərini müstəqil və dəyərli hiss etmələri ilə bağlıdır. Bir cəmiyyətin inkişaf səviyyəsini qadınların o cəmiyyətdə hüquq və azadlıqlara sahib olub-olmaması ilə müəyyən etmək olar. İnkişaf etmiş, ziyalı və mədəni cəmiyyət ola bilmək üçün qadınların cəmiyyətdə ön plana çıxmaları vacib şərtdir.


Cəmiyyət qadına verdiyi dəyər səviyyəsində inkişaf edib güclənər. Qadınlara önəm verilmədiyi, onların təzyiq altına alınıb geri planda tutulduğu bir cəmiyyət güclü ola bilməz. Bu səbəbdən cəmiyyətin yarısını təşkil edən qadınların cəmiyyətə qazandırılması, onların gözəl xüsusiyyətlərindən və qabiliyyətlərindən istifadə edilməsi ən vacib ictimai ehtiyaclardan biridir. 


Bu mənada qadınlar ən az kişilər qədər, hətta kişilərdən daha çox hüquq və azadlıqlara sahib olmalıdırlar. Kişilərin qadınlardan üstün olması, qadınların ağlının az olması ilə bağlı fikirlər tamamilə aradan qaldırılmalıdır. İctimai həyatın bütün sahələrində, iş dünyasında, təhsildə, siyasətdə qadınlara üstünlük verilməli, layiq olduqları sevgi və dəyəri görmələri təmin edilməlidir.


Bununla bağlı qadınlara da böyük məsuliyyət düşür. Qadınlar kişilərin hakim olduğu cəmiyyət qaydalarına qarşı səbirlə mübarizə aparmalı, özlərinə qarşı mənfi ön mühakimələri qəbul etməməli və bu ön mühakimələri kökündən sarsıdacaq aktiv işlərdə işləməyə namizəd olmalı, öz üstün xüsusiyyətlərini ortaya çıxarmalıdırlar.


Digər tərəfdən daima özlərini daha da inkişaf etdirməyə həvəsli olmalı, bir-birilərini bu yöndə təşviq etməli və bir araya gəlib bu sahədə mübarizə aparmalıdırlar. Cəmiyyətin geri qalan hissəsi də qadınların bu tələblərini dəstəkləməlidirlər. Unudulmamalıdır ki, sağlam gələcək onların əzm və qətiyyətlərinə bağlıdır.


Adnan Oktarın “Kashmir Reader”da yayımlanan məqaləsi:


http://kashmirreader.com/2017/11/01/glass-ceilings-invisible-obstacles/

http://www.harunyahya.org/tr/Eser-Tipi/262228/Cam-Tavanlar-G%C3%B6r%C3%BCnmeyen-Engeller
 

]]>
http://adnanoktar.az/az/Məqalələr/263907/susə-tavanlar-gorunməyən-əngəllər http://adnanoktar.az/az/Məqalələr/263907/susə-tavanlar-gorunməyən-əngəllər Sat, 25 Nov 2017 20:26:24 +0200
İslam və xurafat: iki fərqli və bir-birinə zidd din

İslam və xurafat bir-birindən tamamilə fərqli, hətta bir-birinə tamamilə zidd iki müxtəlif dindir. Lakin kifayət qədər məlumatı olmayan insanlar çox vaxt xurafatı İslama bərabər hesab edilirlər. 
 
Bu gün müsəlman aləminin böyük hissəsində yaşanan dinin adı İslam olsa da, əslində, Qurani-kərimdən və Peyğəmbərimizin (səv) dediklərindən uzaq, uydurmalara əsaslanan xurafat dinidir.
 
Xurafat və əsl İslam, yəni Quran müsəlmanlığı arasındakı fərqi əsas yönləri ilə nəzərdən keçirək.
 
İslam dininin yeganə həqiqi və etibarlı mənbəyi Allahın Kitabı Qurandır. Peyğəmbərimiz (səv) Quranı tətbiq etmiş, insanlara çatdırmış, Qurana əməl edilməsini əmr etmiş və sünnənin Quran olduğunu bildirmişdir. Xurafat dininin isə minlərlə fərqli mənbəyi var. Bu etibarsız mənbələr bunlardır: Peyğəmbərimizə böhtan ataraq ona aid olduğu deyilən yüz minlərlə uydurma hədis... İslam alimi kimi tanıdılan insanların din adından ortaya atdıqları uydurma qayda və qadağalar, yanlış Quran şərhləri... Xurafatlara, batil adət və ənənələrə əsaslanan yanlış inanc, hökm və tətbiqlər...
 
Halbuki Allah insanların din məsələsində yalnız Qurandan məsul olduqlarını açıq şəkildə bildirmişdir:

Doğrusu, bu (Quran) sənin üçün və sənin xalqın üçün bir şərəfdir. Siz (ondan) sorğu-suala tutulacaqsınız. (Zuxruf surəsi, 44)

Xurafatçılar Quranın (haşa) başa düşülməyən, üstüörtülü və əskik olduğunu, onu başa düşmək üçün yuxarıda bəhs etdiyimiz saysız-hesabsız mənbəyə ehtiyac olduğunu müdafiə edirlər. Halbuki Quranın açıq-aydın və yetərli olduğunu söyləyən Allahdır. Allah bir çox ayədə Quranın çox aydın və qüsursuz olduğunu, başqa heç bir mənbəyə ehtiyac olmadığını xəbər verir. Bu ayələrdən bəziləri bunlardır:

Məgər (müşriklər) oxunmaqda olan Kitabı sənə nazil etməyimiz onlara kifayət etmədimi? … (Ənkəbut surəsi, 51)

Allah sizə Kitabı (Quranı) müfəssəl surətdə nazil etdiyi halda, mən Ondan başqasınımı özümə hakim istəməliyəm?! … (Ənam surəsi, 114)

… Biz Kitabda heç bir şeyi nəzərdən qaçırmadıq. Sonra onlar Rəbbinin hüzuruna cəm ediləcəkdir. (Ənam surəsi, 38)

Qurana əsaslanan İslam tək və haqq dindir. Xurafat isə aralarında hər mövzuda ixtilaf olan yüzlərlə fərqli qrupa bölünmüşdür. Hamısı öz yolunun doğru, digərlərinin isə batil olduğunu düşünür. Quranda xurafatçıların pərakəndə vəziyyəti belə bildirilir:

Dinlərini parçalayıb firqə-firqə olanlarla sənin heç bir əlaqən yoxdur. Onların işi Allaha aiddir. Sonra (Allah) onlara etdikləri əməllər barədə xəbər verəcəkdir. (Ənam surəsi, 159)

Bütün bu aşkar ayələrə baxmayaraq, xurafatçılar Allahın endirdiyi Qurana əməl etməyə çağırıldıqda etiraz edir və yüzlərlə il atalarından, babalarından miras qalan uydurma dinə tabe olmaqda israr edirlər. Peyğəmbərimiz (səv) dövründə də Rəsulullaha ən çox qarşı çıxanlar, Allahın endirdiyi dini qəbul etməyənlər dövrün müşrikləri, yəni xurafatçılar olmuşlar. Allah bu həqiqəti belə xəbər verir:

Onlara: “Allahın nazil etdiyinə tabe olun!”– deyildikdə, onlar: “Xeyr, biz atalarımızın tutduğu yolu tutacağıq!”– deyirlər. Bəs ataları bir şey anlamayıb doğru yola yönəlməyiblərsə necə? (Bəqərə surəsi, 170)

Qurandakı əsl dini yaşamaq çox asan olduğu halda, xurafatçılar dini hər cəhətdən çətinləşdirərək yaşanmaz hala gətirirlər. İslam asanlıq dinidir. Xurafatçılar isə din nə qədər çətin olarsa, o qədər yaxşı olduğunu düşünürlər. Bu, Allahın mərhəmətli olduğunu anlamamaqdan irəli gələn yanlış fikirdir. Tarix boyunca bütün Peyğəmbərlərə qarşı da insanların müqavimət göstərdikləri əsas mövzulardan biri olmuşdur. Hz.Musa qövmünə: "Allah sizdən bir inək kəsməyinizi istəyir" - dedikdə qövmü çoxlu sual verərək çox sadə olan əmri az qala tətbiq etməyəcək hala gətirmişlər. Üstəlik, bunu edərkən guya Allahın əmrinə həssas yanaşdıqlarını iddia etmişlər. Halbuki Allahın əmrinə olan həssaslıq dini Allahın endirdiyi kimi sadə, asan, əsl halı ilə yaşamaqdır. Dinin asan olduğu Quranda bir çox ayələrdə xüsusi vurğulanmışdır:

(Ey möminlər!) Allah yolunda layiqincə cihad edin. O (Öz dini üçün) sizi seçdi və dində sizin üçün heç bir çətinlik yeri qoymadı – atanız İbrahimin dini (dinində olduğu) kimi… (Həcc surəsi, 78)

Bundan başqa, Allah Quranda yeyilməsi qadağan edilən qidaları yalnız leş, qan, donuz əti və Allahdan başqası adına kəsilmiş heyvanlarla məhdudlaşdırdığı halda (16/115, 2/173), xurafatçı mənbələrdə yeyilməsi haram olan yüzlərlə bəndlik qida siyahıları olur. Allah xurafatçıların bu yanlış mövqeyindən Quranda belə bəhs edir:

Diliniz yalana vərdiş etdiyi üçün (dəlilsiz-sübutsuz): “Bu halaldır, o haramdır!” – deməyin, çünki (bununla) Allaha iftira yaxmış olursunuz. Allaha iftira yaxanlar  nicat tapmazlar! (Nəhl surəsi, 116)


De: “Allahın Öz bəndələri üçün yaratdığı zinəti və təmiz ruziləri kim haram buyurmuşdur?” De: “Bunlar dünyaya iman gətirənlər üçündür, qiyamət günündə isə yalnız möminlərə məxsusdur”. Biz ayələrimizi anlayıb-bilən bir tayfaya belə ətraflı izah edirik. (Əraf surəsi, 32)

Xurafatçı düşüncədə qadına, hər cür gözəllik, estetika və sənətə qarşı xüsusi düşmənçilik və nifrət vardır. Quranda hz. Süleymanın sarayına heykəllər, hovuzlar, qalalar kimi möhtəşəm sənət əsərləri inşa etdirdiyi bildirilir (34/13). Allahın cənnətdə mükəmməl və bənzərsiz şəkildə yaratdığı əzəmət, gözəllik və incəsənət ətraflı təsvir edilir.

Xurafatçılar isə sənət, gözəllik və estetikaya tamamilə qarşıdırlar. Onlar heykəli, rəsmi, musiqini ən böyük günah hesab edir, hər fürsətdə bunları viran edib alçaltmağı guya müqəddəs vəzifə sayırlar.

Nəticədə fanatik din anlayışı özünəqapalı, sevgisiz, həyatın gözəlliklərindən zövq almayan qeyri-sağlam kütlələr yetişdirir. Bunu yaxşı bilmək lazımdır ki, bir ölkədə qadınlara dəyər verilmirsə, qadınlar azad deyilsə, o ölkənin küçələrinə zülmət hakimdirsə, elmdə və texnologiyada inkişaf yoxdursa, insanlar fikirlərini sərbəst olaraq ifadə edə bilmir, inanclarına görə yaşaya bilmir, küçələrdə istədikləri kimi geyinib, istədikləri kimi gəzə bilmirsə, İslamı yaşamaları üçün insanlara hər hansı formada təzyiq edilirsə, fərqli məzhəbdən olanlar kafir elan edilirsə, ateist və ya dinsizlər təzyiqə məruz qalırsa, kilsələrə, sinaqoqlara hücum edilirsə, hər dindən, dildən, etnik mənşədən insan birinci kateqoriyalı vətəndaş münasibəti görmürsə, o ölkə rəssamları, heykəltaraşları, musiqiçiləri, sənətçiləri, ədəbiyyatçıları və s. ilə ön plana çıxa bilmirsə, mədəniyyətsizlik cəmiyyətdə yayılıbsa, o ölkədə Quran əxlaqına əsaslanan bir düşüncənin hakim olduğunu demək mümkün deyil.
 
Lakin bu yanlışlığı edən insanları təzyiq altına almaqla da xurafatın aradan qaldırılması mümkün deyil. Bu insanlar yaşadıqları sistemə təlqinlə inandırılıblar. Əks təlqinlə Quran ayələrindən dəlillər gətirərək etdiklərinin yanlış olduğu göstərildikdə onları bu qaranlıq dünyadan xilas etmək mümkündür.

Quran əxlaqı izah edildikdə və yaşandıqda cəmiyyətə sülh, təmkin, ağıl, demokratiya, azadlıq, sənət, keyfiyyət, mədəniyyət, elmi tərəqqi, xoşbəxtlik, qısası, gözəl olan hər şeyin ən yaxşısı hakim olacaq, insanlar xurafatların bütün ağır yüklərindən xilas olacaqlar.

Adnan Oktar'ın “Egyptian Streets” (Misir) və “Jefferson Corner”də (Amerika) yayımlanan məqaləsi:

http://www.xeberaz.az/karisel/38441-slam-v-xurafat-iki-frqli-v-bir-birin-zidd-din.html

http://xebertv.az/gundem/19192-slam-v-xurafat-iki-frqli-v-bir-birin-zidd-din.html

http://azim.az/gundem/2529-islam-v-xurafat-iki-frqli-v-bir-birin-zidd-din-adnan-oktar-yazir.html

http://www.mustaqil.az/2017/11/29/islam-v%C9%99-xurafat-iki-f%C9%99rqli-v%C9%99-bir-birin%C9%99-zidd-din/

http://dunyaxeber.info/dunya/2856-slam-ve-xurafat-iki-ferqli-ve-bir-birine-zidd-din.html

http://anaxeber.az/fles/31175-slam-ve-xurafat-iki-ferqli-ve-bir-birine-zidd-din.html

http://obyektiv.info/cemiyyet/7007-slam-ve-xurafat-iki-ferqli-ve-bir-birine-zidd-din.html

http://sizinxeber.az/world/4463-slam-v-xurafat-iki-frqli-v-bir-birin-zidd-din.html

http://arazmedia.az/index.php/cemiyyet/item/2514-islam-v-xurafat-iki-f-rqli-v-bir-birin-zidd-din-izah

http://idealxeber.com/olke/details/636/slam-v-xurafat-iki-frqli-v-bir-birin-zidd-din

https://millixeber.az/islam-və-xurafat-iki-fərqli-və-bir-birinə-zidd-din/

https://egyptianstreets.com/2017/11/02/islam-and-bigotry-two-different-and-opposite-religions/

http://www.jeffersoncorner.com/islam-and-bigotry-two-different-and-opposite-religions/

]]>
http://adnanoktar.az/az/Məqalələr/263905/islam-və-xurafat-iki-fərqlihttp://adnanoktar.az/az/Məqalələr/263905/islam-və-xurafat-iki-fərqlihttp://imgaws1.fmanager.net/Image/objects/6-makaleler/egyptian_streets_adnan_oktar_Islam_and_bigotry_two_different_and_opposite_religions2.jpgSat, 25 Nov 2017 18:45:49 +0200
Afrikadakı aclıq problemi dərhal həll edilməlidir

Dünyada adı aclıqla bərabər çəkilən regionların (iqlim şəraitinə görə kənd təsərrüfatı və heyvandarlıqla məşğul olmaq çətindir) Skandinaviya və ya Qrelandiya yox, Afrika olması çox düşündürücüdür.


2017-ci ilin fevral ayında Almaniyanın “Deutsche Welle” qəzetinin internet səhifəsində “Somalidə aclıq təhlükəsi” başlıqlı yazı ilə “humanitar yardım təşkilatlarının Somalidə quraqlığa görə həyəcan siqnalı çalması” barədə məlumat verildi.[1] Anadolu agentliyinin internet səhifəsi isə bu mövzu ilə bağlı 2017-ci ilin mart ayında “Şərqi Afrikada milyonlarla insan aclıqla üz-üzə” başlıqlı xəbər yayımladı. Xəbərdə (BMT-nin məlumatına görə) Şərqi Afrika ölkələrində 23 milyon insanın ərzaq çatışmazlığına görə aclıqla qarşılaşdığı bildirilir, insan ölümlərinin başlamasının bölgə xalqının gələcəyi ilə bağlı narahatlıqları artırdığı qeyd olunurdu.[2]


“Euronews” isə “Afrikanın 4 ölkəsində olan aclıq BMT-nin üzləşdiyi ən böyük humanitar böhrandır” - deyə qeyd edərək Cənubi Sudan, Somali, Yəmən və Nigeriyada 20 milyondan çox insanın aclıq təhlükəsi ilə qarşı-qarşıya olduğunu bildirdi.[3]
Bunların hamısı bu ilə aid olan xəbərlərdir. Yəni Afrikada aclıq problemi hələ də davam edir. Belə ki, BMT-nin humanitar işlər üzrə məsul baş katib köməkçisi və təcili yardım koordinatoru Stefan O’Brayn (Stephen O’Brien) beynəlxalq cəmiyyətə çağırış etdi. O’Brayn vəziyyətin gərginliyini bu sözlərlə dilə gətirdi:


 “...Hazırda dörd ölkədə 20 milyondan çox insan aclıq və qıtlıq təhlükəsi ilə qarşı-qarşıyadır. Ortaq qlobal əməkdaşlıq olmasa, bu insanlar acından öləcək”.[4]


Təbii ki, bu hal sənədli filmlərdə Afrikada qaçan ceyranları, sıx meşələri və ya Nil çayının axan sularını seyr edən avropalı və amerikalıların bir çoxu üçün başadüşülən deyil. Onlar üçün Afrika çox bərəkətli qitədir. Son illərdə Çin, yaxud da Avropa firmalarının Afrikada kənd təsərrüfatı ilə məşğul olmaq üçün torpaq sahələri aldıqları və icarəyə götürdüklərinə dair kütləvi informasiya vasitələrində çıxan xəbərlər bu fikri bir daha təsdiq edir.
Amma həqiqət düşünülənlərdən daha fərqlidir. Vətəndaş müharibəsi, terror, quraqlıq və insanların köçü aclığı Afrikanın daimi probleminə çevirib. Vəziyyət o həddə çatıb ki, Somalinin paytaxtı Moqadişudakı Banaadir xəstəxanasında son iki ay ərzində 47 uşaq aclıqdan həyatını itirib. BMT-nin uşaqlara yardım fondu UNİCEF Cənubi Sudan, Nigeriya, Somali və Yəmənin bəzi bölgələrində yüz minlərlə uşağın yetərsiz qidalanma, vətəndaş müharibəsi və qıtlıq səbəbindən ölüm təhlükəsi ilə üz-üzə olduğunu bildirir.


Somalidəki vəziyyət narahatlıq verir. Məlum olduğu kimi, 2001-ci ildə Somalidəki quraqlığa görə 250 mindən çox insan həyatını itirib. Buna bənzər vəziyyət hal-hazırda da baş verir. Yağışsız keçən mövsümlər böyük otlaqları quraq ərazilərə çevirib. Onsuz da yoxsul olan əhali əllərindəki son bir neçə heyvanın ölməməsi üçün kilometrlərlə yol qət edərək ot axtarır. Lakin bu axtarış çox vaxt uğursuzluqla nəticələnir. BMT keçi və dəvələrin ard-arda öldüyünü bildirərək Somali xalqının yeni aclıq böhranı ilə üz-üzə olduğunu bildirir.


Aclığın quraqlıqla əlaqəli olması dəyişən iqlim şəraitini gündəmə gətirir və təbii ki, insanın təbiətə, atmosferə verdiyi zərərləri də. Məsələn, BMT-nin 5 qurumunun rəhbərlərinin birlikdə hazırladığı bir hesabatda El-Ninyodan sonra Subtropik Afrikanın bir hissəsində, cənub-şərqi və qərbi Asiyanın isə çox hissəsində qida təhlükəsizliyinin pozulduğu bildirilir.[5] Bu mövzu ilə bağlı tədbirlər görülməsi Afrikadakı quraqlığa həll yolu gətirəcək üsullardan biridir.


Digər həll yolu isə yeni qida mənbələri tapmaq, kənd təsərrüfatı və heyvandarlığı qısa zaman ərzində inkişaf etdirməkdir. Məlum olduğu kimi, bir çox inkişaf etmiş ölkə heyvanların cins tərkibinin yaxşılaşdırılması üsulu ilə quraqlığa dözümlü kiçik və böyük baş heyvanlar yetişdirir, ət və süd məhsuldarlığını artırır. Bu heyvanların aclıq bölgələrində qısırlaşdırılmadan istifadə edilməsi də həll yollarından biri ola bilər.


Afrikada aclıqla mübarizədə ən nüfuzlu təşkilat BMT-dir. Lakin BMT-nin həll yolları, adətən, vaxta və regiona istiqamətlidir. Belə ki, qəti həll yolu tapmaq əvəzinə, aclıq təhlükəsi zamanı müvafiq bölgəyə humanitar yardım çatdırmağa çalışır. Bu halı ilə BMT evinin müxtəlif yerlərindəki yanğını söndürmək üçün əlində bir vedrə su ilə qaçan adama bənzəyir. Halbuki problemi daimi böhran fondu quraraq  həll etmək mümkündür.
Bir çox ölkələrin təbii fəlakətlər üçün qurduqları fondlar var. Bunların oxşarı aclıq halları üçün BMT nəzarətində daimi hala gətirilə bilər.


Belə ki, Almaniya İqtisadi Əməkdaşlıq və İnkişaf naziri Gerd Müller “Passauer Neuen Press”ə verdiyi açıqlamada bu mövzudan bəhs etmişdir. Müller BMT-nin qurumlarının yetərli şəkildə maliyyələşə bilmədiyini və baş verən hər aclıq böhranında maddi dəstək istəmələrinin qəbul edilmədiyini, bununla bağlı BMT-nin “gələcəyə istiqamətli profilaktik tədbirlər” görmək üçün iş görməli olduğunu vurğulamışdır. [6]


Bütün bunlar həll yolu ola bilər, ancaq Afrikada, ilk öncə, irimiqyaslı və təcili humanitar yardım kampaniyasına start verilməlidir. Bundan başqa, gələcəkdəki quraqlıqların mənfi təsirlərini nəzarət altında saxlayan dövlət qurumları yaradılmalı və davamlı inkişaf strategiyası tətbiq edilməlidir.
Afrika qitəsindəki quraqlıqların qıtlığa çevrilməsinə mane olan mexanizmlər və həll yolu gətirən dövlət qurumlarının yaradılması, təbii ki, bir neçə dövlətin həll edəcəyi problem deyil. Bunun üçün güclü iqtisadiyyatı olan Fars körfəzi ölkələrinin əməkdaşlıq şurası  üzvlərinə (Səudiyyə Ərəbistanı, Qətər, Küveyt, Birləşmiş Ərəb Əmirlikləri, Oman və Bəhreyn) böyük iş düşür. Qərb ölkələri başda olmaqla, beynəlxalq ictimaiyyətin də bu ölkələrə yardım etməsi və inkişaf məsələsində birlikdə fəaliyyət göstərmələri problemin daha çox itkiyə səbəb olmadan həll edilməsini təmin edəcək.  

 

[1] http://www.dw.com/tr/somalide-a%C3%A7l%C4%B1k-alarm%C4%B1/a-37721681
[2] http://aa.com.tr/tr/dunya/dogu-afrikada-milyonlarca-kisi-acligin-pencesinde/767187
[3] http://tr.euronews.com/2017/03/11/afrika-nin-4-ulkesindeki-aclik-bm-nin-yuzlestigi-en-buyuk-insani-kriz
[4] http://tr.euronews.com/2017/03/11/afrika-nin-4-ulkesindeki-aclik-bm-nin-yuzlestigi-en-buyuk-insani-kriz
[5] https://www.theguardian.com/global-development/2017/sep/15/alarm-bells-we-cannot-ignore-world-hunger-rising-for-first-time-this-century?CMP=share_btn_tw&utm_campaign=Twitter&utm_source=Link&utm_medium=AMS
[6] http://www.dw.com/tr/somalide-a%C3%A7l%C4%B1k-alarm%C4%B1/a-37721681
Adnan Oktarın “American Herald Tribune”da (Amerika) yayımlanan məqaləsi:
https://ahtribune.com/world/africa/1979-hunger-in-africa.html

]]>
http://adnanoktar.az/az/Məqalələr/263596/afrikadaki-acliq-problemi-dərhal-həllhttp://adnanoktar.az/az/Məqalələr/263596/afrikadaki-acliq-problemi-dərhal-həllhttp://imgaws1.fmanager.net/Image/objects/6-makaleler/american_herald_tribune_adnan_oktar_hunger_in_Africa_necessitates_immediate_solutions2.jpgSun, 19 Nov 2017 21:04:57 +0200
XXI əsrin dəhşəti: silahların kölgəsində acından ölən körpələr

 

Bir çörək qırıntısına, ya da xarab olmuş meyvəyə belə çox böyük iştahala hücum etmək...
 
Polşalı pianoçu Vladislav Şpilmanın II Dünya Müharibəsində düşmən əsgərləri tərəfindən öldürülmək, ya da sığındığı yerdə acından ölmək arasındakı seçim sonradan "Pianoçu " filminin mövzusu oldu.
 
Üstündən 60 ildən çox vaxt keçdi, ancaq hələ də insanlar bombalar altında ölüm və aclıq arasında seçim etməyə məcbur edilirlər. Üstəlik, bu seçimlə üz-üzə qalanlar təkcə 5-10 nəfər deyil. Yəməndə, Cənubi Sudanda, Suriyada minlərlə günahsız dinc əhali münaqişələrdən qaçaraq sığındıqları yerlərdə bir tikə çörəyə möhtacdırlar.

Daha da dəhşətlisi odur ki, müharibə taktikası olaraq planlı şəkildə aclıq yaradılır. Belə ki, BMT Suriya müharibəsində acından öldürməyin yeni "silah" növü kimi istifadə edildiyinə diqqət çəkərək Şərq Qutadakı insanların aclığa məhkum edildiyini bildirdi. BMT-nin İnsan Hüquqları üzrə Komissarı Zeyd Raad əl-Hüseyn "insanların qəsdən ac qoyulmasını" Suriya vətəndaş müharibəsində müharibə taktikası kimi istifadə edildiyini bildirdi və xalqın ac qoyulmasının beynəlxalq insan hüquqlarının pozulması mənasına gəldiyini, bu səbəbdən Şərqi Qutada cinayət törədildiyini qeyd etdi. Suriyada dinc əhalinin qəsdən ac qoyulması ilə bağlı oxşar açıqlama BMT-nin Qida məsələləri ilə bağlı nümayəndəsi Hilal Ənvər tərəfindən verildi və Suriyada aclığa məhkum edilən insanlara diqqət çəkildi. (1)

Dəməşqin şəhərətrafı regionu Şərqi Qutada təxminən 400 min insan yaşayır. Maraqlısı budur ki, bu bölgə müharibədən əvvəl ölkənin mühüm kənd təsərrüfatı mərkəzi idi. Bu səbəbdən müxaliflərin nəzarətindəki region 2013-cü ildən etibarən Əsəd rejiminə tabe olan qüvvələrin mühasirəsi altındadır. Ona görə bölgəyə kifayət qədər humanitar yardım çatdırmaq mümkün olmur. Yaxın dövrə qədər insanlara ərzaq çatdırmaq üçün istifadə edilən tunellərin rejimin hərbi əməliyyatları nəticəsində bağlanması Şərqi Qutadakı aclıq təhlükəsini daha da artırır.

AFP müxbiri tərəfindən çəkilən acından ölmək üzrə olan körpənin görüntüləri dünya mətbuatında yer aldıqdan sonra vəziyyətin nə qədər acınacaqlı olduğu üzə çıxdı. Görüntülərdəki uşaqlar o qədər aclıq çəkirdilər ki, ağlamaq üçün səslərini belə çıxara bilmirdilər. Analar da körpələrini əmizdirə biləcək qədər qidalana bilmir, atalar da lazımi qidanı təmin edə bilmirdilər. (2)
 
Qeyri-hökumət təşkilatı SNHR (Syrian Network for Human Rights) açıqlamasında Şərqi Qutada 206 uşaq və 67 qadının öldüyünü, 400 min nəfərin qeyri-kafi qidalanma ilə üz-üzə qaldığını bildirdi. Bu insanların daimi səhiyyə xidməti alması da demək olar ki, qeyri-mümkündür. (3)

Bu həftə Qutaya BMT yardım tırlarının çatması, şübhəsiz ki, sevindirici haldır. Ancaq məsələnin təkcə yardımla həll edilə bilməyəcəyi artıq hər kəsə məlumdur. Hər hansı çözüm gətirilməsə, müharibə taktikası hesab edilən "bölgəni ac qoyma" siyasətinin davam edəcəyi görünür.
 
Müharibəyə görə aclıq təhlükəsi olan digər bir ölkə isə Yəməndir. Döyüş bölgəsindəki 7 milyon insandan təkcə 3 milyonu yardımlarla qidalana bilir. Halbuki BMT-nin proqnozlarına görə, ən az 4,5 milyon insanın ərzaq yardımına ehtiyacı var. (4)

Norveç Qaçqınlar Şurasının (NRC) hazırkı sədri Yan İqland (Jan Egeland) bu vəziyyəti "beynəlxalq diplomatiyanın nəhəng uğursuzluğu" kimi dəyərləndirib qınayır. O, bölgədə gördüklərindən sümüklərinin sızıldadığını deyərək baş verənlərin quraqlıq olmadığını, A-dan Z-yə insan "əməyi" olduğunu deyir. Bu, Yəmənin də Quta kimi müharibə strategiyası kimi insanların aclığa məhkum edildiyini göstərir. Yəmənin Hudeydə limanı uzun müddətdir qapalı saxlanılır. Bu səbəbdən də regiona yardımları çatdırmaq qeyri-mümkündür. Məhz bu səbəbdən Yəməndə hər 10 dəqiqədən bir 5 yaşından balaca uşaq ölümlə üz-üzə qalır. (5)

Şərqi Qutanın yerləşdiyi region Türkiyə, İran və Rusiyanın Suriyada qurulması üçün razılığa gəldiyi təhlükəsiz bölgələrə daxildir.(6) Ancaq təhlükəsiz bölgələrin reallaşdırılması sürətlə getmir. Bu da insan itkilərinin qarşısının alınmasını ləngidir. Ancaq yenə də bu yerlər üçün müvəqqəti həll yolları həyata keçirmək mümkündür.
 
Məsələn, Qutada BMT nəzarətində rejimin, rusların və türklərin yer alacağı nümayəndə heyətləri təşkil edilə bilər və onlar regiona davamlı ediləcək humanitar yardımlara nəzarət edə bilərlər. Oxşar şəkildə, bütün tərəflərin iştirak etdiyi mülki heyətə Yəmənin Hudeydə limanında səlahiyyət verilə bilər. Bu şəkildə münaqişə edən tərəflərin yardımlarla birlikdə qarşı tərəfə silah göndərildiyinə dair narahatlıqları aradan qaldırıla bilər.

Texniki tədbirlər ilkin olaraq alınmalıdır təbii ki. Ancaq bölgə üçün əsas həll yolu region ölkələrinin bir araya gələrək ağıllı ittifaq qurmalarıdır. Xüsusilə Rusiya, İran və Türkiyənin zəmanətində atəşkəsdən sonra sülh üçün təşəbbüslər həyata keçirilməlidir. Bunun üçün konsensusa gəlmək, bölgədə qan axmaması üçün tədbirlər görmək, terroru susduracaq və Qərb müdaxiləsini dayandıracaq addımlar atmaq vacibdir. Bu, ancaq güclü ittifaqların həyata keçirə biləcəyi həll yoludur.


İstinadlar:

  1. Deutsche Welle Türkçe, BM: Suriye'de siviller açlıktan öldürülüyor, 27.10.2017,  http://www.dw.com/tr/bm-suriyede-siviller-a%C3%A7l%C4%B1ktan-%C3%B6ld%C3%BCr%C3%BCl%C3%BCyor/a-41146781
  2. Arab News, Syrian children die of hunger under regime siege, 23 oktyabr 2017, http://www.arabnews.com/node/1181786/middle-east
  3. Mohamed Sheikh Yusuf, Hunger kills 397 Syrians in Eastern Ghouta: NGO, 24.10.2017, http://aa.com.tr/en/middle-east/hunger-kills-397-syrians-in-eastern-ghouta-ngo/946205
  4. Action Against Hunger USA, Yemen: Hunger Kills Every Day, 20 dekabr 2016, https://www.actionagainsthunger.org/blog/yemen-hunger-kills-every-day
  5. Karen Mc Veigh, Yemen hunger crisis leaves refugee chief 'shocked to the bones', 3 may 2017, https://www.theguardian.com/global-development/2017/may/03/yemen-hunger-norwegian-refugee-council-chief-jan-egeland-shocked-to-the-bones
  6. Arab News, Syrian children die of hunger under regime siege, 23 Ekim 2017, http://www.arabnews.com/node/1181786/middle-east

Adnan Oktarın "Cape Times", "The Star", "Pretoria News", "The Mercury" (Cənubi Afrika) ve "Only Kashmir"'də (Hindistan) yayımlanan məqaləsi:

https://www.iol.co.za/pretoria-news/hunger-used-as-a-weapon-11905609

http://onlykashmir.in/doomed-to-hunger-through-unlawful-warfare-strategy-syria-yemen-starve/

 

 

 

]]>
http://adnanoktar.az/az/Məqalələr/263422/xxi-əsrin-dəhsəti-silahlarin-kolgəsindəhttp://adnanoktar.az/az/Məqalələr/263422/xxi-əsrin-dəhsəti-silahlarin-kolgəsindəhttp://imgaws1.fmanager.net/Image/objects/6-makaleler/cape_times_adnan_oktar_doomed_to_hunger_through_unlawful_warfare_strategy_Syria_Yemen_starve2.jpgThu, 16 Nov 2017 19:48:00 +0200
Dəccaliyyəti inkar etmək fitnələrin yayılmasına səbəb olur

Dünyada bir çox siyasətçi, mütəfəkkir və ziyalı münaqişələr, inqilablar, müharibələr, iqtisadi böhranların, qarışıqlıq və anarxiyanın müəyyən məqsədə nail olmaq üçün “üst ağıl” tərəfindən və vahid mərkəzdən idarə olunduğu bildirirlər.
 
Hadisələrin yaranma forması, vaxtı, bir-biri ilə əlaqəsi, bunların dünya siyasətinə dərindən təsir edəcək şəkildə baş verməsi, bir araya gəlməsi mümkün olmayan qüvvələrin pislik etmək üçün birləşməsi, yaxşılığı və sevgini müdafiə edənlərin dünya miqyasında təzyiqə məruz qalmaları, bir çox etiraflar və baş verənlərin ətraflı analizi bu həqiqəti göstərən dəlillərdəndir. Bunlar uzunmüddətli planların həyata keçirildiyi həqiqətini ortaya qoyur.

Digər tərəfdən terror təşkilatlarının, mafiyanın və cinayətkarların görünüşdə fərqli mərkəzlər tərəfindən qorunub müdafiə edilməsi, qarşısının alınması asan olan qətliamların göz görə-görə həyata keçirilməsi də bunları təşkil edən dərin güclərin varlığının digər dəlillərindəndir.
 
 Fitnələrin sadəcə bir mərkəzi var

Fitnələri kimin və ya kimlərin təşkil etməsi barədə vahid fikir yoxdur. Pisliklərin əsas mərkəzi olaraq bir tərəfdən maliyyə baronları, faiz lobbisi, narkotik kartelləri, media baronları, beynəlxalq nəhəng şirkətlər, neft lobbisi, digər tərəfdən isə bəzi gizli komitələr və dövlətlər də bu sahədəki tədqiqatların mövzusu olmuşdur. Ancaq bu mövzuda edilən ən böyük xəta tarixi həqiqətlərə geniş perspektivdən baxmamaq və əsl mərkəzi qurumu tapa bilməməkdir.

Geniş perspektivdən baxıldıqda nifrət siyasətini ortaya çıxarıb genişləndirən onlarla qurumun, əslində, bir-biri ilə koordinasiyalı fəaliyyət göstərdiyi, ortaq ideologiya və hədəflərinin olduğu və bunların böyük mütəşəkkil cinayətkar birliyin “piramidasını” təşkil etdikləri məlum olacaq.
 
Fitnələri təşkil edən bu qaranlıq qüvvənin lüğəvi mənası fəsad çıxaran, pislikləri hazırlayan və yalan söyləyərək insanları aldadan mənasına gələn "dəccaliyyət"dir.
 
İlahi dinlərin hamısında bu qaranlıq qüvvə ətraflı təsvir edilmiş, dünyada nizamı pozmağa çalışacağı bildirilmişdir. Bu qüvvə müsəlmanların inancına görə "Dəccal", xristianlara görə "Antixrist", musəvilərə görə isə "Antiməsih"dir. Fərqli adlara malik olsalar da, bu, vahid strukturdur və xüsusiyyətləri də eynidir. 


Dəccaliyyətin varlığının başa düşülməsi

Dünyanın hazırki vəziyyətini tam izah edə bilmək üçün dövrümüzün imkanlarını keçmiş zamanla müqayisə etmək çox əhəmiyyətlidir. Çox uzağa deyil, yüz il bundan əvvələ getsək, böyük fəlakətlərə, qıtlıqlara, yoluxucu xəstəliklərə və ya təbii fəlakətlərə məruz qalan bölgələrin vəziyyətinin dünyanın digər təbəqələri tərəfindən bilinmədiyi həqiqəti ilə qarşı-qarşıya qalarıq. Böyük fəlakətlərə məruz qalmış bölgələrə yardımların çatdırılması da keçmişdə çətin olmuşdur. Bu da dağıntıların, əzabların, fəlakətlərin miqyasını daha da artırmışdır.
 
Dövrümüzdə isə bütün dünya texnologiyanın və ünsiyyətin inkişafı ilə saniyələr ərzində hər bir hadisədən dərhal xəbərdar olur. Fəlakətlərə yardım əlini uzatmaq da yenə qısa müddət ərzində mümkün olur.

Bu gün ölkələr bir araya toplanmış, insan hüquqlarını təminat altına alan prinsiplər qəbul edilmiş, ədalətsizliklərə dərhal müdaxilə edəcək strukturlar yaradılmışdır. Birgə hüquqi nizamlama çərçivəsində yardımlaşma və həmrəylik dünyanın mədəni sayılan bütün güclü ölkələri tərəfindən əsas prinsip kimi qəbul edilmişdir. Dünyanın hər hansı bir yerində ədalətsizlik baş versə, insanların təcili köməyə ehtiyacları olsa, dövlətlərin, cəmiyyətlərin, qeyri-hökumət təşkilatlarının, qısası, bütün bəşəriyyətin dərhal səfərbər olub kömək edəcək imkanları artıqlaması ilə mövcuddur.

Ancaq bu sistem, demək olar ki, heç vaxt işləmir. Yaxın Şərq, Afrika, Asiya, Latın Amerikasında, hətta Avropada da milyardlarla insan özlərini pis həyat şəraiti və təhlükələrdən xilas edəcək  yardım gözləyərkən, sanki yardımların qarşısı kəsilir, insanlar bolluq içində yoxluğu yaşamağa, əmin-amanlıq və təhlükəsizlik içində olmaq varkən mənasız və amansız döyüşlərdə məhv olmağa məcbur edilirlər.
 
Əlbəttə, insanlıq tarixinin hər dövründə şeytana uyan, zalım, despot və qəddar rəhbərlər olmuşdur. Bəşəriyyət bu qəddar rəhbərlərin zülmü altında sanki cəhənnəm həyatını yaşamaq məcburiyyətində qalmışdır. Ancaq bəşəriyyət indiki kimi heç bir dövrdə hüquqları pozulan, zülmə məruz qalan, yoxsulluq içində qovrulan, fəlakətlərə məruz qalan, qaçqın düşərgələrində ölümlə üz-üzə qalan, günahsız yerə müharibələrdə öldürülən, aclığa və yoluxucu xəstəliklərə məğlub olan milyonlarla insanların görüntülərinə şahid olmamışdır. 

Artıq hər kəsin görməyə adət etdiyi, hətta bir çox insanın artıq əhəmiyyət vermədiyi belə xəbərlər başlıqlarda yer alır:

ABŞ işğalının başladığı 2003-cü ildən etibarən davam edən qanlı hücumlarda ölən iraqlıların sayının 1,2 milyona çatdığı bildirildi. [1]

İraqda 2 milyon uşaq əziyyət çəkir. [2]

Afrika son illərin ən sərt quraqlığı ilə üz-üzədir. Quraqlıq 14 milyon insanı təhlükə altında qoyur. [3]

Dünya qlobal aclıq hesabatı açıqlanıb. Hesabata görə, dörd uşaqdan biri qeyri-kafi qidalanır, saatda 300 uşaq aclıqdan ölür. [4]

Afrikada hər il 13 milyon insan aclıqdan öldüyü halda, Amerikada köklüyün müalicəsinə xərclənən pul təqribən 40 milyard dollardır. [5]

Qlobal Aclıq İndeksinə görə, 52 ölkənin vətəndaşları "ciddi və narahatlıqverici” aclıq həddindədir. [6]

BMT-nin hazırladığı 04 aprel 2016-cı il tarixli hesabata əsasən, Suriyadan ümumilikdə 4.837.208 nəfər rəsmi olaraq ölkədən mühacirət etmişdir. [7]

BMT-nin ən son hesablamalarına görə, dünyadakı qaçqınların sayı 60 milyondur. [8]

Beynəlxalq Miqrasiya Təşkilatının məlumatlarına görə, təkcə 2015-ci ildə 5.509 qaçqın köç zamanı həyatını itirmişdir. [9]

2014-cü il ərzində 32.658 nəfər terror hadisələrində həyatını itirmişdir. 2000-ci ildən etibarən isə terror aktlarında ölənlərin sayı 80% artmışdır. [10]

Qlobal Sülh İndeksi 2015-ci ildə siyasi qeyri-sabitlik, terror və münaqişələrin qlobal iqtisadiyyata 13,6 trilyon dollar zərər vurduğunu bildirir. [11]

Yuxarıdakı nümunələr son illərdə baş verən və günümüzdə də artaraq davam edən milyonlarla dəhşətli hadisədən yalnız bir neçəsidir. Ən önəmlisi isə bu fəlakətlərin qarşısının alınması çox asan olduğa halda, bunun edilməməsidir.
 
Bu və ya buna bənzər hadisələrin durmadan davam etməsi sevgisizliyin də böyük sürətlə yayılması fitnələri təşkil edən qurumun fəaliyyətdə olduğunu bir daha ortaya qoyur.
 
Dövrümüzün ən mühüm ideoloji mübarizəsi dəccaliyyətə qarşı aparılmalıdır

Dəccalın ən böyük oyunu və hiyləsi isə Dəccalın olmadığını təlqin etməkdir. Bilərək və ya bilməyərək dəccaliyyətin təsiri altında olan mətbuat orqanları, ziyalı görünüşlü, lakin həyatını tamahına təslim etmiş dəccaliyyət tərəfdarları da bunda müəyyən rol oynayırlar. Nə vaxt dəccaliyyət gündəmə gətirilsə, tərəfdarları "Dəccaliyyət deyə bir şey yoxdur", " Dəccaliyyət hələ hakim deyil" kimi təbliğatına başlayırlar. Dəccal bu şəkildə diqqəti yayındırır, özünü ifşa edəcək məlumatları gizlədir, törədilən pisliklərin guya təsadüfən meydana gəlməsi yalanına insanların çoxunu inandırır. Beləliklə, yüzlərlə ildir davam etdirilən,

 

  • din əleyhinə fəaliyyətlər,
  •  
  • böyük dəstək qazanan azğın fəlsəfələr,
  •  
  • kiçik bir təbəqədən başqa bütün bəşəriyyəti əzən siyasətlər,
  •  
  • müəyyən bir təbəqənin dünyanın bütün zənginliyini ələ keçirdiyi halda, digər insanların yoxluq içində yaşaması,
  •  
  • dünya miqyasında davam etdirilən çirkli pulların yuyulması işi,
  •  
  • beynəlxalq güclər tərəfindən dəstəklənən terror,
  •  
  • ictimai quruluşu alt-üst edən psixoloji hərbi fəaliyyətlər,
  •  
  • sevgisizlik,
  •  
  • elmi olmayan darvinist ideologiyanın israrla dəstəklənməsi,
  •  
  • materialist yalanlar,
  • ictimaiyyət tərəfindən haqsız görülsə də, davam etdirilən işğallar və müharibələr də asanlıqla mütəşəkkil şəkildə davam etdirilir.


“Dəccaliyət yoxdur” demək “pislikləri təşkil edən qurumlarla ideoloji mübarizə aparmaq mənasızdır” deməkdən başqa bir şey deyil. Bu da ideoloji mübarizəni hələ başlamadan nəticələndirəcək və insanların gücü və enerjisi dəccaliyyətin nəzarətinə keçmiş olacaq.

Bu səbəbdən məlum qüvvələrin “dəccaliyyət yoxdur” təbliğinə etibar etməmək lazımdır. Dünyaya sülhün və sevginin hakim olmasını istəyən yaxşılar pisliklər qarşısında Allaha sığınaraq birlik olmalı, şeytani zəkaya sahib olan bu quruma qarşı mütləq ağıl, elm və ideologiya ilə lazımi mübarizəni aparmalıdırlar.

[1] http://www.yenisafak.com/dunya/irakta-kac-milyon-sivil-oldu-68967
[2] http://www.yenisafak.com/dunya/irakta-2-milyon-cocuk-magdur-88820?p=1
[3] http://www.dw.com/tr/afrikada-kuraklık-korku-açlık-ve-susuzluk/g-19027804
[4]http://www.cnnturk.com/2012/dunya/02/16/saatte.300.cocuk.acliktan.oluyor/649368.0/index.html
[5] http://www.akradyo.net/8664341439,71955,9,18-milyon-acliktan-oldu-657-milyon-telefon-satildi.aspx
[6] http://www.hurriyet.com.tr/dunyada-52-ulke-ac-40003046
[7] http://www.stratejikortak.com/2016/04/suriyeli-multecilerin-sayisi.html
[8] http://www.karar.com/dunya-haberleri/bmnin-en-son-rakamlarina-gore-dunyadaki-multeci-sayisi-60-milyon-82395
[9] http://www.igamder.org/haberarsivi/rakamlarlagocmenolumleri/
[10] http://www.hurriyet.com.tr/2015-kuresel-teror-indeksi-yayinlandi-en-kanli-orgut-boko-haram-40015119
[11] https://onedio.com/haber/son-10-yilin-en-kotusu-turkiye-kuresel-baris-endeksi-nde-163-ulke-arasinda-145-sirada--715295
Adnan Oktarın “Daily Mail News”də yayımlanan məqaləsi:
http://dailymailnews.com/2017/10/25/disregarding-the-dajjal-movement-brings-about-the-spread-of-evil/

 

]]>
http://adnanoktar.az/az/Məqalələr/263421/dəccaliyyəti-inkar-etmək-fitnələrin-yayilmasinahttp://adnanoktar.az/az/Məqalələr/263421/dəccaliyyəti-inkar-etmək-fitnələrin-yayilmasinahttp://imgaws1.fmanager.net/Image/objects/6-makaleler/daily_mail_adnan_oktar_disregarding_the_dajjal_movement_brings_about_the_spread_of_evil2.jpgThu, 16 Nov 2017 19:42:06 +0200
“Sapiens” kitabı və Yuval Noah Hararinin təkamül tarixi yanılması2012-ci ildə satışa çıxarılan və türk dilində ilk dəfə 2015-ci ildə nəşr edilən “Sapiens” kitabı “insan növünün qısa tarixindən” bəhs etdiyi iddiası ilə ortaya çıxdı. Ateist bir çox elmi və fəlsəfi yayımda olduğu kimi, bu kitab da guya təkamül prosesi ilə insanın tarixini izah etməyə çalışır. Kitabın adı olaraq seçilən "Sapiens" sözü də insanın tarixi, siyasi və sosial cəhətlərini vurğulamaq yerinə, təkamül iddialarını önə çıxarmaq üçün şüurlu şəkildə seçilmişdir. Qüds İbrani Universitetində tarix üzrə professor olan Hararinin yazdığı bu kitabın tarix kitabı olmadığı çox açıqdır. Kitabda insanın “təkamül prosesi” və sosial darvinizmdən bəhs edən ateist ideologiyanı təbliğatı hakimdir.

Kitab elmi cəhətdən bəşəriyyət tarixindən bəhs etdiyini iddia etsə də, əvvəldən axıra qədər hər cümləsində darvinist düşüncənin izləri görünür. Kitabda darvinizm elmi dəlillər təqdim edilmədən şübhə yoxmuş kimi oxucuya təqdim olunur. Bu məhdudiyyət üzərində formalaşdırılan "bəşər tarixinin inkişafı" sanki nağıl kimi canlandırılır. Kitab tarixi kitab xüsusiyyəti daşımır və heç bir elmi sübutu olmayan təkamülçü məntiqə əsaslandığı üçün biologiya elmi nöqteyi nəzərdən də elmi dəyəri yoxdur. Müəllifin ateist düşüncə tərzi ilə yazdığı kitab fəlsəfə kitabından başqa bir şey deyil.

Kitabın yeganə müsbət tərəfi "darvinist düşüncə cəmiyyətə hakim olsa, dünyanın necə bir qarışıqlıq içinə düşəcəyi" həqiqətinə yer verməsidir. Kitabda darvinist düşüncənin nəticəsi olan vəhşi kapitalizm, faşizm və kommunizmin cəmiyyətə bədbəxtlik gətirəcəyi açıqlansa da, problemə hər hansı həll yolu göstərilmir.
 
Kitab tarixi məlumatlardan çox təkamül ideologiyasından ibarət olduğuna görə içindəki təkamül xarakterli şərhlərə cavab vermək çox əhəmiyyətlidir. İnsanın təkamüllə deyil, Allahın yaratması ilə var olduğunun açıq şəkildə ortaya qoyulması kitabın bütün fəlsəfəsini alt-üst edəcək. Dünyanı təsirinə salmış yanlış sistemdən xilas olmağın yeganə yolunun Allah inancının dünyaya hakim olması ilə mümkün olduğu bir daha xatırladılacaqdır.

Kitabdakı bütün iddialara cavablar Harun Yəhya əsərləri və internet səhifələrimizdə mövcuddur. Burada iddiaların hamısını cavablandırmaq mümkün olmadığından əsas müddəalar cavablandırılmışdır.
 
 "6 milyon il əvvəl yaşamış ortaq əcdad" iddiası
 
Təkamülçü məntiqdə insanın başqa heyvanlardan fərqli olmadığı və insanın heyvanlarla ortaq əcdadı olduğu nağılı təlqin edilir. Harari də kitabının ilk səhifələrində bu iddianı nağıl üslubunda vermişdir:
 
"Xoşumuza gəlsə də, gəlməsə də böyük meymunlar adı verilən səs-küylü və böyük bir qrupun üzvüyük... 6 milyon il əvvəl bir dişi meymunun iki qızı oldu. Bunlardan biri bütün şimpanzelərin əcdadı, digəri də bizim nənəmiz oldu". (Yuval Noah Hararı. Sapiens İnsan Növünün Qısa Tarixi. Kollektiv kitab, 2015, səh. 19)

Hekayə janrında, elmdən uzaq şəkildə ortaya atılan bu iddia hər hansı bir dəlil olmadan öncədən qəbul edilmiş təkamülçü zehniyyətlə yazılmışdır. İlk öncə qeyd edək ki, indiyədək darvinistlərin bu iddiasını sübut edən bircə keçid forma belə tapılmayıb. Tapılması da mümkün deyil. Belə ki, bugünə qədər tapılan 700 milyondan çox fosil dəyişməmiş, dolayısilə də təkamül keçirməmiş canlılara aiddir. "Ortaq əcdad" iddialarını sübutuna dair, heç bir elmi dəlili olmayan təkamülçülərin bu batil inanclarının mənbəyi "homologiya" adı verilən fərqli canlı növlərindəki oxşar xüsusiyyətlərdir. Təkamülçülərə görə meymunların da bizim kimi əllərinin olmasının səbəbi guya onların təkamül keçirən qohumlarımız olmalarıdır.

Təkamülçülər bir-birinə oxşar hesab etdikləri canlıları bir-birinin əcdadı və ya ortaq əcdaddan gələn qohumlar kimi göstərməyə çalışırlar. Elmi dəlillərlə dəstəklənməyən bu iddia ancaq batil inanc kimi dəyərləndirilə bilər. Fərqli canlı növlərinin quruluş baxımından oxşarlığı biologiyada "homologiya" adlandırılır. Təkamülçülərin homologiya ilə bağlı iddialarının ciddi qəbul edilməsi üçün oxşar orqanlar oxşar DNT şifrələri tərəfindən kodlanmalıdırlar. Halbuki oxşar orqanlar əsasən çox fərqli genetik kodlar əsasında müəyyən olunur. Fərqli canlıların DNT-lərindəki oxşar genetik kodlar da olduqca fərqli orqanlara uyğun gəlir. Bundan başqa, ortaq əcdad iddiasının əsaslı ola bilməsi üçün keçid formalar olmalıdır. Ancaq fosil qeydlərində rast gəlinən canlılar mükəmməl orqanlara malik olaraq ortaya çıxan və dəyişmədən nəsillər boyu varlığını davam etdirən növlərdən ibarətdir. Bu da təkamül prosesinin baş vermədiyinin və canlıların yaradıldığının ən böyük sübutudur.

Təkamülün xəyali mexanizmi əcdaddan budaqlanmağa (divergent) doğru işləməlidir. Halbuki təkamülçülərin öz çəkdikləri təkamül ağacı ssenarilərində belə aralarında qohumluq əlaqəsi qura bilmədikləri canlıların oxşar xüsusiyyətlər daşıdığı məlum olmuşdur. Bu da təkamülün divergent olması ilə bağlı məntiqə tamamilə ziddir. Bütün fərziyyələri çıxılmaz vəziyyətdə qalan təkamülçülər bu məqamda daha fərqli hipotez xəyalı quraraq adını "convergent (müxtəliflikdən ortaqlığa) təkamül" qoyurlar. Məhz bu, təkamül məntiqinin iflasa uğradığı nöqtədir. Riçard Doukinz gözün 40 dəfə təkamül keçirdiyini iddia edir, lakin bu iddianın  məntiqsizliyi hər kəsə məlumudur. Bir orqan təsadüflər nəticəsində 40 müxtəlif təkamül prosesindən keçirərək eyni nəticəyə çata bilməz. Bu ancaq şüurlu üst ağılın yaratması ilə mümkündür.

Canlılardakı oxşarlıqlardan yola çıxaraq nəzəriyyələrini sübut etməyə çalışan təkamülçülər üçün böyük problemlərdən biri də tamamilə fərqli gen quruluşundan eyni fiziki xüsusiyyətin ortaya çıxmasıdır. Məsələn, kamuflyaj ustası bir çox canlı ilə yaşadığı mühit arasında mükəmməl oxşarlıqlar mövcuddur . Şəkillərdə gördüyümüz böcək növlərinin heç birinin gen düzülüşü üzərində dayandığı bitkinin gen düzülüşü ilə oxşar deyil. Fərqli genetik quruluşlardan bu cür oxşar fiziki xüsusiyyətlərin meydana çıxması əlbəttə ki, heyranedicidir. Həm bitkinin, həm də həşəratın genetik quruluşuna hakim üstün Yaradıcı olmadan belə bir sənət möcüzəsinin meydana çıxması mümkün deyil. Kamuflyaj xüsusiyyəti olan bu canlılar Yuval Noah Harari qaynaqlı ortaq əcdad iddiası irəli sürən təkamülçülərin fərziyyələrini də çürüdür.

Homologiyaya əsaslanan təkamül məntiqi qurmaq ancaq texnologiyanın yetərsiz olduğu və genetika haqqında məlumatın olmadığı Lamark yaxud Darvin dövründə ortaya atılması mümkün olan fərziyyədir. DNT, RNT və zülalın quruluşunun incə təfərrüatlarına qədər məlum olduğu, canlıların inkişafı prosesinin çox həssas tarazlıqlarla getdiyinin ortaya qoyulduğu hazırkı inkişaf etmiş elm səviyyəsində belə bir iddianın yaşadılması ancaq keçmiş təkamül inanclarının inadla davam etdirilməsi şəklində şərh edilə bilər.


“100 min il əvvəl 6 fərqli insan növünün yaşadığı” iddiası
 
Bildiyimiz kimi, klassik darvinist düşüncənin təkamül mexanizmi kimi ortaya atdığı iddialardan biri təbii seçmədir. Təbii seçmənin işləmə prinsipi cəmiyyətdə müxtəliflik olmasını tələb edir. Cəmiyyətin quruluşunun müxtəlif olmadığı bir şəraitdə təbii seçmənin "güclü olan həyatda qalır" iddiasının işləməyəcəyini düşündükləri üçün təkamülçülər ortaya hər zaman müxtəliflik və genetik fərqlilik çıxarmağa cəhd edirlər. Belə cəhdləri də adətən spekulyasiyaya açıq və təkzibinin çətin olduğunu düşündükləri keçmişə aid fosil qalıqlarında özünə yer tapır. İnsanın tarixi ortaya çıxışı mövzusu da spekulyativdir. Təkamülün ortaya atılmasından günümüzə qədər keçən zaman ərzində insan və meymun növlərinə aid fosillər üzərində bir çox həqiqəti əks etdirməyən spekulyasiya, hətta saxtakarlıqlar edilərək insanabənzər, keçid forma və ya yeni insan növü iddiaları ortaya atılmışdır. Harari də kitabın başlanğıcında 100 min il əvvəl 6 fərqli insan növünün eyni anda yaşadığını və homo sapiensin digərlərinə üstün gələrək dünyada yeganə insan növü kimi qaldığını iddia etmişdir. Fərqli növlər olduğu iddia edilən insanlar homo neanderthalensis, homo erectus, homo soloensis, homo floresiensis, homo denisova və homo sapiens fərqli insan irqləridir. Dövrümüzdə eskimoslar, çinlilər, türklər kimi fərqli insan irqləri olduğu kimi, o dövrdə də fərqli irqlər olmuşdur. O dövrdəki insanlarının xüsusiyyətləri aşağıdakılardır:

Neandertallar:

Avropa və Asiyada e.ə. 200-30 min illərdə yaşamış iri və güclü insan irqidir. İlk dəfə fosilləri tapılanda "dik yeriyə bilməyən keçid növ" kimi təqdim edilmələrinə baxmayaraq, bu iddianın səhv olduğu sonradan sübut olunmuşdur. Keçid növ olduğu, insanın əcdadı olduğu iddiaları əsassız olduğu məlum olduqda bu dəfə də (Hararinin də iddia etdiyi kimi) sapienslə eyni dövrdə yaşamış, amma sapiens tərəfindən aradan qaldırılmış növ olduğu iddiası ortaya atıldı. Sırf anatomik fərqlərin canlının başqa növ olduğunu sübut etməyə kifayət etməyəcəyinin şüurunda olan təkamülçü dairələr son "elmi" dəlillərinə genetik araşdırmaları da əlavə etdilər. Guya müasir insan 1-4% neandertal geni daşıyırdı. Yəni nəsli kəsilməmiş, qarışmışdılar. Halbuki bu iddia tamamilə məntiqsizdir. 100 min il əvvələ aid bir DNT-nin sağlam şəkildə tapılması, digər canlılardan və mikroorqanizmlərdən ayırd edilməsi və düzgün gen ardıcıllığının müəyyən edilməsi qeyri-mümkündür. İnsanın meymunla 95-98%  oxşar genetik quruluşa malik olduğu iddia edildiyi halda, neandertalla təkcə 1-4% gen oxşarlığını iddia etmək ağılsızlıqdır. Sapiens və neandertal eyni növün fərqli irqləridir. "Elmi" jurnal və laboratoriyalarda fərqli növ ortaya çıxarma cəhdləri təkamülçü iddiaları sübut etmək baxımından faydasız tədqiqatlardır. ("Neandertallar insanın meymunabənzər əcdadıdır" iddiası saxtakarlıqdır)

Soloensis:
 
Üz qismi natamam 12 kəllə qutusundan ibarət Keniyada tapılmış fosil qalıqlarıdır. Soloensis kəllə qutularının hansı canlıya aid olduğuna təkamülçülər qərar verə bilməmiş və nəticədə kəllə qutuları pələng (!), neandertal adamı və ən sonda "müasir insan" kimi qeyd edilmişdir. Solo kəllə qutularına verilən adlar də təkamülçülərin hansı vəziyyətdə olduğunu göstərmək baxımından əlamətdardır. Kəllə qutuları bu şəkildə adlandırılmışdır: homo (javanthropus) soloensis. homo soloensis, homo primigenius asiaticus, homo neanderthalensis soloensis, homo sapiens soloensis, homo erectus erectus, homo erectus, və ən son olaraq homo sapiens.

Bu da insanın xəyali təkamülü ssenarisini tədqiq edən antropologiyanın nə qədər etibarsız olduğuna bir işarədir. (Keniyada tapılan kəllə sümüyü ilə bağlı yanlışlıqlar)
 
Floresiensis: (Flores adamı)

İndoneziyanın Flores adasında tapılan 18 min illik 8-12 insana aid qalıqlardan ibarət fosillərdən biri olan homo floresiensis isə 1 metr boya və 380 sm3 beyin həcminə malik idi. Çənə və bilək quruluşunda "adi" homo sapiensdən fərqli xüsusiyyətləri var idi. Təkamülçülər bunları meymunabənzər xüsusiyyətlər olaraq dəyişdirmiş və fosilləri insanın təkamülündə homo sapiensdən fərqli növ kimi təqdim etmişdilər. Lakin daha sonra aparılan araşdırmalar bu insanın mikrosefaliya adlanan böyümə hormonu çatışmazlığından qaynaqlanan, fiziki və zehni inkişafa əhəmiyyətli dərəcədə təsir edən xəstəliyə  tutulduğu müəyyən edilmişdir. Yəni homo floresiensis fərqli növ deyil, xəstəliyi olan bir insan idi. (Homo floresiensis və təkamül nağılı haqqında ortaya çıxan həqiqətlər)


Denisova:

Bu fosillər arasında ən son ortaya atılanlardan biridir. Əslində burada bir fosilin mövcudluğundan da bəhs edilə bilməz. Tapılan təkcə 0,5 sm-lik barmaq sümüyü hissəsi və iki dişdən ibarətdir. Təkamülçülər bu kiçik qalıqlardan bəşəriyyət tarixini və gen transferini yenidən yazmağa çalışmışlar. Denisova da neandertal kimi "genetik" araşdırmalarla dəstəklənməyə çalışılmışdır. Halbuki bu halda da fərqli insan növünün varlığını dəstəkləyən bir dəlil yoxdur. ("Science Mag"dan uydurma "insanabənzər" nağılı: denisovanlar)
 
Göründüyü kimi, Hararinin 6 müxtəlif növ iddiası elmi həqiqətlərlə uyğun gəlmir. Bu insan qalıqlarının bir hissəsi xəstə, bir qismi saxta uydurulmuş fosillərdən, bir qismi də fiziki cəhətdən fərqli olan fərdlərdən ibarətdir. Dövrümüzdəki insan irqləri fiziki olaraq bir-birindən fərqli olduğu kimi, bundan 100 min il əvvəl də fərqli olmuşlar. Bu onların fərqli fenotipə malik fərdlər olmasının dəlilidir. İnsan ilk yaradıldığı andan dövrümüzə qədər keçən müddətdə ancaq bir növ kimi mövcud olmuşdur.

Böyük beyin, yüksək zəka yanlışlığı

Təkamülçülərin müxtəlif növləri bir-birilərinin əcdadı kimi göstərmək cəhdlərində əsaslandıqları vacib məqamlardan biri beyin həcmidir. İddiaya görə, beyin həcmi böyüdükcə zəka artmış və müasir insanda ən yüksək səviyyəyə çatmışdır.

Təkamülçülərin bu qədər həqiqətdən uzaq ssenari yazmağına səbəb olan amil isə xüsusilə paleontoloji sahədəki dəlillərin azlığıdır. Beyin yumşaq toxumadır. Yumşaq toxumalar bəzi xüsusi şərtlər istisna olmaqla çətin fosilləşirlər. Bu səbəbdən insan beyninin quruluşuna dair heç bir fosil qalığı yoxdur. Harari də bu əsassız iddianı dayaq nöqtələrindən biri etmişdir. Hararinin kitabındakı nağıl sayağı izahlar belədir:

"Ən erkən kişi və qadının 2,5 milyon il əvvəl beyinləri təxminən 600 sm3 idi. Müasir sapiensin beyni isə orta hesabla 1200-1400 sm3-dir. Neandertal beyni isə daha böyük idi". (Yuval Noah Harari. Sapiens insan növünün qısa tarixi. Kollektiv kitab, 2015, səh. 22)

Halbuki 600 sm3 beyinə malik ilk insan olaraq ortaya atılan homo habilis, Australopithecus (avstralopitek) adlanan meymunlara daxildir. Eynilə australopithecus kimi uzun qollu, qısa ayaqlı və meymunabənzər skelet sistemi var. Əl və ayaq barmaqları dırmaşmağa əlverişlidir. Bir sözlə bəzi təkamülçülər tərəfindən ayrıca bir növ kimi göstərilən homo habilis əslində bütün digər australopithecuslar kimi meymun növüdür. 
(http://www.harunyahya.org/tr/evrim-sozlugu/15919/homo-habilis)
 
Neandertal beyninin 1600 sm3 olduğunu düşündükdə indiki insandan daha geridə qalmış növ kimi göstərilməyə çalışılması beyin həcminə əsaslanan bu iddianın da əsassız olduğu mənasına gəlir. Halbuki neandertallar iri insan irqidir. Bu gün yaşayan qadın beyni orta hesabla 1200 sm3, kişi beyni isə 1400 sm3 həcmə malikdir. İnsanların beyin ölçülərinin fərqli olması böyümə və hormonal fərqlərlə əlaqədar fenotip dəyişiklikləri ilə əlaqədardır. Aparılan araşdırmalarda kişi və qadın beyin həcmləri arasındakı dəyişikliklərə baxmayaraq, IQ və funksiya baxımından heç bir fərq aşkar edilməmişdir. Bununla yanaşı, eyni beyin həcminə malik insanların IQ səviyyələri arasında böyük fərqlər də ortadadır. Təkamülçülərin məhz beyin həcminə baxaraq təsnifat və sıralama aparmaları  əsassızdır.

İnsan ağlı və şüuru olan, görüntünü görüb qavrayan, bunlar ətrafında düşünüb şərh edən, danışan, mühakimə edə bilən, digər canlılardan tamamilə fərqli bir varlıqdır. Bir arı və ya qarışqa koloniyasındakı nizamı bu canlıların kiçik beyinlərinə aid etmək necə mümkün deyilsə, insandakı bu xüsusiyyətləri də beynin quruluşu ilə izah etmək imkansızdır. İnsanlarla digər canlılar arasında ən mühüm fərq insanın şüur sahibi olmasıdır. Digər canlılar Allahın onlara verdiyi ilham çərçivəsində şüursuz hərəkət edirlər.

Darvinistlər meymunların bəzi davranışlarını insanlara bənzədərək çox həyəcanlanır və meymunların insanların qohumları olduğu nəticəsini çıxarırlar.
 
Dövrümüzdə istər meymun, istərsə də insan beyni üzərində aparılan araşdırmalara anatomik quruluş cəhətdən yanaşdıqda bu sadalanan xüsusiyyətləri açıqlaya bilən qədər  fərq irəli sürülə bilməmişdir. İnsanı digər heyvanlardan ayıran ağıl, şüur, mühakimə kimi xüsusiyyətləri məhz anatomik və fizioloji xüsusiyyətlərlə açıqlamaq mümkün deyil. İnsanı digər heyvanlardan ayıran ən əsas xüsusiyyəti “Ruh sahibi” varlıq olmasıdır. O ruh isə bütün varlıqları yaradan uca Allaha məxsusdur.

"Keçmişdə insanın çox az şey istehsal etdiyi" iddiası doğru deyil
 
Harari və digər təkamülçülərin digər bir iddiası da "keçmiş nəsillərin çox az şey istehsal etdiyi" ilə bağlıdır. Bu iddiadakı əsas məqsəd bəşəriyyətin istər zəka, istərsə də mədəni olaraq sadədən mürəkkəbə getdiyi iddialarını sübut etməyə çalışmaqdır. Darvinistlər ilk insanların heyvanlarınkına oxşar düşünmə qabiliyyətinə malik, ibtidai beyinlərinin olduğunu, beyinlərinin inkişafı ilə birlikdə daha çox şey istehsal edə bildiklərini müdafiə edirlər. Buna dəlil kimi isə "daş dövrü" olaraq adlandırılan xəyali dövrdə çaxmaq daşından, bir neçə dəyənək və bıçaqdan başqa heç bir alətin tapılmadığını nümunə göstərirlər. Halbuki bu tərz sübut keçmiş həyatın necə olduğuna dair etibarlı məlumat verə bilməz.

300-500 il əvvələ aid bir çox əşyanın təbii şəraitdə sıradan çıxdığı hər kəsə məlumdur. Keçmiş dövrə aid əşyaların xarab olmaması üçün xüsusi şəraitdə qorunması da bəzən kifayət etmir. Təbii şəraitdə bu prosesin sürətləndiyi danılmazdır. Metal əşyaların 1500 ildən çox korroziya olmadan qalması elə də mümkün deyil. Daşlar da zaman keçdikcə aşınıb keyfiyyətini itirirlər. 3000-4000 illik piramidalar belə ciddi şəkildə aşınıblar.

Bu halda təkamülçülərin iddialarına dəlil olaraq təqdim etdikləri yaxşı qorunmuş mühitlərdən qalma bir neçə daş əşyanın 100 min, hətta 10 min il öncəki həyatı bütöv əks etdirmədiyi çox açıqdır.

Dolayısilə tarixdə "ibtidai" insanların yaşadığı daş dövrü deyilən bir zamanın olduğu iddiası yalandır. Tarixin heç bir dövründə ibtidai insan mövcud olmamış, təkcə daşdan düzəldilən alətlərin olduğu ibtidai dövr yaşanmamışdır . Bəşəriyyət tarixinin hər dövrü böyük mədəniyyətlər ehtiva edir. Belə ki, qədim dövr mədəniyyətlərinin bəzi kəşflərini hal-hazırda da həyata keçirə bilmirik.

İnsanın fiziki quruluşu ilk insandan bəri eynidir. Ağıl və şüur səviyyəsi dövrümüzdə necədirsə, ilk insanda da eyni səviyyədədir. Sadədən mürəkkəbə doğru bir cəmiyyət olmayıb. Tarixin müxtəlif dövrlərində bir çox yüksək səviyyədə inkişaf etmiş mədəniyyətlər olmuş və bunlar bir müddət sonra yox olmuşdur. Bu zaman o vaxta qədər mövcud olan məlumatlar da yox olmuş, mədəni və elmi təşəkkül təkrarən yaşanmaq məcburiyyətində qalmışdır. Bu gün necə kosmos əsrini yaşayan cəmiyyətlərlə, elmdən, texnoloji imkanlardan uzaq sadə həyat tərzinə malik icmalar eyni dünyada yaşayırsa, keçmiş dövrlərdə də elm və texnologiya baxımından yüksək səviyyəli mədəniyyətlər mövcud olmuşdur.

"Dik yerimə xüsusiyyətinin zaman keçdikcə əldə edilməsi" yalanı

Hararinin “Sapiens” adlı kitabındakı nağılvari izahlardan biri bu şəkildədir:

"Ayaq üstə ikən ov heyvanlarına və düşmənə qarşı savannanı gözdən keçirmək daha asandır və hərəkət etmək üçün lazım olmayan qollar daş atmaq və işarə etmək kimi işlər üçün istifadə edilə bilər. Əllərimiz daha çox şey edə bildikcə əllərin sahibləri daha müvəffəq oldular. Buna görə də təkamülün təzyiqi ovuclarda və barmaqlarda daha geniş sinir sistemi və əzələlərin inkişafını təmin etdi". (Yuval Noah Harari. Sapiens İnsan Növünün Qısa Tarixi. Kollektiv kitab, 2015, səh. 22)

Bu nağılabənzər ifadə tərzi Lamark dövründən, genetika haqqında məlumatın olmadığı illərdən qalmadır. Halbuki bu gün çox yaxşı bilirik ki, genlərdəki məlumatların fiziki quruluşumuza təsir göstərməsi ilə edə bildiklərimizin həddi müəyyən olunur. Ancaq bunun əksi, yəni etdiyimiz hərəkət və davranışların genlərimizə təsir etməsi kimi bir mexanizm əsla mümkün deyil. Genlərin mövcud olduğunun  bilinmədiyi bir vaxtda idman edən, ağır çəki qaldıran insanları izləyən bir müşahidəçi təkcə ağırlıq qadırdıqca əzələ-skelet sisteminin gücləndiyini görərək belə bir səhv nəticəyə gəlmiş  ola bilər. Əslində, o dövrdə belə idmançıların uşaqlarının (idman etməsələr) əzələ sistemlərinin valideynlərinə oxşamadığı müşahidə edilsə, belə bir iddia ortaya atılmayacaq.

1996-cı ildə insanın iki ayaqlı yerişi ilə bağlı tədqiqatlar aparan ingilis mühəndis Robin Krompton (Robin Crombton) hazırladığı kompüter simulyasiyaları nəticəsində meymun və insan yerişi arasında hərəkət formasının mümkün olmadığını müəyyən etmişdir. Kromptının araşdırması göstərmişdir ki, bir canlı ya iki ayağı üzərində dik yeriyə, ya da dörd ayağını istifadə edərək önə əyilmiş şəkildə hərəkət edə bilər. Bu ikisi arasındakı yeriş forması çox səmərəsizdir.

Bundan başqa, fosil qeydləri canlıların insan və meymun yerişi arası hərəkət tərzinə malik olmadığını göstərir. Fosillər üzərində aparılan ətraflı araşdırmalar australopithecus və homo habilis siniflərinə daxil edilən canlıların meymunlar kimi dörd ayaqlı və əyilmiş getdiklərini, homo erectus və neandertal adamı kimi insan irqinin eynilə bizim kimi dik yeridiyini sübut edir. Yəni iki ayaqlı dik yeriş forması yer üzündə insanlarla birlikdə və anidən ortaya çıxmışdır.

Sosial darvinizmin gətirdiyi təhlükə
 
Kitabda təkamül fərziyyəsini dəstəkləmək məqsədilə verilən izahlardan sonra ateist düşüncəyə söykənən fəlsəfi izahlara geniş yer verilmişdir. Dünyanın keçmişdə, hal-hazırda və gələcəkdəki düşə biləcəyi dindən uzaq həyat tərzinin meydana gətirdiyi yanlış sistemlərin təhlili verilmişdir. Diqqətçəkən məqam odur ki, kitabın müəllifinin bunları izah edərkən istər açıq, istər gizli verilən təhlükəli darvinist mesajların bu xətalı düzənə daha da dərinləşdirici təsiri olacağını əvvəlcədən görmüş olmasıdır:

"Biologiya elminə görə insanlar (haşa) yaradılmamış, təkamül keçirmişdir. Təkamül qətiyyən bərabərhüquqlu deyil. Bərabərlik ideyası yaradılış inancı ilə iç-içə keçmişdir. Əgər xristianların Tanrı, yaradılış və ruhlar haqqında miflərinə inanmırıqsa, bütün insanların bərabər olması nə mənaya gəlir?... Biologiyada haqq deyə bir şey yoxdur. Sadəcə orqanlar, qabiliyyətlər və xüsusiyyətlər var... Bəs azadlıq? Biologiyada azadlıq yoxdur. Eynilə bərabərlik, hüquqlar kimi azadlıq da insanların ancaq xəyallarında icad etdiyi və yaşatdığı anlayışdır. Bioloji dünyagörüşü ilə baxdıqda insanların demokratik qurulşlarda azad, diktatura quruluşlarında azadlıqlarından məhrum şəkildə yaşadıqlarını deməyin heç bir mənası yoxdur". (Yuval Noah Harari, Sapiens İnsan Növünün Qısa Bir Tarixi, Kollektiv kitab, 2015, səh. 118)

Bu bir neçə sətiri oxumaq belə darvinist düşüncə tərzinə malik dünyanın nə qədər vəhşi ola biləcəyini anlamaq üçün çox əhəmiyyətlidir. Təkamülçü fikirlə formalaşmış, Allaha inanmayan bir cəmiyyətdə insanların nə qədər sərhəd tanımaz hala düşəcəkləri ortadadır. Din əxlaqı çökdüyü anda həmrəylik, fədakarlıq, mərhəmət, yoxsulların və zəiflərin qorunması, bütün insanların bərabər sayılması, sevgi kimi fəzilətlər yerini, zülm, təzyiq, işgəncə, eqoizm, sevgisizlik, köləlik, öldürmə kimi təhlükəli və amansız həyat tərzinə verəcək. Haqq, ədalət, bərabərlik, azadlıq kimi anlayışlar mənasını itirəcək, güclünün zəifi, zənginin kasıbı əzdiyi bir mühit çox qısa müddətdə yaşanılmaz hala gələcək. Təkamülçü fikir bu həyat tərzini nəzəriyyənin əsasında mübarizə olduğu üçün guya təbii seleksiyanın bir hissəsi kimi qiymətləndirir və bir zərurət olaraq görür. Beləliklə guya güclü, sağlam, ağıllı nəsillərin təkamülün inkişafına kömək edəcəyi iddia edilir.

Bu amansız düşüncənin nümunələrini darvinist fikrin dünyaya hakim olduğu XX əsrdə çox yaşamışıq. Hitler, Stalin, Pol Pot kimi diktatorların zalımlığını, milyonlarla insanı necə soyqırıma məruz qoyduqlarını, Hitlerin  "aşağı irq" kimi gördüyü insanları necə qaz otaqlarında öldürdüyünü, bir çox Qərb ölkəsində yüz minlərlə insanın xəstə, şikəst və ya qoca olduqları üçün necə zorla axtalandıqları və ya ölümə tərk edildiyini XX əsrdə bütün dünya görmüşdür.

Amansız rəqabətə görə dünyanın hər yerində insanların əzildiyini və istismar edildiklərini, irqçiliyin bəzi dövlətlərin ideologiyası halına gəldiyini, bəzi irqlərin insan belə sayılmadığını, kommunistlə kapitalist, sağla sol arasında münaqişələr, isti və soyuq müharibələr yaşandığını, eyni ölkə xalqlarının, hətta qardaşların da bir-birlərinə düşmən hala gəldiyini hamı bilir.


Təkamülçü düşüncə tərzinə malik ateist bir insan da əslində dinə məxsus əxlaq qaydalarının yaşandığı dünyanın daha yaxşı olacağının fərqindədir. Ancaq onlara "gəlin, din əxlaqına uyğun yaşayaq" demək, onların ideologiyalarını birdən-birə dəyişdirməyəcək, istənilən nəticəni verməyəcək. Məhz bu nöqtədə inanclarının mərkəzində yer alan təkamül fərziyyəsinin əsassızlığının çox yaxşı izah edilməsi Hararinin kitabında müdafiə etdiyi həyat tərzini və digər ateist sistemləri kökündən sarsıdacaq. Təkamülün olmadığını və təkamülə əsaslanan həyatın əsassızlığının elmi dəlillərlə sübut olunması kainatın ancaq şüurlu bir güc tərəfindən yaradıla bildiyini ortaya qoyacaq. Allah inancının cəmiyyətə hakim olması sevginin, keyfiyyətinin, azadlığın, demokratiyanın, hörmətin və hər cür gözəlliyin əsası olan din əxlaqını hakim edəcək, dünya cənnət kimi olacaq.

Bura qədər Hararinin kitabında yer verdiyi bəzi təkamülçü iddialara cavab verdik. Kitabda cavab yazılacaq daha bir çox məsələ var. Ayrı-ayrı iddialara cavabları www.harunyahya.org internet saytında və cənab Adnan Oktarın digər kitab və məqalələrində oxuya bilərsiniz.

 

]]>
http://adnanoktar.az/az/Məqalələr/263420/“sapiens”-kitabi-və-yuval-noahhttp://adnanoktar.az/az/Məqalələr/263420/“sapiens”-kitabi-və-yuval-noahhttp://imgaws1.fmanager.net/Image/objects/6-makaleler/nocanvas_keneler-300x198.jpgThu, 16 Nov 2017 19:38:17 +0200
“Tənha qurd” həqiqətən tənhadırmı?

2000-ci illərdə həyatımıza yeni bir termin daxil olmuşdur: “Tənha qurd”. Bu termin ötən günlərdə Las-Veqasda 59 nəfərin həyatını itirdiyi, 500-dən çox insanın yaralandığı hücumdan dərhal sonra yenidən gündəmə gəldi. ABŞ-ın müasir tarixinin ən qanlı silahlı hücumu ilk rəsmi açıqlamalara görə "tənha qurd" hücumudur. Həmçinin mediada təcavüzkarın cinayəti təkbaşına törətdiyinə dair xəbərlər və şərhlər ön planda idi.

Necə olur ki, sadə bir insan, təqaüdçü bir mühasib sanki peşəkar qatil və ya xüsusi təlim keçmiş bir terrorçu kimi davranır? Onlarla silahla rahatlıqla hərəkət edə bilir? Üstəlik, bütün bunları dəqiq planla və nəzərlərdən uzaq şəkildə həyata keçirə bilir? Heç kimin köməyi olmadan bunları etməsi çox çətindir. Ola bilsin ki, istintaq müddətində bu sualların cavablarını öyrənmək mümkün olar və Las-Veqas canisinin əlaqədə olduğu şəxslər və ya təşkilatlar ortaya çıxar.

Maraqlıdır ki, ABŞ-dakı hücumdan bir gün əvvəl Kanadadakı digər bir terror hadisəsi də tənha qurd əməli kimi başlıqlarda yer almışdı. Bəzi ekspertlərə görə, bu cür hücumlar terrorçuluğun yeni üzünü bir daha göstərdi və fərdi terrorizmin Qərb ölkələrinin qarşılaşdığı ən ciddi təhlükə olduğunu da təsdiq etdi.
 
Bəs kimdir bu tənha qurd? Niyə bu şəkildə adlandırılır? Bu ad həqiqəti nə qədər əks etdirir?

Bu ifadə hər hansı bir təşkilat və ya qrupla əlaqəsi olmadan tənha hərəkət edən və başqalarından kömək almadan təkbaşına hücum reallaşdıran nifrət dolu bir terrorçunu təsvir edir. Bu tip insanların fikirlərinin əsasını adətən yanlış inanclar, irqçi və ya şiddət tərəfdarı azğın ideologiyalar təşkil edir. Termin media tərəfindən populyar hala gətirildi və müəyyən müddət sonra təhlükəsizlik mütəxəssislərindən terror təşkilatlarının nümayəndələrinə qədər geniş kütlələr tərəfindən mənimsənildi.
 
Araşdırma nəticələrinə görə, tənha qurd hücumları 2010-cu illərdə daha geniş, daha öldürücü və daha qəddar səviyyəyə çatıb. Hətta Avropa və ABŞ-da bu tip hadisələr 2015-2016-cı illərdə 2011-2014-cü illərə nisbətən iki dəfə artıb. Hücumların təəccüblü və gözlənilməz olması isə mübarizəni çətinləşdirən mühüm amildir. Bu səbəblərdən bəzi analitiklər tənha qurd terrorunu "bir nömrəli düşmən" kimi səciyyələndirirlər.

“Tənha qurd” termini ilk baxışda izahedici kimi görünsə də, mövzu haqqında ətraflı təhlil bu təsvirin yetərsiz və aldadıcı olduğunu ortaya qoyur. Bir terror hadisəsinin bütün pərdəarxası əlaqələrini ortaya çıxarmaq, təbii ki, uzun vaxt tələb edən əziyyətli işdir. Belə bir açıqlama narahat və həyəcanlı xalqı az da olsa, sakitləşdirə bilər, amma mövzu haqqındakı həqiqətləri ortaya çıxarmaq üçün yetərli deyil. Yüksək rütbəli təhlükəsizlik işçilərinin, kəşfiyyat təşkilatı və jurnalistlərin dərhal tənha qurd elan etdikləri, lakin hərtərəfli istintaq nəticəsində səhvlərini qəbul etdikləri bir çox hal mövcuddur. Zaman keçdikcə məlum olur ki, bunlardan bəziləri radikal ideoloji qrup və ya şəxslərlə görüşən və ya internet vasitəsilə əlaqə saxlayan fanatiklərdir. Bəziləri isə kəşfiyyat təşkilatlarında işləyən və ya onlar tərəfindən istifadə olunan və istiqamətləndirilən gizli şəxslərdir. Digər sözlə, tənha qurd hadisəsi, əslində, gizli əlaqələrin məhsulu olan bir əməldir.

Şiddət tərəfdarı ideologiyaya sahib olmayan bir terrorçu təsəvvür etmək mümkün deyil. İdeoloji baxımdan ilkin hazırlıq dövrü qanlı terror aktlarının ayrılmaz tərkib hissəsidir. Hücumun bir nəfər tərəfindən edilməsi bu həqiqəti dəyişdirmir. Belə ki, təcavüzkar xarici aləmdən tamamilə təcrid olunmur, özü kimi düşünən insanlarla bu və ya digər şəkildə qarşılıqlı ünsiyyət qurur. Bu şəkildə özünü zehni olaraq terror aktına hazırlayır. Bundan başqa maddi-texniki dəstəyə də mütləq ehtiyac var. Diqqəti təkcə qatilin üzərinə cəmləmək mənzərənin bütünlüyünü düzgün və tam şəkildə görməyə mane olur.

Önəmli bir səhv varsa, o da tənha qurdu təkbaşına hərəkət edən biri kimi qəbul etməkdir. O, böyük planın kiçik hissəsidir. Tənha qurd hücumu deyib hadisənin üstündən səthi keçmək  nə cinayətin açılmasına kömək edir, nə də problemin həllinə. Belə bir təsvir təhrikçilərin və təşkilatçıların, yəni arxa plandakı gizli təşkilatların işinə yarayır. Bağlı qapılar arxasındakı əlaqələr ortaya çıxmadığı müddətcə qaranlıq planlarına davam etmək imkanı əldə edirlər. Xüsusilə də, cəmiyyət mühəndisliyi və təbliğat sahəsində ixtisaslaşmış, hadisələri pərdə arxasından istiqamətləndirən bəzi dərin dövlət mexanizmləri və gizli təşkilatların işini asanlaşdırır.

Tənha qurd yanaşması xəstə zehinləri cəsarətləndirən, təşviq edən məna da ehtiva edir ki, hansı ki böyük təhlükədir. Çünki bu ifadə insanın xəyal dünyasında özünü bir nəfərlik ordu, super qəhrəman zənn etməsinə, lazımi cəsarəti toplamasına imkan verə bilər. Belə bir təcavüzkar üçün daha düzgün təsvir soyuqqanlı, amansız, gözünü qırpmadan cinayət törədən terrorçu, psixopat və ya qatil ola bilər.

Cəmiyyətlərin əmin-amanlıq, sabitlik və təhlükəsizliyi baxımından bir nömrəli təhlükə tənha qurdlar deyil. Əsl təhlükə onların əsaslandıqları batil ideologiyadır. Bu bəladan xilas olmaq üçün isə ilk öncə azğın ideologiyaları maarifləndirmə yolu ilə aradan qaldırmaq lazımdır. Belə bir maarifləndirmə nəticəsində psixopatları qatil kimi istifadə edən arxa plandakı üst ağıllar imkan tapmayacaqlar. Doğrularla aydınlaşmış cəmiyyət vahimə yaratmağa çalışanların planlarına daim ən böyük zərbədir.

Adnan Oktarın “American Herald Tribune'” (Amerika) və  “Riyadh Vision” (Səudiyyə Ərəbistan) yayımlanan məqaləsi:
https://ahtribune.com/las-vegas-massacre/1962-lone-wolf.html
http://www.riyadhvision.com.sa/2017/10/30/is-the-lone-wolf-really-alone/

http://www.harunyahya.org/tr/Eser-Tipi/260242/Yaln%C4%B1z-Kurt-Ger%C3%A7ekten-Yaln%C4%B1z-m%C4%B1

]]>
http://adnanoktar.az/az/Məqalələr/263419/“tənha-qurd”-həqiqətən-tənhadirmihttp://adnanoktar.az/az/Məqalələr/263419/“tənha-qurd”-həqiqətən-tənhadirmihttp://imgaws1.fmanager.net/Image/objects/6-makaleler/american_herald_tribune_adnan_oktar_is_the_lone_wolf_really_alone2.jpgThu, 16 Nov 2017 19:33:17 +0200
Çətinliklərə baxmayaraq birlik olub güclənən Amerika 

“Birlik olmadan güc olmaz.”
“Birlik qüvvətdir.”
“Birlikdən qüvvət yaranar.”


İrlandiya, Amerika və Türkiyədə işlədilən bu sözlərin oxşarına hər bir ölkədə rast gəlmək mümkündür. 
İnsanlar müxtəlif qitələrdə yaşamalarına və fərqli mədəniyyətlərə sahib olmalarına baxmayaraq, birlik olduqda və yardımlaşdıqda işlərin asanlaşdığını bilirlər.  Günümüzdə bu həqiqət Amerikada tam mənada real olaraq yaşanır. Yalnız Amerika Birləşmiş Ştatları deyil, Kuba, Puerto-Riko, St.Martin və bir çox ada ölkəsi qasırğa və sellərlə mübarizə aparır. Ölümcül qasırğalarla sarsılan ABŞ-da fədakarlıq görüntülərinə hər zamankından daha çox rast gəlinir. Yüz milyonlarla dollar dəyərində ziyan vuran qasırğaların təsirinə məruz qalmış Amerika xalqı məhdud imkanlarına, hətta özü ehtiyac içində olmasına baxmayaraq, birlik olaraq bu çətinliklərin öhdəsindən gəlməyə çalışır. Bu fəlakətlə üzləşən bütün xalqlar üçün dua edirik. Prezident Tramp Harvey qasırğasından sonra Amerika xalqının bu gözəl ruhuna diqqət çəkmiş və hər kəsi həm Amerikadakı qasırğadan zərərçəkmişlər, həm də bütün dünya üçün dua etməyə dəvət etmişdi:


“Amerikalılar hər zaman öz vətəndaşlarının yardımına yetişər, dostlar bir-birinə yardım edər, qonşular bir-birinə yardım edər, tanış olmayanlar bir-birinə yardım edərlər...  


Tarixin ilk dövrlərindən bəri amerikalılar çox çətin vəziyyətlərdə Allahın yardımını və bağışlamasını istəmək üçün bir araya gəlmişlər. Mən bütün Amerikanı ailələrini, dostlarını itirənlər və əzab çəkənlər üçün dua etməyə dəvət edirəm.” 


 https://www.realclearpolitics.com/video/2017/09/01/president_trump_proclaims__national_prayer_sunday_for


26 milyon insana təsir edəcəyi gözlənilən İrma qasırğası saatda 200 kilometri aşan  küləklə birlikdə Karib adalarını, Florida əyalətini, Mayami çimərliklərini təsiri altına aldı. Ən güclü hesab edilən beşinci kateqoriya şiddətində İrma qasırğası Karib adalarındakı Barbuda adasının 95%-ni dağıtdı. 
Fövqəladə vəziyyətin elan edildiyi Florida əyalətinin meri Rik Skot (Rick Scott) evakuasiya əmri verilən təxminən 6,5 milyon nəfərə “evlərinizi dərhal tərk edin” deyə xəbərdarlıq etmişdi. Bu isə əyalətin əhalisinin təxminən 30%-i deməkdir.  


Beynəlxalq Qızılxaç Komitəsinin ilkin məlumatlarına əsasən, İrma qasırğası 1,2 - 26 milyon insana təsir etmişdir. Güclü qasırğanın baş verdiyi Floridada vəziyyət o qədər ciddidir ki, əyalətin meri Rik Skot bu vəziyyəti - “Bilinməyən bir qasırğadır. Əyalətimiz hələ belə bir şey görməmişdi” – deyərək qısa şəkildə izah etdi. 


http://abcnews.go.com/US/hurricane-irma-forecast-strike-florida-keys-category/story?id=49697542


Floridada bir milyon evə işıq verilmədi. 7 milyondan çox insan bölgədən çıxarıldı. 10 milyonlarla insan sığınacaqlara yerləşdirildi. Bu rəqəmlərin sayı qısa müddət ərzində daha da artdı. 
http: // www.telegraph.co.uk/news/2017/09/10/hurricane-irma-florida-keys-latest-news/
İrma qasırğasının Karib adalarındakı dağıdıcı təsirini isə qasırğadan əvvəlki və sonrakı görüntülərin əks olunduğu fotoşəkilləri müqayisə edərkən görmək olur. Florida əyalətinin meri Rik Skot küləyin gücünün yavaşlayıb dayanmasını gözləmək və təhlükəsiz yerlərə sığınmaqdan başqa ediləcək bir şey olmadığını - “Qasırğa buradadır, tək çarə qasırğanın önündən çəkilməkdir” – deyərək qısa şəkildə qeyd etmişdi. 
http: // www.telegraph.co.uk/news/2017/09/10/hurricane-irma-florida-keys-latest-news/


Üstəlik, İrma qasırğası bu dövrdə gözlənilən qasırğaların sonuncusu deyil. Atlantik okeanında baş vermiş ən güclü qasırğa olan İrma qasırğası hələ qurtarmadan, Jose və Katie adlandırılan iki yeni qasırğanın da Amerikaya doğru hərəkət etdiyi xəbəri verildi. 


CNN telekanalının qasırğalar haqqında yayımladığı bəzi statistikalar isə diqqəti cəlb edir:
Tarixdə ilk dəfə 2017-ci ildə 4-cü kateqoriya şiddətində bir qasırğa və ondan yuxarı şiddətdə iki qasırğa eyni anda baş verdi. 


1966-cı ildən, yəni qasırğaların peyklə izlənildiyi tarixdən bəri İrma qasırğası 5-ci kateqoriya şiddətində 3 gün davam edən yeganə qasırğa olmuşdur. 


İrma qasırğası içərilərə doğru hərəkət etdiyi zaman 45 milyondan çox insan fırtınanın 39 mph+ şiddətində küləklərini Florida, Corciya, Alabama, Tennessi, Şimali və Cənubi Karolina ştatlarında hiss etdi. 
İrma qasırğasının ən böyük sürəti isə saatda 185 mil-dir. (təxminən 300 km) 

http://edition.cnn.com/2017/09/09/us/hurricane-irma-florida-latest/index.html?sr=fbCNN091017hurricane-irma-florida-latest1131AMStory

 Qasırğalar davam edərkən Amerikada bütün dünyanın xoşuna gələn görüntülərə də tez-tez şahid olmağa başladıq. İnsanlar heç tanımadıqları kəslərə evlərinin qapılarını açmaq üçün bir-birini təşviq edir, selə məruz qalanları qurtarmaq üçün bəzən öz həyatlarını təhlükəyə ataraq insan zəncirləri yaradırlar. 
Atlantik okeanında baş verən qasırğalardan sonra Şimali Karolina, Corciya və Koloradoda yaşayanlar həmin ərazidən köçürülən zərərçəkmiş insanlara evlərinin qapılarını açdılar. 


Şimali Karolinada yaşayan Lawren Durham “Mən Katrina qasırğasında sağ qalanlardan biriyəm. Sahilyanı bölgədən uzaqda bir evim var. Burada bir neçə insan da var və evlərimizdə sığınacaq yerlər var. İnsanları və ailələri evlərimizə qəbul etmək istəyirik. Xahiş edirik, bizimlə əlaqə saxlayın.” – deyə çağırış etdi. 
 http://edition.cnn.com/2017/09/07/us/hurricane-evacuees-housing-gesture-trnd-cnntv/index.html


Çətinliklər xalqın nümayəndələrini bir-birinə bağlayır, bəlkə də, illərdir unudulmuş qardaşlıq, yardımlaşma, güvən kimi duyğuların yenidən xatırlanmasını və yaşanmasını təmin edir. “Heç birini tanımıram, yardıma ehtiyacları var idi, gəldim” – deyərək bir-birinin köməyinə çatan Amerika xalqı hz. İsanın onlara öyrətdiyi qardaşlıq və sevgi ruhunun gözəl bir nümunəsidir. Hyustonda küçələrdə uzun növbələr görmək olur. Bunun ilk baxışda su və yaxud yemək üçün növbələr olduğunu zənn edənlər yanılırlar. Bunlar Harvey qasırğasından zərərçəkmiş insanlara yardım etmək üçün könüllü insanların küçələrdə yaratdığı növbələrdir. 
http: // www.telegraph.co.uk/news/2017/08/31/army-volunteers-line-streets-help-hurricane-harvey-victims/


Arzumuz budur ki, fəlakətlər zamanı ortaya çıxan yardımlaşma və fədakarlıq duyğusu hər gün yaşansın və insanlara eqoistliyi öyrədən ideologiyaların təsiri tamamilə aradan qalxsın. Unutmayaq ki, hər kəs bir-birinə yardım edərsə, hər kəs bir başqasını düşünərsə, bir müddət sonra ehtiyac sahibi insan qalmaz. Allah qasırğalardan təsirlənən Cənubi Amerikanı, ABŞ xalqını və bütün dünyanı qorusun. 

Adnan Oktarın  “Al Bilad (Kanada) və “Jefferson Corner”də (Amerika) yayımlanan məqaləsi:
http://www.jeffersoncorner.com/1546-2/

 


 

]]>
http://adnanoktar.az/az/Məqalələr/263418/cətinliklərə-baxmayaraq-birlik-olub-guclənənhttp://adnanoktar.az/az/Məqalələr/263418/cətinliklərə-baxmayaraq-birlik-olub-guclənənhttp://imgaws1.fmanager.net/Image/objects/6-makaleler/al_bilad_adnan_oktar_seeing_good_come_in_the_face_of_disaster2.jpgThu, 16 Nov 2017 19:29:15 +0200
99 milyon illik bala quş fosili quşların təkamülü nağılına son verdi
2014-cü ildə Myanmada 99 milyon illik Birma kəhrəbası (ağac qətranı) fosili tapıldı və 2017-ci ildə muzeylərdə nümayiş etdirilməyə başladı. Bir çoxları tərəfindən kərtənkələ növü hesab edilən fosilin içərisində, əslində, yumurtadan yeni çıxmış bala quşa aid qalıqlar var idi. Çinli, amerikalı və kanadalı tədqiqatçıların araşdırmaları nəticəsində qalığın Təbaşir dövrünə (145-66 milyon il) aid olduğu, quşun boyun, kəllə, ayaq və qanadının bir hissəsinin kəhrəbanın içində olduğu açıqlandı. Ancaq elm adamları fosildəki toxumaların sıradan çıxdığını və içində istifadə edilə bilən DNT nümunəsinin qalmadığını bildirdilər.

“Belone” adlı bu quş fosilinin dinozavrların da yaşadığı Təbaşir dövrünə aid nəsli kəsilmiş, dişləri və qanadlarında pəncəsi olan quş növünə aid olduğu güman edilir. Enantiornithes (dişli quşlar) adlandırılan və nəsli tükənən bu quş növlərini indiki quşlardan fərqləndirən yalnızca üç xüsusiyyət var: dimdiyində dişlərinin, qanadlarında pəncələrinin olması və qanadın gövdəyə birləşmə formasının fərqli olması. Bundan başqa, dövrümüzdəki quşlarla eyni xüsusiyyətlərə malikdirlər.

Təkamülçülər dişləri və qanadlardakı pəncələri irəli sürərək həmin quş növlərini "uçmaq qabiliyyəti inkişaf etməmiş" canlılar kimi göstərməyə çalışırlar. Bu canlıları dinozavrlarla müasir quşlar arasında "keçid forma" kimi qələmə verirlər. Halbuki keçmişdə yaşamış dişli və caynaqlı quşlar da mükəmməl uçuş qabiliyyətinə malik idilər. Bir quşda diş və pəncələrin olması o canlını keçid forma etmir. Bu canlıların pəncə və dişlərə ehtiyacları var, çünki qidalanma və həyat tərzi bunu tələb edir. Dövrümüzdə dişli quşların nəsli kəsilmişdir. Amma hələ də yaşayan quş növlərindən tauraco corythaix və opisthocomus hoatzin adlı quşların balalarının qanadlarında pəncələr var. Bu quşlar mükəmməl uçan quşlardır.

Diqqət etsək, belone da yeni yumurtadan çıxmış quşdur və qanadlarında pəncələri var. Dövrümüzdə yaşayan tauraco corythaix və opisthocomus hoatzin quşlarının balalarının da qanadlarında caynaqlar var. Hələ tam uça bilməyən bala bu caynaqlar sayəsində tez-tez ağac budaqlarına dırmaşaraq ovçulardan gizlənə bilir. Buna görə həmin canlının uça  bilməməsinin səbəbi təkamülçülərin iddia etdiyi kimi keçid forma olması yox, bala olmasıdır. Canlının uçma qabiliyyəti 3-4 həftə ərzində inkişaf edir.

Artıq bala quşun uça bildiyi üçün pəncələrə ehtiyacı qalmır. Məhz bu mərhələdən sonra tauraco corythaix və opisthocomus hoatzinin pəncələri bir müddət sonra qanadlarından tökülür. Böyüdükdə bu pəncələrə artıq rast gəlinmir. Bu vəziyyət təkamülçülərin əsassız iddialarını təkzib edir, yaradılışdakı möcüzəni göstərir. Bala quşun ilk əvvəl pəncələrə ehtiyacı olur, amma sonra bu ehtiyac aradan qalxır. Canlı bala olanda da, böyüdüyü zaman da eyni genetik məlumatlara malik olur. Bu genetik məlumat möhtəşəm şəkildə, əlverişli vaxtda və formada istifadə edilir.

Bala quşda olan pəncələrin sonradan itən növ pəncələr olması belone üçün daha ehtimal ediləndir. Tauraco corythaix və opisthocomus hoatzinin varlığı bizə bunu sübut edir. Daha da əhəmiyyətlisi qanadlarda pəncələrin olmasının o canlının "təkamül keçirən canlı" kimi təqdim edilməsinə əsas göstərilməsidir. Bir canlının qanadlarında pəncə olması onun uçma qabiliyyətinin olmadığını sübut etmir. Bu, demaqoqluğa öyrəşmiş təkamülçülərin illərdir elm əvəzinə istifadə etdikləri spekulyasiyalardır.

Təbaşir dövründə yaşayan quşlarla bağlı “belone”dən əvvəl çox az məlumat olduğu üçün təkamülçülər xəyal gücü və ideologiyalarına uyğun olaraq dəlil olmayan hissələrdə bütün şərhləri təkamülün lehinə çevirmişlər. Arxeopteriks (Archaeopteryx) kimi müxtəlif anatomik xüsusiyyətlərə malik quşları da "keçid forma" kimi təqdim etmişlər. Lakin arxeopteriksin ard-arda tapılan fosilləri, xüsusilə də kəhrəba içində yumşaq toxumaları ilə birlikdə qorunan bir fosilinin tapılmasından sonra bu mövzu haqqındakı iddialar sona çatmışdır. Arxeopteriksin bütün anatomik xüsusiyyətləri onun mükəmməl uçan quş olduğunu elmi baxımdan sübut etmişdir. Unudulmamalıdır ki, arxeopteriks də pəncəli quşdur.

“Belone”nin tük quruluşu da təkamülçüləri pis vəziyyətə salır. Çünki təkamül məntiqinə görə, tük və qanad kimi kompleks quruluşlar yavaş-yavaş inkişaf etməlidir. Təkamülçülər "ibtidai" quşların uçma qabiliyyətinə tam malik olmadıqlarını, qanad və tük quruluşlarında uçuş üçün bir sıra maneələrin olmalı olduğunu iddia edirlər. Halbuki belone hələ yeni yumurtadan çıxan bala quş olmasına baxmayaraq, eynilə dövrümüzün quşlarında olduğu kimi, əsas və ikinci uçuş tükləri asimmetrik düzülən, mükəmməl aerodinamikanı təmin edən xüsusiyyətlərə malikdir. Yəni 100 milyon ildir ki, tüklərin aerodinamik xüsusiyyətlərini təmin edən anatomik quruluşu heç bir dəyişikliyə məruz qalmamışdır. Bu da təkamül nəzəriyyəsinə vurulan ən mühüm

zərbələrdən biridir. 

Belone hələ yeni yumurtadan çıxmış quş olmasına baxmayaraq, uçmağa əlverişli tükləri var. Dövrümüzdəki quşların yumurtadan ilk çıxdıqları zaman uçmaq üçün, adətən, əlverişli tükləri olmur. Müəyyən müddət qayğıya ehtiyac duyurlar. Bir müddət sonra uçuş tükləri yaranmağa başlayır. Bu, həmin canlıların ibtidai olmalarından yox, bala olmalarından irəli gəlir. Bu tərz bir xüsusiyyət dövrümüzdə yaşayan Avstraliya meqapodlarına çox bənzəyir. “Belone”nin eynilə Avstraliya meqapodlarının balalarında olduğu kimi, uçmanı təmin edən mükəmməl və qüsursuz tük quruluşuna sahib olduğu müşahidə olunmuşdur. Avstraliya meqapodlarının balaları dövrümüzün digər quşlarından fərqli olaraq yumurtadan çıxdıqdan sonra qayğıya xüsusi ehtiyac duymurlar. Yəni bala qısa müddətdə özünün həyatda qalmasını təmin edən xüsusiyyətlərə sahib olaraq yumurtadan çıxır. Həmçinin digər quşlardan fərqli olaraq Avstraliya meqapodları yumurtaları ağaclara deyil, erkək meqapod tərəfindən torpaq üzərində hazırlanmış və temperaturu 33 dərəcədə sabit qalan kürt yuvalarına qoyurlar. Yumurtadan çıxan bala təhlükələrdən qorunmaq üçün dərhal ağaclara çıxmalı və uçma qabiliyyəti əldə etməlidir. Bu səbəbdən hələ ilk gündən etibarən uçmasını təmin edən tüklərə malikdir. “Belone”nin üzərində olan tüklərin uçmağa əlverişli olması onun da yumurtadan çıxdıqdan sonra qayğıya elə də çox ehtiyacı olmadığını göstərir. Bala quşun bu cür özbaşına həyatda qala biləcək xüsusiyyətlərlə dünyaya gəlməsi Yaradılış möcüzəsi olmaqla təkamülü təkzib edir.

Qısası, həm uçma xüsusiyyətləri, həm də anatomik quruluşu ilə belone mükəmməl quş xüsusiyyətinə malikdir. Heç bir yarımçıq, natamam, funksiyasız orqana və ya quruluşa malik deyil. Bundan başqa, anatomik olaraq dövrümüzdə yaşayan tauraco corythaix, opisthocomus hoatzin və Avstraliya meqapodları ilə oxşar xüsusiyyətləri var.
 
99 milyon il əvvəl yaşamış və tam quş xüsusiyyətləri olan canlı fosilinin kəşfi o dövrdə quşların olduğunu və uçan dinozavrlardan təkamül keçirmədiyini açıq şəkildə göstərir.

]]>
http://adnanoktar.az/az/Məqalələr/262743/99-milyon-illik-bala-qushttp://adnanoktar.az/az/Məqalələr/262743/99-milyon-illik-bala-qushttp://imgaws1.fmanager.net/Image/objects/6-makaleler/news_rescue_adnan_oktar_99_million_year_old_hatchling_fossil_ended_the_evolution_journey_of_birds2.jpgMon, 06 Nov 2017 21:02:09 +0200
Uşaq işçilər: balaca çiyinlərdə böyük yüklər

Yaşıdları məktəbdə dərs oxuyarkən, onlar işləyir...
 
Yaşıdları məktəbdə oyun oynayarkən onlar işləyir...
 
Valideynləri ilə birlikdə olmalı olduqları vaxtda belə işləyirlər...
 
Bəziləri avtomobil təmiri ilə məşğul olur, bəziləri mebel düzəldir, bəziləri isə nəsə sata bilmək üçün çalışır. Tarlada, hətta aralarında mədəndə işləməyə məcbur edilənlər belə var.
 
Beynəlxalq Əmək Təşkilatı (BƏT) 168 milyon uşaq işçinin olduğunu və bunların 85 milyonunun təhlükəli yerlərdə işlədildiyini qeyd edir. Asiya-Sakit Okean sahilləri və Tropik Afrika ölkələri dünyada uşaqların ən çox işlədildiyi bölgələrdir. Uşaqların ən çox işlədildiyi sahə isə kənd təsərrüfatıdır. 1

İşləyən uşaqlar güman edildiyi kimi təkcə az inkişaf etmiş ölkələrin problemi deyil. Amerika və Avropada da işləyən uşaqları görmək mümkündür. Buradakı uşaqlar, adətən, valideynlərinə dəstək olmaq üçün ailə biznesində müəyyən işləri müvəqqəti edir, yaxud da dərsdən sonra, tətil vaxtlarında cüzi miqdarda pul əldə edəcəkləri sadə işlərdə işləyirlər. Ekspertlər bu tip işlərin uşaqların inkişafına müsbət təsir göstərdiyini, onlara müxtəlif bacarıq və təcrübələr qazandırdığını düşünürlər.

Ancaq bu müsbət yanaşmanı emalatxanalarda, tarlalarda, yaxud da mədənlərdə özünün və ya ailəsinin həyatını davam etdirmək üçün durmadan işləyən uşaqlar üçün demək mümkün deyil. Əksinə, bu cür iş şəraiti uşaqları layiq olduqları həyatdan uzaqlaşdırır, özlərinə uyğun olmayan şəraitlə ayaqlaşmalarını şərt qoyur, uşaqlıqlarını yaşamalarına və məktəbə getmələrinə mane olur. Ekspertlərə görə, bu həyat şəraiti uşaqların potensialını azaldır, fiziki və zehni inkişaflarına zərər vurur. Uşaqlar ailələrindən uzun müddət ayrı qaldıqları üçün sevgisiz böyüyür və ibtidai təhsili tam ala bilmədikləri üçün sosial inkişaflarını tamamlaya bilmirlər.

Aparılan araşdırmalara görə, uşaqların işləməsinin ən böyük səbəbi ailələrinin gəlirinə dəstək olmaqdır. Bundan əlavə, ailəsinin borcuna qarşılıq olaraq işlədilən uşaq sayı da xeyli çoxdur. Bəzi ailələrin uşaqlarını iş yerlərinə satdıqları hallar da müşahidə olunur. Bu uşaqlar, adətən, çox ağır şəraitdə, bir tikə çörəyə qul kimi işləmək məcburiyyətində qalırlar.
 
Uşaqlar üçün ən böyük təhlükə isə fahişəlik və narkotik sektorudur. Uzaq Şərqdə və Hindistanda uşaqlar ya birbaşa fahişə kimi satılır, yaxud da pornoqrafik yayımların istehsalında istifadə edilirlər. Uzaq Şərqdə, Latın Amerikasında və bir sıra Afrika ölkələrində uşaqlar narkotik maddə istehsalında işçi və ya ticarətində kuryer kimi işlədilirlər.

Uşaqların istifadə edildiyi digər bir fəaliyyət sahəsi isə müharibə və hərbi xidmətdir. Bütün dünyada təqribən 250 min qız və oğlan uşağı əllərinə silah verilərək məcburi şəkildə müharibələrdə istifadə edilir. Müharibənin ortasında qalan bu uşaqlar, əsasən, cinsi  zorakılığa məruz qalır, münaqişələrdə həlak olur və ya öldürülürlər. Uşaqlar həm üsyançı qruplarda, həm də hökumət qüvvələrində silah istifadə etmək məcburiyyətində qalırlar. 

BMT-nin hazırladığı hesabata görə, dünyanın bir çox yerindəki silahlı qruplar uşaqları da münaqişələrdə istifadə edir. Hesabata görə, Əfqanıstan, İraq, Suriya, Yəmən, Somali, Cənubi Sudan, Mərkəzi Afrika Respublikası, Nigeriya, Mali və Konqo Demokratik Respublikası uşaqların ən çox əsgər olaraq istifadə edildiyi ölkələrdir. Hesabatda başqa ölkələrin də adı keçir. Bunlar Liviya, Fələstin, Kolumbiya, Filippin və Myanmadır. Hesabatdakı ən maraqlı olanı isə Almaniyadır. Almaniya 2015-ci ildə 17 yaşlı 1515 uşağı əsgər kimi istifadə etdiyi üçün hesabatda yer alır. Maraqlı olan isə Almaniyanın Myanma və Kolumbiya kimi ölkələrdə 18 yaşından kiçik uşaqların hərbi xidmətə qəbul edilməməsini müdafiə etməsidir.2

Beynəlxalq Əmək Təşkilatı uşaq işçilərin sayında əhəmiyyətli dərəcədə azalma olduğunu açıqlasa da, yüz milyonlarla uşaq fiziki və zehni inkişaflarına uyğun olmayan işlərdə işlədilməyə davam edir.
 
Uşaq işçilərə üstünlük verilməsinin səbəbi, əlbəttə ki, işçi qüvvəsinin azlığı deyil. İlk növbədə uşaqlara verilən məvacib olduqca aşağıdır. Bundan başqa, uşaq işçilərin sosial sığorta hüququ, əlverişsiz şəraitdə işlədilməyə görə şikayət etmək və ya hüquqlarını tələb etmə ehtimalları çox aşağıdır. Uşaqlar müdafiəsiz olduqları üçün hər cür zorakılıq və sui-istifadəyə açıqdırlar .
 
Bəs uşaqların zərər gördükləri işlərdə işlədilməsinin qarşısı necə alına bilər?
 
Bunun üçün Beynəlxalq Əmək Təşkilatının uşaq əməyinin qarşısının alınmasına dair sazişini mümkün qədər çox ölkənin imzalamasını təmin etmək olar. Eyni zamanda BMT həmin ölkələrdə bu mövzu ilə bağlı pozuntulara nəzarət edə bilər. Ailələrə uşaqlarının işləməsinə ehtiyacları olmayacaq şəkildə lazımi maddi yardımlar etmək olar. Mövsümi kənd təsərrüfatı işlərində işləyən uşaqlar üçün məskunlaşma, səhiyyə və qidalanma ilə bağlı sosial dəstək proqramları təşkil edilə bilər. Bundan başqa, işləyən uşaqları aşkar etmək məsələsində məktəblərə və müəllimlərə daha çox öhdəlik verilə bilər. Müəllimlərin uşaq işçilərin qarşısını almaq üçün fəaliyyət göstərən təşkilatlarla əlaqələrini artırmaq olar.

Ancaq uşaq işçi probleminin əsasən yoxsul və ya vətəndaş müharibəsi gedən ölkələrdə geniş yayıldığını nəzərə alsaq, kifayət qədər vəsait olsa və ya lazımi tədbirlər görülsə belə, bu problemin qarşısını almaq çətin olacaq. Bu iş üçün yerli hökumət və ya qruplar əvəzinə YUNESKO və BƏT kimi beynəlxalq təşkilatların hərəkətə keçməsi daha ağıllı həll yoludur.

Digər bir yol isə müvafiq əsasnamə və qanunvericiliklərdə uşaq əməyini qadağan edən xüsusi qanunlar qəbul edilməsi və bu qanunları pozan şəxslərə qarşı tətbiq olunacaq cəzaların ağırlaşdırılmasıdır.
 
Texniki baxımdan həll yolu nə olursa olsun, ilk və önəmli məsuliyyət dünyanı uşaqların zorla işlədilməyəcəyi məkan halına gətirməkdir. Müharibələrin və istismarçı sistemin davam etdiyi bir dünyada uşaqlar daim ən çox istismar edilən tərəf olacaqlar. Bunun qarşısını almaq üçün müharibələrin və istismarın ideoloji mənşəyini yaxşı anlayıb, bu ideologiyaları ortadan qaldıracaq fikri mübarizə aparmaq lazımdır. O zaman insanlar sevgi və sülhün mümkün olduğunu görə bilər və dünya hamıya kifayət edən bir yurd halına gələ bilər. O vaxta qədər hər bir ölkənin, qurumun, insanın məsuliyyəti bu istismarı dayandırmaq üçün lazımi tədbirləri almaqdır.


İstinadlar:
http://www.ilo.org/ankara/areas-of-work/child-labour/lang--tr/index.htm
http://www.dw.com/tr/14-%C3%BClkede-%C3%A7ocuk-askerler-sava%C5%9F%C4%B1yor/a-19044420
Adnan Oktarın «Cape Argus» & «The Star» & «Pretoria News»da  yayımlanan məqaləsi

http://www.harunyahya.org/tr/Eser-Tipi/261276/%C3%87ocuk-%C4%B0%C5%9F%C3%A7iler-K%C3%BC%C3%A7%C3%BCk-Omuzlardaki-B%C3%BCy%C3%BCk-Y%C3%BCkler

 

 

]]>
http://adnanoktar.az/az/Məqalələr/262738/usaq-iscilər-balaca-ciyinlərdə-boyukhttp://adnanoktar.az/az/Məqalələr/262738/usaq-iscilər-balaca-ciyinlərdə-boyukhttp://imgaws1.fmanager.net/Image/objects/6-makaleler/cape_argus_adnan_oktar_life_is_no_childs_play_for_many_kids2.jpgMon, 06 Nov 2017 20:48:48 +0200
Referendum kürdlərə nə verəcək?

Məqsədəuyğun, real və düzgün dəyərləndirdikdə bir çox müxtəlif inanc mənsubları və etnik qrupların birlikdə yaşadığı Yaxın Şərq bölgəsində bu sualın cavabı, əslində, aydındır: Hər parçalanma yeni və daha böyük problemlərə səbəb olur. İraqın ərazi bütövlüyünün pozulması kürdlərə də zərər yetirəcək. Yaxın Şərqin ehtiyacı olan şey xalqlar arasında yeni sərhədlər çəkilməsi deyil, dostluğun, sevginin və qardaşlığın möhkəmləndirilməsidir. Buna görə də, Suriya və İraqın ərazi bütövlüyünün qorunması vacibdir. 


Təxminən iki ildir qapalı olan Şimali İraq Məclisi 111 millət vəkilindən ancaq 65-nin iştirak etdiyi bir iclasda 25 sentyabr 2017-ci ildə Müstəqillik referendumu təşkil etmək barədə qərar verdi. Xalqa “İraq Mərkəzi Hakimiyyətindən ayrı olan Kürdüstan bölgəsinin müstəqil bir dövlət olmasını istəyirsinizmi?” sualı verildi və iştirakçıların 96%-i bu suala “bəli” cavabını verdi.  Halbuki bir neçə gün əvvələ qədər müxalifət partiyaları, türkmənlər və ərəblər kimi bölgədəki müxtəlif ünsürlər, Şengal və Ninovadakı yezidilər, hətta Kürdüstan Demokratik Partiyasına (Bərzaninin lideri olduğu partiya) səs verən kürdlərin böyük qismi referendumu doğru hesab etmir və bunu açıq şəkildə ifadə edirdilər. Məsələn, Şimali İraqda üstün müxalif partiya hesab edilən Goran (Yenilik) Hərəkatının məclis sədri Yusif Məhəmməd referendumu qanuni hesab etmədiyini, Bağdadla dialoq qurmağın vacibliyini qeyd etmişdi. Bəzi kürd siyasətçilər və qeyri-hökumət təşkilatları isə “hələ ki, yox” şüarı ilə referenduma qarşı kampaniya təşkil etmişdi. Referendumun bölgəyə yeni bir töhfə verməyəcəyi, əksinə, gərginliyə və qarşıdurmalara səbəb olacağı və xalqa zərər verəcəyi barədə ortaq mövqedən çıxış etmişdilər. Bu qərarın doğruluğu artıq özünü göstərir. 


2014-cü ildə İraqın daxilində güclənməyə başlayan və Mosulu ələ keçirən DEAŞ Bərzani hakimiyyətini birbaşa müharibənin içinə çəkdi. Müharibədən əlavə, Suriya və İraqdan gələn qaçqınlara qayğı göstərilməsi, mərkəzi hökumətdən gələcək 17 faiz neft gəliri payının gəlməməsi, PKK-nın Sincar bölgəsində muxtariyyət elan etmə cəhdləri, iqtisadi durğunluq səbəbindən yaranan etirazlar, İran sərhəddində yaşanan gərginlik və daxili siyasi mübahisələr Bərzani hökumətinin üzləşdiyi çətinliklərdən bəziləri idi. Çox güman ki, Bərzani referendumu bu çətinliklərdən bir çıxış yolu, ya da siyasi manevr olaraq dəyərləndirdi. Noyabr ayında Şimali İraqda seçkilər olacaq və Bərzani bu seçkilərə “Müstəqilliyə doğru addım atan lider” olaraq getmək istəyir. Lakin bu, xalqın yaxşılığını düşünməkdən daha çox, yanlış bir strategiyadır. 


Bağdad hökuməti ilə kürdlər arasındakı muxtariyyət barədə ilk razılaşma 1970-ci ildə olmuşdur. Kürdlər 1991-ci ildə ABŞ-ın dəstəyi ilə özlərinin nəzarət edəcəkləri ərazi əldə etdilər. 2005-ci ildə isə bu ərazi İraq Kürd Regional Hökuməti (İKRH) adı altında qanuni bir status qazandı. Bu status əldə edilərkən sərhədlər dəqiqləşmədi. Xüsusilə də, Kərkük kimi neftlə zəngin torpaqlar mübahisəli ərazilər olaraq qaldı. 2014-cü ildəki DEAŞ hücumunu fürsət bilən İKRH Kərkük bölgəsinə nəzarəti ələ keçirdi. Lakin Kərkük və Mosul Birinci Dünya Müharibəsindən bəri Türkiyənin də haqqı olan mübahisəli ərazilərdir. Üstəlik, bu ərazilər İKRH-in iddia etdiyi kimi, əhalisinin əksəriyyəti kürdlər olan ərazilər deyil. Əhalisinin böyük hissəsi türkmən və ərəblər olan Kərkük bölgəsinin təzyiq yolu ilə İKRH-nə qoşulmasını istəmək gələcəkdə türkmən-ərəb-kürd konfliktinə səbəb ola biləcək çox təhlükəli bir addımdır. 


Buna görə də, İraq Mərkəzi hakimiyyəti referendum qərarının konstitusiyaya zidd olduğunu və qanuni olmadığını bildirdi. BMT də daxil olmaqla, beynəlxaq təşkilatlar və ABŞ, Rusiya kimi bölgədəki nüfuzlu ölkələr referenduma dəstək vermədilər. Şimali İraqın qonşuları, bölgənin iki böyük ölkəsi olan Türkiyə və İran da bu referendum qərarına haqlı olaraq qarşı çıxdı. Qonşu ölkələrin, mərkəzi hakimiyyətin və beynəlxalq təşkilatların bütün çağırışlarına baxmayaraq, Bərzani hakimiyyəti referendum qərarında israr etdi. Bərzaninin bu israrı İKRH-yə qarşı ardıcıl tədbirlər görülməsi və qərarlar verilməsinə səbəb oldu. 


İlk olaraq, Türkiyə və İran sərhədləri bağlayacağını bəyan etdi. İraq və Türkiyə ordusu Türkiyə-İraq sərhəddində ortaq manevr etdi. İran Şimali İraq sərhədinə tanklarını topladı. İraq Mərkəzi hakimiyyəti isə Ərbilin hava məkanında bütün uçuşların dayandırıldığını bəyan etdi. İraq Ali Məhkəməsi referendum səlahiyyətlilərini ölkənin birliyini pozma və təhlükəsizliyini təhlükə altında qoymaqa təqsirləndirərək, istintaq işini başlatdı. İraq prezidentinin köməkçisi Nuri əl-Maliki isə İraq Kürd Regional Hakimiyyətinin (İKRH) qanundankənar referendumunu “İraq xalqının birliyinə qarşı müharibə”  olaraq dəyərləndirdi. 


Belə görünür ki, peşmərgənin (kürd silahlılarına verilən ümumi ad) və məmurlarının maaşını ödəyə bilməsi üçün ona maddi dəstək olan, peşmərgəyə hərbi təlim və sursat təmin edən, Bərzaninin özünün və hökumətinin qorunması üçün tədbirlər görən Türkiyə ilə məsləhətləşmədən verilən və Türkiyənin tənqidlərinə məhəl qoymadan tətbiq olunan bu qərar İKRH-ni daha da çətin bir dövrə sürükləyəcəkdir. Referendum xalqa təlqin edildiyi kimi müstəqillik gətirməyəcəkdir. Əksinə, Şimali İraqın mövcud uğurlarını itirməsinə səbəb olacaq, ən pis halda isə vəziyyətin səngimədiyi Yaxın Şərqdə yeni qarşıdurmalara da zəmin hazırlayacaqdır. İslam dünyasının isə yeni münaqişələrə deyil, müxtəlif bölgələrdə axan qanı dərhal dayandırmağa, bunun üçün də birlik olmağa ehtiyacı vardır. 


Bu regionu nəzarət altında saxlamağın ən asan yolu onu kiçik parçalara bölmək, bu kiçik parçaları bir-biri ilə daim vuruşduraraq güclərini itirmələrini təmin etməkdir. Təxminən 100 ildən bəri Yaxın Şərq üzərində oynanılan oyun budur. Bərzani höküməti mövcud vəziyyətdə siyasi baxımdan kifayət qədər güclü deyildir. Referendumdan sonra artacaq gərginlik Bərzani iqtiarının devrilməsi üçün asan zəmin hazırlaya bilər. Bərzani hakimiyyətinin devrilməsinin ardından isə iqtidar Şimali Suriyada olduğu kimi, PKK terror təşkilatının hakimiyyəti altına keçə bilər. Şimali İraq və Şimali Suriyanın PKK hakimiyyətində birləşdirilməsi ilə qurulacaq kommunist bir dövlət isə hər şeydən əvvəl müsəlman kürd xalqını əzəcəkdir. Bununla kifayətlənməyərək, Yaxın Şərqdə yeni bir Şimali Koreya da qurulacaq və bütün müsəlman ölkələr ciddi bir təhlükə ilə qarşı-qarşıya qalacaqdır. Şübhəsiz ki, kürdlər Səddam dövrü başda olmaqla, müxtəlif dövrlərdə böyük əzablar yaşamış bir xalqdır. Bu yaraları sağaltmağın və layiq olduqları gözəl günləri yaşamalarının yolu özlərini daha kiçik bir dövlət kimi həbs etmək deyildir. Asanlıqla əziləcək bir qüvvəyə çevrilmək əvəzinə, çətin günlərində hər zaman yanında olan Türkiyə də başda olmaqla, bütün müsəlman ölkələri ilə ortaq mövqedən hərəkət edərək, güclü bir ittifaqın üzvü olmaq daha məqsədəuyğun və düzgündür.

Adnan Oktarın “Arab Times & MENA FN”-də yayımlanan məqaləsi:
http://www.arabtimesonline.com/news/will-referendum-bring-kurds/
http://menafn.com/1095932399/What-will-referendum-bring-for-Kurds?ARAB-TIMESKUWAIT-NEWS#


 

]]>
http://adnanoktar.az/az/Məqalələr/262737/referendum-kurdlərə-nə-verəcəkhttp://adnanoktar.az/az/Məqalələr/262737/referendum-kurdlərə-nə-verəcəkhttp://imgaws1.fmanager.net/Image/objects/6-makaleler/arab_times_adnan_oktar_what_will_referendum_bring_for_Kurds2.jpgMon, 06 Nov 2017 20:47:12 +0200
Riçard Dokinz və darvinistlərin xəyallarındakı ara-keçid formaları

Təkamül nəzəriyyəsi bir növün çox kiçik dəyişikliklərlə yeni növə çevrildiyini iddia edir. Amma bunun sübut edilməsi üçün həmin dəyişikliklərə aid ara-keçid növləri olmalı və bunlar da elmi dəlil kimi təqdim edilməlidir. İddia edilən keçid növlər xəyali əcdad növdən başlayaraq təkamül keçirən yeni orqan, sistem və ya üzvlərə malik olmalıdır. Milyonlarla il davam etdiyi iddia edilən belə xəyali dəyişikliklər nəticəsində ortaya yarım və ya əskik orqanlara sahib, uğursuz ara-keçid formalar çıxmalıdır. Diqqəti çəkən məqam isə tapılan fosillərin arasında HEÇ BİR ARA-KEÇİD FORMANIN OLMAMASIDIR. Fosil tapıntıları təkamülçülərin gözləntilərinin əksinə tam və qüsursuz orqan və sistemlərə malik canlı növləri ilə doludur. Bu da milyonlarla canlı növünün 100 milyonlarla il əvvəl də eyni xüsusiyyətlərə malik olduğunu göstərir.

Təsadüflərin hökm sürdüyü dünyada qarışıqlığın olması da gözlənilir. Belə xəyali bir sistemdə canlılarda simmetriya və ya estetikanın yaranması mümkün deyil. Hətta təsadüflərin hökm sürdüyü dünyada həyatın da mövcud olması mümkün deyil. Təkamülün guya mexanizmi kimi irəli sürülən mutasiyalar DNT-də pozulmalara və çatışmazlıqlara səbəb olur və bunun nəticəsində də orqan və sistemlərdə fəsadlar yaranır, nizamsız formalar ortaya çıxır. Təkamül nəzəriyyəsinə görə mutasiyaya məruz qalmış və bu səbəbdən mövcudluğunu qoruyub saxlaya bilməmiş qeyri-adi canlıların fosil nümunələri ilə tez-tez qarşılaşmalı idik. Lakin bununla bağlı bircə nümunə belə yoxdur.

Təkamülçülərin əsas problemi olan bu vəziyyət ilk olaraq Çarlz Darvin tərəfindən etiraf edilmişdir:
 
"Əgər həqiqətən, növlər digər növlərdən mərhələli dəyişikliklərlə törəyiblərsə, nə üçün SAYSIZ-HESABSIZ ara-keçid formalarına rast gəlmirik? Nə üçün bütün təbiət XAOS halında deyil, TAM ŞƏKİLDƏ YERLİ-YERİNDƏDİR? (Charles Darwin, The Origin of Species, səh.172-280)

Nəzəriyyənin banisi olmasına baxmayaraq, Darvin fosillərin mükəmməl olduğunu etiraf etmişdir. Qəribə formalı keçid növlər tarix boyunca heç vaxt olmamışdır. Növlər ilk ortaya çıxdıqları andan etibarən nöqsansız və simmetrik orqanlara malik olmuşlar.

Saysız-hesabsız ara-keçid növlər yoxdur 
Fosil tapıntılarında hər zaman tam və qüsursuz canlıların qalıqlarına rast gəlirik. Bunlardan bəziləri mükəmməl orqanları ilə ortaya çıxmış və daha sonra nəsli kəsilmiş canlılara, bəziləri isə milyonlarla il əvvəl bugünkü görünüşləri ilə ortaya çıxmış və bu gün də yaşayan canlılara aiddir. Təkamülçülərin iddia etdiyi kimi, keçid xüsusiyyətlər əldə edən keçid canlılar isə əsla mövcud olmamış, HƏR HANSI BİR ARA-KEÇİD FORMALI fosilə rast gəlinməmişdir.

Təkamülçülərin iddialarına uyğun olaraq düşünsək, xəyali ara-keçid növlərin sayı bu gün məlum olan bütün növlərin sayından qat-qat çox olmalı idi. “Təkamül ağacı” qüsurlu növlərlə dolu olmalı və saysız-hesabsız yarımçıq budağa malik olmalı idi. Bu say isə trilyonlarla ifadə edilə bilər. Çarlz Darvin də "olmasını ümid etdiyi, ancaq heç vaxt tapılmayan” keçid növlərin sayını hər dəfə vurğulayaraq SAYSIZ-HESABSIZ deyə ifadə etmişdir:
 
"SAYSIZ-HESABSIZ ara-keçid forması olmalıdır, bəs nə üçün yer üzünün çoxsaylı təbəqələrində onları tapmırıq?... Nə üçün HƏR GEOLOJİ FORMA VƏ TƏBƏQƏ belə keçidlərlə dolu deyil?" (Charles Darwin, The Origin of Species, səh.172-280)
 
Darvinin də vurğuladığı kimi, əgər təkamül iddiası doğru olsa idi, hər geoloji təbəqə belə uğursuz təcrübələr, yəni qəribə görünüşlü keçid növlərlə dolu olmalı idi. Qazılan hər təbəqədə trilyonlarla keçid növlərə aid nümunələr olmalı idi. Lakin vəziyyət bunun tam əksidir. Fosillərdə keçid forma olmaması təkamülü təkzib edir.

Növlərin dəyişmədən sabit qaldığı həqiqəti
 
Fosil elmi olan paleontologiya canlı növlərinin dəyişmədiyini və canlıların dünyada yaşadıqları müddət ərzində həmişə sabit qaldıqlarını ortaya qoyur. Məşhur təkamülçü paleontoloq Naylz Eldric (Niles Eldredge) də bunun təkzibedilməz həqiqət olduğunu belə ifadə etmişdir:

“Artıq stasis (sabitlik-sabit qalmaq) növlərin təkamül tarixində əsas paleontoloji mənzərə kimi dəfələrlə faktlar əsasında təsdiqlənmişdir”. (Naylz Eldric Reinventing Darvin, 1995, s. 77 - http://bevets.com/equotese.htm)
 
Canlı növlərinin dünyada bir anda tam şəkildə ortaya çıxdıqları və dəyişmədən sabit qaldıqları açıq həqiqətdir. Bu, heç bir paleontoloq tərəfindən təkzib edilməyən, hər zaman etiraf edilən haldır. Məşhur təkamülçü alimlərdən amerikalı paleontoloq və tarixçi Stiven Cey Quld fosillərin ən bariz xüsusiyyətlərindən ikisi haqqında belə yazmışdır:
 
“Fosilləşmiş növlərin əksəriyyətinin mərhələli təkamüllə ziddiyyət təşkil edən iki fərqli xüsusiyyət ortaya qoyur:
 
1. Sabitlik: Bir çox canlı növü dünyada mövcud olduğu müddət ərzində heç bir dəyişiklik keçirmir. Fosil izlərində ilk ortaya çıxdıqları andakı quruluşları necədirsə, yox olduqları andakı quruluşları da eynidir. Morfoloji dəyişiklik əsasən məhduddur və müəyyən bir istiqaməti yoxdur.

2. Anidən ortaya çıxma: Növlər hər hansı lokal bölgədə əcdadlarından tədricən dəyişikliklərə məruz qalaraq mərhələli şəkildə meydana çıxmır. Bir anda və tam formalaşmış şəkildə ortaya çıxır”. (S. J. Gould, "Evolutions Erratic Pace", Natural History, vol. 86, may 1977)
 
Stiven Cey Quld “Natural History” jurnalındakı bir məqalədə etiraflarına belə davam edir:
 
“Bir çox fosil növünün geoloji həyat müddəti ərzində sabit qalması, heç bir dəyişikliyə məruz qalmaması bütün paleontoloqlar tərəfindən təsdiq edilmişdir. Lakin üzərində ətraflı araşdırma aparılmamışdır... Sabitliyin çox olması fosillərin utandırıcı xüsusiyyətinə çevrilmişdir...” (S. J. Gould "Cordelias Dilemma", Natural History, fevral, səh. 10-18)

 
“Yaradılış Atlası” və fosillər "biz dəyişmədik” deyir

Göründüyü kimi, fosillərin müasir nümunələri ilə müqayisəsi və hər hansı bir dəyişiklik olmadığının göstərilməsi məlum həqiqətin ictimaiyyətə çatdırılması deməkdir. Cəmiyyətdən həmişə gizlədilən bu həqiqət Harun Yəhya təxəllüsü ilə tanınan yazıçı Adnan Oktarın nəhəng əsəri “Yaradılış Atlası” ilə kütlələrə çatdırılmış və yayılmışdır. Paleontologiya iddia edildiyi kimi,  növlərin  milyonlarla il ərzində dəyişikliklərə məruz qalmadığını, möcüzəvi şəkildə mükəmməl halları ilə bir anda ortaya çıxdıqlarını göstərmişdir. Cənab Adnan Oktarın fəaliyyətləri nəticəsində uzun illərdir insanlardan gizlədilən fosillər işıq üzünə çıxmış, təkamülçülərin sirləri ifşa edilmişdir.

Bu möhtəşəm əsərdə 2000 fosil ətraflı şəkildə fotoşəkilləri ilə nümayiş etdirilsə də, universitet və ya muzeylərin anbarlarında gizlədilən fosillərin sayı 700 milyona yaxındır. Həqiqətləri qəbul edə bilməyən bəzi təkamülçülərin Atlasda olan təkcə 3-4 fosil üzərində ssenarilər yazaraq haqsız iradlar bildirməyə çalışmaları onların vəziyyətlərinin acınacaqlı olduğunu göstərir. Bu iradlar elmdən uzaqdır və istehzadan başqa bir şey deyil. Çünki həmin fosillərin elmi ədəbiyyatda minlərlə başqa nümunəsinin olduğu da məlumdur.

Xəyali əcdadları riyazi yolla axtarma
 
Təkamülçülər insanın şimpanze ilə ortaq əcdaddan gəldiyini irəli sürürdülər. Əvvəlcə, şimpanzelərin insanlara ən yaxın növ olduğu bildirildi, daha sonra, əslində, bonoboların daha yaxın olduğuna dair spekulyasiyalar getdikcə artmağa başladı. Bəs darvinistlər dəyişikliyə dair hər hansı sübut göstərmədən nəyə əsaslanaraq qohumluq əlaqəsini qururlar? Məhz burada təkamülçülər öz uydurduqları və heç bir elmi əsası olmayan statistika düsturları ortaya çıxarırlar.
 
Bu uydurmalar iki növün müəyyən genlərinə aid seçilmiş bəzi əsas cütlərinin müqayisəsi üzərində qurulmuşdur. Lakin bu, iki növün genomuna aid bütün kodların bir-bir müqayisə edildiyi demək deyil. Xəyali soy ağacı üçün istifadə edilən bu hiyləni yaxından tədqiq etdikdə bu həqiqət daha yaxşı başa düşülür.
 
İnsan və meymunlar arasında genetik oxşarlıq üzərində tədqiqat aparılarkən yalnız müəyyən genlər müqayisə edilir. Məsələn, yaşayan primatların soy ağacı çəkilərkən 54 genə aid 34.927 əsas cüt götürülmüşdür. İnsanın təqribən 25 min geni var və burada hamısı birdən müqayisə edilmir.

Təkamülçülər şimpanze ilə insan genomu arasında ilk öncə 1%-lik fərq olduğunu irəli sürmüş, daha sonra bu fərqin 4% olduğunu qəbul etmişlər. Bu nisbət təqribən 35 milyon nukleotidə bərabərdir. Təkamülçülər bu fərqin olmadığı xəyali mexanizm axtarışındadırlar. Bunun üçün DNT üzərində dəyişiklik edən, kodları çıxarıb əlavə edən, lakin bunu edərkən də orqanizmə tamamilə zərər verən mutasiyaları irəli sürürlər. Bu şəkildə mutasiyaların müntəzəm fasilələrlə çalışdıqlarını və mütləq faydalı təsirlərinin olduğunu (bu, qeyri-mümkündür) iddia edir və buradan iki növün nə vaxt bir-birindən ayrıla biləcəyinə dair saxta hesablamalar aparırlar. Ortada xəyali ortaq əcdada məxsus hər hansı bir fosil yoxdur, ara-keçid fosili də yoxdur, amma buna baxmayaraq təkamülçülər "ehtimal" başlığı altında elmi əsası olmayan hesablamaları ictimaiyyətə həqiqət kimi təqdim edirlər. Bunun əsasında kompüterə verilən xəyali göstəricilər “Bayes” düsturu adı altında işlədir və yenə də xəyali olan rəqəmlərlə aparılan hesablamalar nəticəsində 5-7 milyon il əvvəlki xəyali ortaq əcdad yalanını ortaya atırlar.


Statistikada Bayesyan yanaşması və ehtimallar əsasında qurulan elmi yanlışlıqlar
 
Bəzi statistik hesablamalarda istifadə edilən “Bayes” düsturu müəyyən bir iddiaya dair geriyə analiz etməni təmin edir. “Bayes” düsturu şərtli ehtimalların hesablanmasında istifadə edilir. Yəni əgər bir nəfər: "İki növ daha əvvəl tək idi” -deyə bir iddia ortaya atarsa, düstur bu saxta hipotezanı təsdiqləmək üçün əməliyyat aparır və 35 milyon nukleotid fərqinin aradan qalxması üçün neçə milyon ilə ehtiyac olduğunu hesablayır. Halbuki əslində 35 milyon nukleotid fərqi heç vaxt aradan qalxmayıb, amma iddia bu şəkildə qoyulduğu üçün bu və ya digər şəkildə düstur hər hansı bir nəticə verir. Buna görə “Bayes” yanaşması fiziki dəlilə əsaslanmaq əvəzinə bir insanın hər hansı bir hadisəyə olan inanc dərəcəsi kimi tanınır.
 
Göründüyü kimi, genlər barəsində məlumatlar kompüter düsturları ilə istəyə bağlı olaraq yazılmışdır. "Təkamül var” fikri ilə görülən bu işlərin elmi tərəfinin olmadığı, tamamilə ideoloji məqsədlərə xidmət etdiyi aydındır. Məlumatın kodlandığı bir genin belə öz-özünə necə yarandığını izah edə bilməyən bu düşüncə genetikadan “pərdə” kimi istifadə edir.
 
Paleontologiya, histologiya, biokimya və digər elm sahələri həyatın təsadüfən əmələ gəlməyəcək dərəcədə mürəkkəb olduğunu ortaya qoyur. Bütün canlı növləri, bu növlərə aid hər bir hüceyrə, hətta bir zülal belə Allahın sonsuz bilgisi və gücünün məhsuludur.


Adnan Oktarın News Rescue-da (Amerika) dərc olunan məqaləsi:

http://newsrescue.com/transitional-forms-richard-dawkins-darwinists-dream/#axzz4uvROXrAH

]]>
http://adnanoktar.az/az/Məqalələr/261695/ricard-dokinz-və-darvinistlərin-xəyallarindakihttp://adnanoktar.az/az/Məqalələr/261695/ricard-dokinz-və-darvinistlərin-xəyallarindakihttp://imgaws1.fmanager.net/Image/objects/6-makaleler/news_rescue_adnan_oktar_transitional_forms_richard_dawkins_and_the_darwinists_dream_of_having2.jpgSun, 29 Oct 2017 21:11:36 +0200
BMT-nin sülhü qurumaq missiyası yenidən təsirli hala gətirilməlidir 

Bir neçə ay əvvəl Tramp hakimiyyətinin BMT-yə tənqidləri və quruma edilən maliyyə yardımını azaldacaqlarını açıqlaması diqqətləri yenidən bu təşkilata və təşkilatın fəaliyyətinə çəkdi.
 
BMT-nin ən böyük tənqidçilərindən olan Tramp ABŞ-ın təşkilatın büdcəsindəki payının ədalətsiz olduğunu bildirmiş və "insanların bir araya gələrək danışıb yaxşı vaxt keçirdikləri klub" adlandıraraq qurumun qeyri funksionallığına diqqət çəkmişdi. Məlum olduğu kimi, ABŞ BMT büdcəsinə ən çox vəsait ayıran ölkədir. Təşkilatın iki illik əsas büdcəsinin 22%-ni və 7,3 milyardlıq sülh qoruma büdcəsinin 28,5%-ni qarşılayır.

ABŞ-ın BMT-dəki daimi nümayəndəsi Nikki Heyli BMT sülhməramlılarına etdikləri maddi yardımın yarım milyard dollardan çox azaltdıqlarını və bunun davamının da gələcəyini bildirdi. Heyli büdcədəki bu azaldılmanın münaqişə zonasındakı insanların müdafiəsinə ayrılacağını ifadə edərək çox mühüm bir mövzuya da işarə etdi.
 
Bəs, belə bir qərar qəbul edilməsinin BMT-nin fəaliyyətsiz və təsirsiz olduğu ilə əlaqələndirilməsinin səbəbi nə idi?
 
BMT-nin Nizamnaməsinə görə, təşkilatın ən əsas funksiyası beynəlxalq sülh və təhlükəsizliyi qorumaqdır. Nizamnaməyə əsasən dünyanın hər hansı bir regionunda sülh və təhlükəsizliyi təhdid edən vəziyyət yarandıqda BMT dərhal müdaxilə edib sülhü təmin etmək üçün  tədbirlər görməlidir.
 
Sülh tədbirlərin kifayət olmadığı hallarda nizamnamə ilə birbaşa tənzimlənməsə də, ən çox müraciət edilən üsullardan biri hərbi müdaxilədir. Bu məqsədlə baş rolda BMT sülhməramlı qüvvələri çıxış edir.

Əvvəllər BMT-nin bir çox ölkələrarası böhranın aradan qaldırılmasında təsirli olduğu tarixi həqiqətdir. 1950-ci ildə Şimali Koreyanın Cənubi Koreyanı işğal etməsi, 1990-cı ildə İraqın Küveyti işğalı və buna bənzər bir çox hadisə zamanı BMT dərhal müdaxilə edərək böhran və münaqişələrin dayandırılmasında müvəffəq olmuşdur.
 
Lakin heç bir müdaxilə etmədiyi böhran və müharibələrin sayı da kifayət qədərdir. Əlcəzair (1954-1962), Süveyş (1956), Macarıstan (1956), Vyetnam (1946-1975), Çin-Vyetnam Müharibəsi (1979), Əfqanıstan (1979-1988), Panama (1989), İraq (2003), Gürcüstan (2008), Suriya (2012-hal-hazıradək) Yəmən (2015- hal-hazıradək) müharibələri bunlardandır.
 
BMT-nin gücsüzlüyünün və çarəsizliyinin ən əsas səbəbi kimi BMT Təhlükəsizlik Şurası və onun 5 daimi üzvünün veto hüququ göstərilir. Məlum olduğu kimi, BMT Təhlükəsizlik Şurasının ABŞ, Rusiya, Çin, Böyük Britaniya və Fransadan ibarət 5 daimi üzvü, habelə hər iki ildən bir dəyişən 10 daimi olmayan üzvü var.

5 daimi üzvdən hər hansı birinin veto etdiyi qərar Şuradan heç vaxt keçmir. Digər simvolik 10 üzvün isə veto səlahiyyəti yoxdur və daimi üzvlərin vetosuna riayət etməkdən başqa seçimləri yoxdur. Bunlardan fərqli olaraq BMT Baş Assambleyasının isə 193 üzvü var. Amma 193 üzvdən ibarət Baş Assambleyanın BMT-nin büdcəsini təsdiq etmək kimi bir neçə inzibati qərardan başqa faktiki və hüquqi mənada heç bir aktiv, sanksiya gücünə malik qərar vermə səlahiyyəti yoxdur.
 
Beləliklə, sözün əsl mənasında BMT sistemini idarə edən əsas qüvvə BMT Təhlükəsizlik Şurasıdır. Çünki embarqo, beynəlxalq müdaxilə və sülhməramlıları təsis etmə kimi əməliyyatların hamısında yekun söz BMT Təhlükəsizlik Şurasınındır.

Yuxarıda qeyd etdiyimiz müharibələrdə BMT-nin heç bir ciddi fəallıq nümayiş etdirməməsinin ən əsas səbəbi daimi üzvlərin veto və ya veto təhdidi göstərilir. Əlbəttə, veto hüququ yerində, ədalətli və qərəzsiz istifadə edildikdə müsbət mənada çox böyük gücdür. Ancaq praktikada bu səlahiyyətin bəzən ölkələrin öz milli maraqları üçün istifadə etdiyi və nəticədə BMT-nin sülhü qoruma və müharibələri dayandırmaq kimi ən əsas funksiyasının işləmədiyi  açıqdır.
 
BMT ilə bağlı başqa bir tənqid də Təhlükəsizlik Şurasının daimi üzvləri arasında 1,7 milyard müsəlmanı təmsil edən heç bir ölkənin olmamasıdır. İqtisadi, siyasi, hərbi baxımdan qlobal səviyyədə oyunçu ola bilən heç bir müsəlman ölkəsi Şurada təmsil olunmur.

Halbuki dünya miqyaslı böhran, müharibə, qarşıdurma, səfalət, zülm, yoxsulluq kimi fəlakətlər əsasən müsəlmanları hədəf alır. 1946-2010-cu il tarixləri arasında 1782 qərar qəbul edilmişdir. Bu qərarların 47%-i müsəlman və Yaxın Şərq ölkələri ilə bağlıdır. İslam Konfransı Təşkilatı 2005-ci ildə Şurada müsəlmanlara daimi yer verilməsinin zəruriliyini bəyan etmiş, lakin heç bir nəticə əldə olunmamışdır.
 
Sülhməramlıların yol verdikləri cinsi istismar cinayətlərinin son illər nəzərə çarpacaq dərəcədə artması da BMT-nin qanayan yaralarındandır. 2015-ci il ərzində BMT sülhməramlılarına qarşı yönəldilən 69 cinsi istismar ittihamı var. 2016-cı ilin yalnız ilk üç ayında sülhməramlıların törətdiyi iddia edilən cinayətlərin sayı 25-ə çatıb. Bu cinayətlərdən hüquqi olaraq kimin məsuliyyət daşıdığı da qeyri-müəyyəndir.

Əlbəttə ki, bütün bunlar BMT-nin etibarına xələl gətirən amillərdir. Görünən odur ki, BMT-nin Baş Katibi Antoniu Quterreşin də vurğuladığı kimi, "BMT sülhməramlı qüvvələrində islahatlar şərtdir". 

İlk öncə zülm və haqsızlığa məruz qalan məzlum insanlara qarşı sülh və təhlükəsizlik gətirmək missiyasını sui-istifadə etmək insanlıq əleyhinə cinayət sayılmalı, bunu edənlər isə sərt şəkildə cəzalandırılmalıdırlar.

Təkcə sülhməramlılar barədə yox, ümumiyyətlə       BMT-nin illərdir dünyanın ən böyük böhranları qarşısında passiv və təsirsiz qalmasına səbəb olan əngəlləri aradan qaldıran geniş miqyaslı islahatlar lazımdır. Bu mövzuda texniki və hüquqi aktları tənzimləmək məqsədilə üzv ölkələrin nümayəndələrindən ibarət komissiyanın birgə çalışması və əksəriyyətin razı olduğu qərarı qəbul etmək çox mühümdür. Təşkilatı təxirəsalınmaz hadisələr qarşısında hərəkətsiz edən "daimi üzvlük", "veto hüququ" kimi əsas məsələlər ən kiçik tıxanıqlığa, acizliyə və çözümsüzlüyə yol açmayacaq tərzdə yenidən formalaşdırılmalıdır.

Aparılan bu islahatlar və alınacaq köklü tədbirlərlə BMT-nin sülhü mühafizə etmək missiyası ən sürətli və səmərəli şəkildə yenidən fəaliyyət göstərməlidir. Çünki bütün ölkələrin aktiv, ədalətli, güclü, etibarlı BMT-yə ehtiyacı var.

Adnan Oktarın “New Straits Times”da yayımlanan məqaləsi:
https://www.nst.com.my/opinion/columnists/2017/10/290173/reform-un-peacekeeping-op

 

]]>
http://adnanoktar.az/az/Məqalələr/260674/bmt-nin-sulhu-qurumaq-missiyasihttp://adnanoktar.az/az/Məqalələr/260674/bmt-nin-sulhu-qurumaq-missiyasiTue, 24 Oct 2017 00:50:07 +0300
Sosial şəbəkənin yeni xəstəliyi: "like" üçün yaşamaqBu gün sosial şəbəkələrdə 2 milyard feysbuk, 1,4 milyard yutub istifadəçisi var. İnstaqramdan istifadə edənlərin sayı isə təqribən 700 milyondur. Bu rəqəmlərə 350 milyon snapçat və 330 milyon tvitter istifadəçisini də əlavə etsək, dünyanın üçdə birinin sosial şəbəkə üzərindən əlaqədə olduğunu demək yanlış olmaz.1 Bu insanlar hər gün inanılmaz dərəcədə çox paylaşım edirlər. Feysbuk istifadəçiləri 24 saatda 8 milyard məlumat yükləyirlar. Yutuba bir gün ərzində yüklənən videoların ümumi müddəti isə 400 min saatdır. Eyni vaxtda 500 milyon tvit yazılır, instaqrama 350 milyon şəkil yüklənir.


Bu nəhəng kommunikasiya şəbəkəsi müəyyən müddətdən sonra öz qaydalarını formalaşdırdı. İnstaqramda və ya feysbukda “like” almaq, tvitterdə  retvitlənmək, yutubda izlənilmək insanlar arasında uğur meyarına çevrildi. İlk istifadə edildiyi gündən etibarən feysbukda “like” düyməsinə 1,2 trilyon dəfə basılıb. İnstaqram isə gündə 4,5 milyard dəfə “like” alır. Bu statistikalar insanlıq üçün yeni asılılıq təhlükəsinin yarandığını göstərir.2 Sosial şəbəkədə bəyənilmək, qəbul edilmək və digər istifadəçilərdən önə keçə bilmək insanlar üçün yeni xəstəlik halına gəlib.


Sosial şəbəkə istifadəçilərinin 60%-nin 30 yaşdan aşağı olduğunu düşünsək, bu, yaxın dövrdə dünyamızın ən önəmli problemlərindən biri olacaq.3
Bir çox sosial şəbəkə istifadəçisi virtual aləmdəki həyatlarını əsl həyatlarından önəmli hesab edirlər. Həyatlarının hər anını heç tanımadığı on minlərlə insanla paylaşırlar. Rəqəmsal cəmiyyətdə qəbul edilmək və bəyənilmək, yəni “like” ala bilmək üçün hər cür riski gözə alırlar.


Dağlara, göydələnlərin üstünə çıxır, yerin altında, dənizin dərinliklərində, dünyanın ən təhlükəli yerlərində selfi çəkirlər. Bu məqsəd üçün həyatlarını da təhlükəyə atırlar. Bütün bu ekstremal həyat tərzinin bir məqsədi var: sosial mediada daha çox “like” toplamaq. “Like” yarışında önə keçmək üçün gerçəkləri təhrif etməkdən və həyatlarını olduğundan daha yaxşı göstərməkdən də çəkinmirlər. “Kasperski Laboratoriyası” şirkətinin  araşdırmasına görə, hər 10 nəfərdən biri sosial şəbəkədə bəyənilmək üçün həqiqəti təhrif edir, olduğundan fərqli insan kimi görünməyə çalışır.4 Yəni "like" almaq vasitə yox, məqsəd olub. Bir çoxları üçün internet virtual dünyadan ibarət deyil, artıq bütövlükdə sosial həqiqət halına gəlib. Sosial şəbəkədə bəyənilmək əsl həyatda bəyənilməyi üstələyib.5 Bu virtual bəyənilmə istəyi feysbuk istifadəçilərinin gündə 4,5 milyard dəfə, yəni dəqiqədə 3,2 milyon dəfə "like" düyməsinə basmasını təmin edir. Bu gün artıq “like” düyməsinin olmadığı bir dünyanı xəyal etmək belə çətindir.


Virtual dünyanın gerçək həyatın önünə keçməyə başlaması ilə birlikdə psixoloji problemlər də rəqəmsallaşmağa başladı. Yenilikləri qaçırma qorxusu - FOMO (“Fear of Missing Out”) sindromu bir çox önəmli dissertasiya işinin mövzusu oldu.6,7  “TIME” kimi məşhur beynəlxalq jurnallar sosial şəbəkələrin səbəb olduğu bu psixoloji problemlə mübarizə aparmaq üsullarından bəhs edən məqalələr yayımladılar.8 İngilis dilinin Oksford lüğətində (“Oxford English Dictionary”) FOMO problemi “başqa bir yerdəki daha həyəcanlı hadisəni qaçırma narahatlığı” olaraq verilmişdir. FOMO, xüsusilə, sosial medianın əsas istifadəçiləri olan milenium nəsli üçün önəmli təhlükədir. 18 yaşından aşağı olan bu gənc nəsil tvitləri retvit edilmədikdə və ya feysbukda “like” edilmədikdə özlərini pis hiss etməyə başlayır, daha məşhur hesablara görə depressiyaya düşürlər. Kopenhagen Universiteti bu narahatlığı “feysbuk qısqanclığı” (facebook envy) adlandırıb.9


Sosial şəbəkənin bu qaranlıq tərəfi problemli insanları daha da uçuruma aparır. Ümumdünya Səhiyyə  Təşkilatının (WHO) məlumatına görə, ötən il hər 40 saniyədə bir nəfər intihar edib. Bu, dünya miqyasında öz əli ilə həyatına son qoyan 800 min insan deməkdir.10 Bu rəqəmin böyük hissəsini 19-24 yaşlı gənclər təşkil edir. İntihar bu yaş qrupundaki ölüm səbəbləri arasında ikinci yerdədir. Yəni dünya gənclərinin böyük əksəriyyəti intiharı həll yolu hesab edən psixologiya içində yaşayır.


Sosial şəbəkələr isə bunu daha da qızışdırır. İntiharların sosial şəbəkələrdə canlı yayımlanması artmağa başlayıb. 2008-ci ildə bir yapon səhifəsində hidrogen sulfid qazının intihar üçün əlverişli olduğu barədə məlumat paylaşıldıqdan sonra 220 nəfər bu yolla intihar etdi. Yeni Zelandiyada isə bir nəfər intihar etdikdən sonra hazırlanan anım səhifəsindən təsirlənən daha 8 nəfər həyatına son verdi. "Mavi Balina" adlı oyun isə təkcə Rusiyada 130 gəncin intiharına səbəb oldu. “Suicide Challange” (intihara meydan oxuma) olaraq adlandırılan bu sosial şəbəkə çılğınlığı feysbuk qrupu olaraq ortaya çıxmışdı. Bir qrup psixopat xarakterli gənclərə təsir edərək özlərinə zərər verməklə başlayan və intiharla nəticələnən psixoloji cərəyan meydana gətirdilər. “Mavi Balina” oyununun təsiri ilə Hindistanda, İngiltərədə, Avropada da 15-18 yaş arasında bir çox gənc həyatına son verdi. Bu gün araşdırmalar sosial şəbəkənin intiharı təşviq etdiyini açıq şəkildə ortaya qoyur. 


Sosial şəbəkələr vasitəsilə insanlar arasında əlaqələrin sürətlə artması, əslində, sevindirici haldır. Böyüklərimizin bir ömür boyu görə bilmədiyi texnoloji nailiyyətlər sadəcə bir neçə il ərzində gerçəkləşir. İnsanlar sosial şəbəkələr vasitəsilə bir-birilərini tanıyır, əlaqə qurur, doğru və gözəl olana dəvət edə bilir, ortaq mədəniyyət formalaşdırırlar. Dünyamız daha gözəl bir gələcəyə hazırlanır. Şübhəsiz ki, sosial şəbəkələr bu baxımdan önəmli təbliğ və dostluq mühitidir. Bu mühitin fərqli məqsədlər üçün istifadə edilməməsi, gənclərə pis metodların göstərilməməsini təmin etmək bizim əlimizdədir.


Gələcəkdə üzərimizə düşən ən önəmli vəzifə bu böyük imkanın yanlış istifadə edilməsini əngəlləmək və mədəniyyətimizin inkişafını təmin etməkdir. Dünyanın sosial qaydalarla tənzimlənmiş, yaxşılığın və sülhün yollarını göstərən, insanları birlik olmağa dəvət edən rəqəmsal həyata ehtiyacı var. 


http://www.smartinsights.com/social-media-marketing/social-media-strategy/new-global-social-media-research/
https://www.statista.com/statistics/274829/age-distribution-of-active-social-media-users-worldwide-by-platform/
https://www.omnicoreagency.com
https://www.kaspersky.com/about/press-releases/2017_one-in-ten
https://www.entrepreneur.com/article/243924
http://www.apa.org/monitor/2017/03/cover-disconnected.aspx
http://www.apa.org/gradpsych/2016/01/missing-out.aspx
http://time.com/4358140/overcome-fomo/
http://www.independent.co.uk/life-style/gadgets-and-tech/facebook-social-media-make-unhappy-jealous-people-particularly-sad-copenhagen-university-study-a7490816.html
http://www.who.int/mental_health/prevention/suicide/suicideprevent/en/


Adnan Oktarın “BERNAMA”da yayımlanan məqaləsi:
http://www.bernama.com/bernama/v8/fe/newsfeatures.php?id=1396729

]]>
http://adnanoktar.az/az/Məqalələr/260222/sosial-səbəkənin-yeni-xəstəliyi-likehttp://adnanoktar.az/az/Məqalələr/260222/sosial-səbəkənin-yeni-xəstəliyi-likehttp://imgaws1.fmanager.net/Image/objects/6-makaleler/bernama_adnan_oktar_living_for_likes_a_new_pressure_on_the_society2.jpgSat, 21 Oct 2017 22:56:31 +0300
Peyğəmbərimizin (səv) dünyaya miras qoyduğu məktubları

Bizans imperatoru I İrakli, Sasani padşahı I Xosrov, Misir kralı Mukavkis, xristian ərəblərin kralı Haşim b. Əbi Şimr, Bizans və Həbəşistan hökmdarları, İskəndəriyyə hökmdarı, Qassan kralı Şəmir əl-Qassani, Yəmamə hökmdarı Hevzə Əli, Həbəşistan Nəcaşisi Əshəmə... Hamısı bir vaxtlar Peyğəmbərimizin (səv) İslama dəvət edən o möhtəşəm məktublarını aparan elçilərlə qarşılaşdılar.
 
Allah Peyğəmbərimizə (səv) Quranın mesajını təkcə ərəblərə deyil, bütün bəşəriyyətə təbliğ etmək vəzifəsi vermişdi. Bu səbəbdən Peyğəmbərimiz hicrətin yeddinci ilində kral və hökmdarlarla yanaşı xristian, yəhudi və məcusi icmalara da İslama dəvət məktubları göndərmişdi. Allah Quran ayəsində Peyğəmbərimizin bütün bəşəriyyətə göndərildiyini bu şəkildə bildirir:

De: “Ey insanlar! Mən Allahın sizin hamınıza göndərilmiş peyğəmbəriyəm. (O Allah ki) göylərin və yerin hökmü Onundur, Ondan başqa heç bir tanrı yoxdur. O dirildir və öldürür. Buna görə də Allah, eləcə də Onun Allaha və Allahın sözlərinə inanan və ümmi peyğəmbər olan Rəsuluna iman gətirin və ona tabe olun ki, doğru yolu tapa biləsiniz!” (Əraf surəsi, 158)

Peyğəmbərimiz Xudeybiyə sülhündən sonra İslamı bütün dünyaya yaymaq üçün nurlu əlləri ilə hikmətli sözləri - "İslama dəvət" məktublarını hazırlamış və bunları həmin dövrün krallarına, hökmdarlarına, başçılarına göndərməyə qərar vermişdi. Bir gün səhabələri yanına çağıraraq "Allah məni bütün insanlara rəhmət olaraq göndərib. İslamı yaymaqda mənə kömək edin!" [1] – deyə buyurmuşdu. Peyğəmbərimizin bu istəyi dərhal yerinə yetirilmiş və getdikləri ölkələrin dilini bilən səhabələrə o möhtəşəm məktubları aparmaq vəzifəsi tapşırılmışdı.
 
Peyğəmbərimiz (səv) göndərdiyi bütün məktublara onların xüsusi və önəmli olduğunu bildirmək üçün möhür vururdu. Üzərində "Allah Rəsulu Muhamməd" yazılmış gümüş üzüklə bütün məktubları möhürləyərək göndərirdi. Bu üzük Peyğəmbərimizin (səv) vəfatına qədər onun nurlu, pak əllərində qaldı. Vəfatından sonra növbə ilə üzüyü hz. Əbu Bəkr, hz. Ömər və hz. Osman əmanət aldılar.

Peyğəmbərimiz 610-cu ildə ilahi təbliğ vəzifəsinə başladıqdan beş il sonra məkkəli müşriklərin təzyiq, təhdid, ticari məhdudiyyət və hücumlarına görə səhabələrinin bir qismini iki müxtəlif karvanla bir il fasilə ilə Həbəşistana göndərdi. İkinci karvanda Peyğəmbərimizin (səv) qardaşı oğlu Cəfər ibn Əbu Talib də vardı. Cəfər özü ilə Peyğəmbərimizin (səv) Nəcaşi yazdığı möhürlü İslama dəvət məktubunu da aparmışdı. "Rəhman və Rəhim olan Allahın adı ilə" məktubuna başlayan Peyğəmbərimiz (səv) bunları yazırdı:
 
 "Allah Rəsulu Muhəmməddən Həbəşistan nəcaşisi Əshəməyə,Özündən başqa İlah olmayan həqiqi Hökmdar, müqəddəs, salam, qoruyucu, xilaskar olan Allahın tərifini sənə çatdırıram. Təsdiq edib şəhadət edirəm ki, Məryəm oğlu İsa Allahın Ruhu və Kəlməsidir. O, toxunulmamış Məryəmə nəsib edilmişdir. Beləliklə, Məryəm İsaya hamilə qalmış, Allah Təala da Ruh və Nəfəsindən olmaqla Adəmi necə yaradıbsa, onu da elə yaratmışdır. Səni Tək olan və Bənzəri olmayan Allaha çağırıram. Ona itaət məsələsində qarşılıqlı köməyə çağırıram. Məni izlə, mənə tabe ol və mənə gələnə iman gətir. Mən Allahın Rəsuluyam. Bu səbəbdən səni və ətrafında olan əsgərlərini Allaha iman gətirməyə dəvət edirəm. Nəsihət və sözlərim sizə çatdıqda qəbul etməyinizi tövsiyə edirəm. Əmi tərəfindən qardaş oğlum olan Cəfəri yanında az sayda müsəlman qrupu ilə birgə sənin yanına gəlməsi üçün yola salıram. Salam həqiqi hidayət yolu üzərində olanlara olsun".

Nəcaşi Peyğəmbərimizin Allahı ucaldan və İsa peyğəmbərə tərif dolu sözlərin olduğu bu məktubdan çox təsirlənmiş və ona sığınan müsəlmanların təhlükəsiz şəraitdə ölkəsində yaşamalarına icazə vermişdir. Ancaq bu zaman müşriklərin qəzəbi Məkkədə artmış və onlar Nəcaşiyə hədiyyələrlə nümayəndə heyəti göndərərək müsəlmanların oradan çıxarılmalarını istəmişlər. Hz.Muhəmmədin (səv) sözlərindən çox təsirlənən Nəcaşi Əshəmə müşriklərin bu sözlərinə heç əhəmiyyət verməmiş və Rəsulullahın qardaşı oğlu Cəfəri sarayına çağırıb görüşmüşdür. Cəfər ibn Əbu Talib Nəcaşiyə Allahın içlərindən birini elçi seçib göndərənə qədər cahillərdən olduqlarını, Allaha iman gətirməyi, namaz, oruc, zəkat ibadətlərini, qadınlar haqqında pis danışmamağı, yetimin haqqını qorumağı, əmanətə xəyanət etməməyi hz.Muhəmməddən (səv) öyrəndiklərini izah edir. Sonra Nəcaşinin istəyi ilə Quranda hz. İsa və hz. Yəhyanın doğulması ilə bağlı ayələrin olduğu "Məryəm" surəsini oxuyur. Nəcaşi və yanındakı xristian din xadimləri Quran ayələrini dinləyərkən fərəhdən göz yaşlarını saxlaya bilməmişlər. Nəcaşi Quran ayələrinin İncil və Tövratdakı izahlarla eyni olduğunu eşitdikdə məkkəli müşrikləri hədiyyələri ilə birlikdə geri göndərmişdir. Peyğəmbərimizin (səv) İslama dəvət məktubunu alan, "Məryəm" surəsini dinləyən Nəcaşi ətrafındakı din xadimləri ilə birlikdə İslamı qəbul etmişdir. Daha sonra oğlunun vasitəsilə Peyğəmbərimizə (səv) bir məktub göndərərək İslamı qəbul etdiyini bildirərək hz.Muhəmmədə (səv) olan sevgi və hörmətini bu sözlərlə dilə gətirmişdir: "Kaş bu səltənətə bədəl olan Muhammədi Ərəbi Əleyhissalatu Vəssəlamın xidmətçisi olsa idim! O, xidmət səltənətin fövqündədir ". [2] Nəcaşi vəfat etdikdə Peyğəmbərimiz (səv) Mədinədə qiyabi cənazə namazını qıldırmışdır.

Peyğəmbərimizdən (səv) dəyərli əmanət olaraq qorunan bu məktublarda biz müsəlmanlar üçün çox önəmli mesajlar vardır. Peyğəmbərimiz (səv) bu məktublarında Kitab Əhlinə və əcnəbilərə dostyana, sevgi dolu, qoruyucu, İslamın gözəl əxlaqını ən gözəl şəkildə izah edən bir üslubla müraciət etmişdir. Ayrı-seçkiliyin, əcnəbi nifrətinin, irqçiliyin, məzhəbçiliyin zirvə nöqtəsinə çatdığı dövrümüzdə Peyğəmbərimizin bu məktubları dünya səviyyəsində dərs mahiyyətindədir. 

Müsəlman dünyasında bəzi təbəqələrin Kitab Əhlini təcrid etməsi, xristian dünyasında isə sürətlə artan islamofobiya cərəyanına görə müsəlmanlar çətin vəziyyətdədirlər. Müsəlmanlar Allahın "...Kitab Əhli ilə ən gözəl tərzdə mübarizə aparın" (Ənkəbut surəsi, 46) əmrinə uyğun olaraq bu vəziyyəti bərpa etməlidirlər. Allahın bu əmri yerinə yetirildiyi təqdirdə Qərb dünyasında ifrat müsəlman əleyhdarlığına da Allahın izni ilə son qoyulacaqdır. Yetər ki, biz Qurana və Peyğəmbərimizin (səv) o gözəl nəsihətlərinə əməl edək.

[1] İbn Hişam, Sîre, cild. 4, səh. 254.
[2] Mektubat, səh. 174


Adnan Oktarın “Arab Times”da yayımlanan məqaləsi:
https://www.arabtimesonline.com/news/prophets-world-heritage-letters/

]]>
http://adnanoktar.az/az/Məqalələr/259528/peygəmbərimizin-(səv)-dunyaya-miras-qoyduguhttp://adnanoktar.az/az/Məqalələr/259528/peygəmbərimizin-(səv)-dunyaya-miras-qoyduguhttp://imgaws1.fmanager.net/Image/objects/6-makaleler/arab_times_adnan_oktar_our_Prophet_s_world_heritage_letters2.jpgSun, 15 Oct 2017 23:13:42 +0300
BMT-nin düyününü açmaqI Dünya Müharibəsindən sonra bütün dünyanı əhatə edən yeni müharibənin qarşısını almaq üçün Millətlər Cəmiyyəti quruldu və hər ölkədən bir nümayəndə təmsil olundu. Cəmiyyətin nizamnaməsinin 22-ci maddəsi “müharibədən sonra müstəqillik əldə edən və özünü idarə etmək iqtidarında olmayan xalqların yaşadıqları ölkələrə özlərini idarə edə biləcək səviyyəyə gələnə qədər Cəmiyyət adından mandator təyin olunması” qaydasını leqallaşdırdı. Bu, xoşniyyətli yardım kimi təqdim edilsə də, “gücsüz” ölkələrin istismarı üçün verilmiş ilk qanuni qərar idi.
Millətlər Cəmiyyətinin səriştəsizliyini görmək üçün çox deyil, 19 il keçməsi kifayət idi. II Dünya Müharibəsi kimi böyük müharibənin olması nəinki Cəmiyyəti dağıtdı, yürüdülən siyasətin də yanlış olduğunu göstərdi. 53 milyon insanın həyatını itirdiyi II Dünya Müharibəsindən sonra daha əsaslı birlik qurmaq lazım idi. Birləşmiş Millətlər Cəmiyyəti məhz bu zərurətdən yaranmışdı.


Millətlərin sülh üçün bir dam altında toplaşması daima təqdir edəcəyimiz və dəstəkləyəcəyimiz təşəbbüsdür. İttifaq qarışıqlığın yaranmasının qarşısını almaqla yanaşı, eyni zamanda dövlətləri müəyyən qanunlar çərçivəsinə salır və bu qanunlara tabe edir.


Lakin böyük məqsəd naminə qurulmuş BMT kimi bir qurum öhdəsinə götürdüyü vəzifələri yerinə yetirmək üçün formalaşdırdığı bürokratiyaya məhkum olmamalıdır. Aşıla bilməyən sərhədlər, qəbul edilə bilməyən qərarlar, həll edilə bilməyən müharibələr BMT-nin bu gün öhdəsinə götürdüyü vəzifələri həyata keçirməsinə əngəl olur. Bu birliyin qurulması, bəlkə də, III Dünya müharibəsinin qarşısını almışdır, lakin hazırda dünya regional müharibə burulğanının içərisindədir. BMT sülhməramlı qüvvələri isə ayrı-ayrı bölgələr üzərində və qismən qazanılmış uğurlardan başqa bu mövzuda heç nə edə bilmir.


BMT-nin beynəlxalq münaqişələrə müdaxiləsi adətən silahlı toqquşmaların başlamasından sonra olur və lazımi sülh şəraiti təmin edilə bilmir. Yaxın Şərq münaqişələri eyni tempdə davam edir. BMT çərçivəsində həll edilməyə çalışılan məsələlər daim bürokratik əngəllərlə qarşılaşır. BMT Təhlükəsizlik Şurası 9 il sonra ilk dəfə bu il sentyabr ayında “Myanma ordusunu qınama” məsələsində ortaq qərar qəbul edə bildi. Bu qınama isə nə Arakan müsəlmanlarına həll yolu gətirdi, nə də mövcud qətliamları dayandırdı. Dünya sülhü üçün birləşmiş belə bir önəmli qurum üçün bu, çox acınacaqlı haldır.


Bu il BMT-nin Baş Assambleyasının 72-ci sessiyasında iştirak edən 193 üzv ölkənin liderləri BMT-nin 1945-ci ildə qurulduğunu və artıq dövrümüzün tələblərini ödəmədiyini bildirərək islahatların həyata keçirilməsini tələb etdilər. İslahat mövzusunu ən çox dilə gətirən ABŞ prezidenti Donald Tramp 2000-ci ildən etibarən BMT-nin büdcəsində 140%, işçi qüvvəsində isə iki dəfə artım olmasına baxmayaraq, son illərdə BMT-nin bürokratiya və yanlış idarəçiliyə görə öz potensialına tam olaraq çata bilmədiyini qeyd etdi.

BMT-nin Baş Katibi Antoniu Quterreş isə: “Gecələr yuxumu qaçırdan tək şey bürokratiyadır”, – deyərək BMT-nin düşdüyü bu çıxılmaz vəziyyətlə bağlı fikrini bildirdi.


Türkiyə prezidenti Rəcəb Tayyib Ərdoğan isə BMT-də islahatlara olan tələbi bu sözlərlə dilə gətirdi: “Biz Təhlükəsizlik Şurasının eyni hüquq və səlahiyyətlərə malik olan 20 ölkədən ibarət olmasını təklif edirik. Artıq II Dünya Müharibəsindən sonrakı dünya yoxdur. Bütün dünya ölkələrinin vəzifələndirildiyi bir BMT Təhlükəsizlik Şurasının bəşəriyyətin vicdanı olacağına ümid edirik”.


Braziliya dövlət başçısı Mişel Temer də “Bu gün BMT-yə hər zamankindən daha çox ehtiyacımız var. Lakin hələ də islahatlar gərəkdir”, – deyərək BMT Təhlükəsizlik Şurasının genişləndirilməsini tələb etdi. 


Təhlükəsizlik Şurasındakı 5 üzvün veto hüququ dünyadakı müharibə məsələlərində qərarların qəbul edilməsinin qarşısını alır, həmçinin BMT-nin qurulma şərtləri, yəni öz bürokratiyası özünü yeniləməsinə icazə vermir. Müharibələrin qaçılmaz nəticəsi olan qaçqınlar isə BMT-nin köklü şəkildə həll edə bilmədiyi böyük problemlərdən sadəcə biridir. Bəzi dövlət başçıları Türkiyə, Livan kimi qapılarını qaçqınlara açan dövlətləri təbrik etməklə kifayətlənir, lakin BMT-nin bu mövzuda qərar qəbul etməməsi ilə bağlı heç nə edə bilmirlər. BMT hazırda milyonlarla dollar investisiya qoyulan, amma öz qaydalarının içində dolaşıb qalan bir düyünə çevrilib.


İllərdir gündəmə gələn və BMT-nin sülhməramlı qüvvələri haqqında çıxan bəzi utancverici ittihamlar humanitar müdaxilələrə olan inamla bağlı əsaslı şübhələr meydana gətirmişdir. Bu ilin sentyabr ayında İsveçin təklifi ilə Nyu-Yorkda baş tutan iclasda 75 ölkə BMT daxilində fəaliyyət göstərən əsgər və mülki şəxslərin qadın və uşaqlara qarşı cinsi istismarının qarşısını almaq üçün saziş imzaladı. İsveçin xarici işlər naziri Marqot Vallström saziş imzalandıqdan sonra “Bir cinsi təcavüz hadisəsi bütün BMT-ni qaralamaq üçün kifayətdir”, – deyə bildirdi.
Müharibələrin əksik olmadığı bu dövrdə, bəlkə də, ən aciz vəziyyət millətlərin öz qaydaları içində “divara sıxışmalarıdır”. Dünya üçün ümid olan BMT-nin belə bir bürokratiya içində qalması, bu quruma üzv olan böyük millətlərin daima islahatdan bəhs edib bu mövzuda heç bir addım atmamaları böyük problemdir. Dövlətlərin tarixi gedişatına görə konstitusiyalara düzəliş və əlavələr edildiyi kimi, BMT nizamnaməsi də eyni tənzimlənməyə möhtacdır. Bu, mümkün və zəruridir. Veto hüququnun aradan qalxması, problemli bölgələr üçün region ölkələrinin qərarına üstünlük verilməsi və soyqırm şübhəsi sübut edildikdə buna qarşı operativ və effektiv tədbirlər görülməsi BMT nizamnaməsində dəyişdirilməli olan əsas məsələlərdir. Bununla yanaşı, BMT-nin adını ləkələyəcək heç bir hadisənin baş verməməsi üçün təcili tədbir görülməsi şərtdir. Bunun üçün BMT-nin sülhməramlı qüvvələrinin xüsusi təlim alması və bu mövzuda çəkindirici cəzalarla qarşılaşacaqlarını bilmələri önəmlidir.
Dünya BMT kimi qlobal sülhü təmin edəcək ittifaqa möhtacdır. Hazırda belə bir qurum varkən onun təsir gücünü artırmaq bizim əlimizdədir.


Adnan Oktarın “The Jakarta Post”da yayımlanan məqaləsi:
http://www.thejakartapost.com/news/2017/10/04/loosening-un-s-neck-tie-and-its-impasse.html

]]>
http://adnanoktar.az/az/Məqalələr/259512/bmt-nin-duyununu-acmaqhttp://adnanoktar.az/az/Məqalələr/259512/bmt-nin-duyununu-acmaqhttp://imgaws1.fmanager.net/Image/objects/6-makaleler/jakarta_post_adnan_oktar_loosening_the_UNs_neck_tie_and_its_impasse_2.jpgSun, 15 Oct 2017 22:16:18 +0300
Hər üç dinin mənsubları yenidən dost kimi yaşaya bilərlər

Avropada və Amerikada yaşayan insanların bir çoxu İslam Peyğəmbərinin gözəl əxlaqından, hər təbəqə və hər dindən insanlara şəfqətlə davranan lider olduğundan xəbərsizdir. Hətta bir çox müsəlman da bu mövzuda yanılır. Bəzi müsəlman ölkələrində xristian və musəvilər əleyhinə zorakı fikirlərin səslənməsi də bu yanlış anlayışın sürətlə yayılmasına səbəb olur.

Qurani-kərimdəki ayələr və bəzi tarixi həqiqətlər isə göstərir ki, İslam Peyğəmbəri xristian və musəvilərə hər zaman ədalətlə, mərhəmətlə davranmış, eləcə də bu dinlərin nümayəndələri ilə müsəlmanlar arasında sevgi və dostluq mühiti yaratmağa çalışmışdır. Bunun ən böyük sübutu peyğəmbərliyi dövründə hz.Muhəmmədin (səv) xristian və musəvilərə dinlərini istədikləri kimi yaşamalarına icazə verməsidir. Bundan əlavə, Peyğəmbərimiz kitab əhli ilə sazişlər bağlayaraq onların muxtar icma kimi yaşamalarına təminat vermişdir.

Müsəlmanlarla xristianlar arasında ilk münasibət inam və etibar əsasında qurulmuşdur. İslamın ilk illərində müsəlmanlar məkkəli bütpərəstlərin işgəncə və təzyiqlərinə məruz qalmış, buna görə də hz.Muhəmmədin (səv) tövsiyəsi ilə Həbəşistanın xristian kralı Nəcaşiyə sığınmışlar. Nəcaşi müsəlmanları qorumuş və onları bütpərəstlərə təslim etməmişdir.
 
Bu hadisədən sonra bütpərəstlər müsəlmanlara təzyiqi daha da artırmışlar. Buna görə də müsəlmanlar Məkkədən Mədinəyə hicrət etmiş və musəvilərlə birgə həyat sürmüşlər. Onların musəvilərlə birgə həyat tərzi sonrakı nəsillərə nümunə olmuşdur. Peyğəmbərimiz:

Xristian və musəvilərin toylarında iştirak etmiş, xəstələrini ziyarət etmiş, onun yanına gəldiklərində isə onlara süfrə açmışdır.
Nəcran xristianları onun yanına gəldikdə üzərinə oturmaları üçün öz əbasını yerə sərmişdir.
Nəcran xristianlarına ibadət etmələri üçün Mədinədəki məscidi açmışdır.
Xristian və musəvi qadınlarla evlənmiş, onlardan uşaqları olmuşdur.
Müsəlmanların Evs və Həzrəc qəbilələri ilə bağladığı Mədinə müqaviləsinə musəvilərin də qoşulmasına icazə vermiş və onların da müsəlmanların arasında ayrıca dini qrup kimi varlıqlarını davam etdirmələrini təmin etmişdir.

Mədinə müqaviləsinin "Bəni Avf musəviləri inananlarla birlikdə bir xalq oldular. Musəvilərin dini özlərinə, müsəlmanların da dini özlərinədir" bəndinə uyğun olaraq müsəlmanların musəvilərin ənənə və inanclarına tolerant münasibətinin əsası Peyğəmbərimizin dövründə (səv) qoyulmuşdur. Eyni müqavilənin 26-33-cü maddələrində "Əhli kitabın müsəlmanlarla eyni hüquqlara malik olduqları", 16-cı maddədə isə "onlara haqsızlıq edilməyəcəyi" bildirilir.

Peyğəmbərimiz xristian olan İbn Harris b. Kab və onun din yoldaşlarına yazdırdığı müqavilə mətnində: "Şərqdə və Qərbdə yaşayan bütün xristianların dinləri, kilsələri, canları, namusları və malları Allahın, Peyğəmbərin və bütün möminlərin himayəsindədir. Xristianlardan heç kim İslamı qəbul etməyə məcbur edilməyəcəkdir. Xristianlardan biri hər hansı bir cinayətə və ya haqsızlığa məruz qalsa, müsəlmanlar ona kömək etməlidirlər" maddələrini yazdırdıqdan sonra “… onlarla ən gözəl tərzdə mücadilə edin! Və belə deyin: 'Biz həm özümüzə nazil olana, həm də sizə nazil olana inanırıq. Bizim də Allahımız, sizin də Allahınız birdir. Biz yalnız ona təslim olanlarıq! (Ənkəbut surəsi, 46) ayəsini oxumuşdur.

Bu anlayış İslam Peyğəmbərinin vəfatından sonra da davam etdirilmişdir. İslamın yayıldığı dövrlərdə də Ərəbistandakı musəvi və xristian icmalarına ibadətlərini  yerinə yetirmələri və öz hüquqlarını həyata keçirmələrində azadlıq verilmişdir. Hz. Muhəmməddən (səv) sonra gələn  Xəlifələr dövründə dağıdılmış kilsələr müsəlmanlar tərəfindən bərpa olunmuş, İslam torpaqlarında yeni sinaqoqların və monastırların tikilməsinə şərait yaradılmışdır. Məsələn, patriarx Mar Ammə tərəfindən daha əvvəl yandırılmış Əziz Sercius Monastırı hz. Osman dövründə yenidən inşa edilmişdir.

Bütün bunlar dəlillərlə sübut olunan tarixi həqiqətlərdir. Ancaq dövrümüzdə bir çox ölkədə xristian və musəvilərlə eyni şəhərdə, hətta eyni ölkədə yaşaya bilməyən xurafatçı İslam anlayışını görürük. Yaxın Şərq və Avropa da daxil olmaqla bir çox yerdə ibadətgahlara hücum edilir, insanlar öldürülür. Bu təcavüzkar mövqe Quranda olmayan, xurafatlara əsaslanan fanatik qruplara xasdır.

Müsəlmanların müqəddəs kitabında sevgiyə, sülhə, tolerantlığa və ədalətə əsaslanan cəmiyyət modeli təsvir edilir. Məsələn, “Maidə” surəsində musəvilərə endirilən Tövratın insanlar üçün yol göstərici olduğu belə bildirilir:

Şübhəsiz ki, Tövratı da Biz nazil etdik. Onda haqq yol və nur vardır. (Allaha) təslim olan peyğəmbərlər yəhudilər arasında onunla, din alimləri və fəqihlər isə kitabdan qorunub saxlanılanlarla (Tövratdan ələ gəlib çatan ayələrlə) hökm edərdilər… ( Maidə surəsi, 44 )
 
     
Üç dinin mənsubları arasında daimi sülhün yaranması xurafatın aradan qaldırılması ilə mümkündür. Bunun üçün haqq dinlərə, din əxlaqına, dindarlara və Qurana ehtiyac var. Torpaq və ya ideologiyaya görə baş verən qarşıdurmalar həmişə böyüyüb dəhşətli vəziyyətə gəlib çıxır. Bunun qarşısını almaq, əlbəttə ki, mümkündür. Bunun üçün bütün müsəlmanlar Qurana əsaslanan maarifləndirmə fəaliyyətinə başlamalıdırlar. Bu zaman dinlərin sülh şəraitində yaşamağı tələb etdiyini vurğulamaq vacibdir. Belə bir maarifləndirmə xurafatın səbəb olduğu düşmənçiliyi aradan qaldıracaq, Quranla maariflənən insanlar isə başqa bir dinə düşmənçilik etmək və ya müharibə aparmaq üçün əsas tapmayacaqlar.


Adnan Oktarın “New Straits Times”da yayımlanan məqaləsi:
https://www.nst.com.my/opinion/columnists/2017/09/275259/equal-treatment-three-religions-can-co-exist-peacefully-again

 

]]>
http://adnanoktar.az/az/Məqalələr/259511/hər-uc-dinin-mənsublari-yenidənhttp://adnanoktar.az/az/Məqalələr/259511/hər-uc-dinin-mənsublari-yenidənhttp://imgaws1.fmanager.net/Image/objects/6-makaleler/new_straits_times_adnan_oktar_three_religions_can_co_exist_peacefully_again2.jpgSun, 15 Oct 2017 22:13:29 +0300
Afrika fəlakətlərlə xatırlanmağa layiq deyil

Nəhəng qitə olan Afrikanın səhralarından meşələrinə qədər zəngin təbiəti var. Dünyanın heç bir yerində görə bilməyəcəyiniz canlılar, müxtəlif növ meyvələr, zəngin yeraltı ehtiyatlar və bərəkət qaynağı olan böyük çaylar hamısı bu qitədədir. 


Buna baxmayaraq (təbiətlə bağlı bəzi sənədli filmləri çıxmaq şərtilə), Afrika həmişə fəlakət xəbərləri ilə dünya gündəminə gəlir. Bu “qara qitə”nin adı ancaq terror aktları, çevrilişlər, insan hüquqlarının pozulması, qaçqınlar, təbii fəlakətlər və aclıqla bağlı xəbərlərdə hallanır. 
Həmin xəbərlərin birində Çad gölü bölgəsində 800 min uşağın normal qidalanmadığı bildirilir. Xəbərdə verilən məlumatlara əsasən, Çad gölü bölgəsində 5 yaşından aşağı təqribən 800 min uşaq normal qidalanmır. Bunlardan 450 mini Nigeriyada, 247 mini Nigerdə, 63 mini Kamerunda, 22 mini isə Çadda yaşayır. 


Bölgədəki geniş ərazilərə hələ də humanitar yardım çatdırıla bilmir. 2017-ci ildə bu böhranın həlli üçün lazım olan 2,2 milyard dolların 57%-i hələ də ehtiyac sahiblərinə çatdırılmayıb. Bölgədəki ölkələr quraqlıq və aclıqla yanaşı, Boko Haram kimi terror təşkilatlarının hücumlarına qarşı da mübarizə aparırlar.  


Başqa bir xəbərdə isə maaşlarının vaxtında ödənilməməsi, ağır iş şəraiti və səhiyyə sektoruna pul ayrılmaması ilə əlaqədar Nigeriyada həkimlərin tətilə çıxmaq qərarına gəldikləri bildirilir. 


Dünya gündəmində heç vaxt yer almayan xəbərlər də var. Məsələn, təxminən 12 milyon əhalisi olan Cənubi Sudanda 4 milyon insan vətəndaş müharibəsi nəticəsində evlərini tərk etmək məcburiyyətində qalıb. Qaçqınların yarıdan çoxu uşaqlardır. Bölgədə gedən döyüşlərə görə qida çatışmazlığı və yoluxucu xəstəliklər get-gedə daha da çox yayılır. BMT-nin Humanitar Məsələlər üzrə Əlaqələndirmə İdarəsi (OCHA) ötən ay yayımladığı humanitar yardım bülletenində malyariya xəstəliyinin fevral ayından etibarən 4 mindən çox insanın ölümünə səbəb olduğunu açıqladı. 


Əslində bir çox ölkə və beynəlxalq qurum Afrikada baş verən fəlakətlərin qarşısını almaq üçün çalışır. Lakin yaşananlara nəzər saldıqda açıq-aydın görürük ki, bu yardımlar problemləri həll etmək üçün yetərli deyil. Belə bir məqamda problemlərin həll edilə bilməməsinin səbəblərini iki əsas qrupa ayırmaq olar. Birincisi, Afrikadakı prosesləri izləyən hər kəsin fərqində olduğu kimi, yardımların mahiyyəti ilə bağlı səbəblərdir. Əhalinin böyük əksəriyyəti edilən yardımların miqdarının, çatdırıldığı yerlərin və bölgüsünün yetərli olmadığından şikayət edir.  Məsələn, kənd təsərrüfatı ilə məşğul olmağın mümkün olmadığı bir bölgədə insanlarının məskunlaşmasının artması və bu insanların sayına uyğun yardımın göstərilməməsi tez-tez rast gəlinən haldır. 


Məsələn, Somalidə aclıq probleminin yaranmasının əsas səbəbi su qıtlığı və vətəndaş müharibəsidir. Lakin ölkənin yeraltı ehtiyatlarında yerin üstündəkindən demək olar ki, 100 dəfə çox su potensialı var. Somali sanki yeraltı çaylar ölkəsidir. Burada su quyuları qazmaqla kənd təsərrüfatı ilə məşğul olmaq mümkündür. Bunun üçün isə bölgədə qazıntı təchizatları təmin edilməli və kənd təsərrüfatı yaxşı planlaşdırılmalıdır. Türkiyə artıq Somalidə bu istiqamətdə iş aparır. 


BMT-nin himayəsi, Afrika Birliyinin də dəstəyi ilə yaradılan, vahid mərkəzdən idarə edilən yardım təşkilatları ilə bu problemi aradan qaldırmaq mümkündür. Bu cür geniş miqyaslı sistem yardımların siyasi mahiyyətli olmasının da qarşısını ala bilər. Belə ki, iki lider, iki etnik qrup, ya da iki fərqli dinin mənsubları arasında qarşıdurma baş verdiyi zaman qərb ölkələri adətən özlərinə yaxın gördüklərinə yardım etməyi üstün tuturlar. Bunun qarşısını almaq üçün bütün yardımlar bir yerdə cəmlənməli, ehtiyacların davamlı olaraq ödənilməsinə xidmət etməli və bölgələrdə təmsilçiləri, nəzarətçiləri olan vahid mərkəzdən idarə edilməlidir. 


Xarici təşkilatlar və ya dövlətlər bölgəyə yardım vəzifəsini davam etdirə bilməlidirlər, lakin bu yardımlara nəzarət  və yoxlama məsələləri gələcəkdə qurulan, mərkəzdən idarə olunan və heç bir quruma tabeçiliyi olmayan təşkilatlara həvalə edilməlidir. Belə bir təşkilatın BMT üzvləri tərəfindən yoxlanıla bilməsi yardımların tərəfsizliyini təmin edə bilər. Humanitar yardım təşkilatlarında müxtəlif siyasi ünsürlərin veto hüququ kimi əlavə imtiyazlarının olmaması vacibdir. Bu təmin edildiyi təqdirdə, maneələrin və ya siyasi sui-istifadə hallarının baş vermə ehtimalı daha az olacaq. 


Şübhəsiz ki, Afrikadakı fəlakətlərin heç də hamısı təbii fəlakətlər deyil. Bir çoxunun mənbəyi yerli qarşıdurmalardır. Məsələn, Cənubi Sudanda qaçqınların aclıqdan əziyyət çəkməsi və xəstəliklərlə boğuşmasının səbəbi əslində quraqlıqla əlaqədar deyil. 


Ümumdünya Ərzaq Proqramı Əlaqələndiricisi Coys Luma (Joyce Luma) “bu qıtlığın qaynağının insan olduğunu” açıq şəkildə dilə gətirənlərdən biridir. Bölgədəki əhalinin demək olar ki, hamısı fermerdir və burada cərəyan edən qarşıdurmalar səbəbindən fermerlər ölkəni tərk etmək məcburiyyətində qalırlar. Bu zaman insanlar tapa bildikləri bitkilər və tuta bildikləri balıqlarla aylarla yaşamağa çalışırlar. 


Bu insanlar BMT tərəfindən təhlükəsizliyin təmin olunan bölgələrdə məskunlaşdırıla, balıqçılıq və ya heyvandarlıqla məşğul olmaları üçün lazımi şəkildə təchiz edilə bilərlər. Bölgədə hal-hazırda qoyunlara və keçilərə peyvənd etməklə ev heyvanı ölümlərinin qarşısının alınması üzrə layihənin həyata keçirilməsi davam etdirilir. Lakin hansı yardım edilirsə edilsin, sülh və təhlükəsizliyin olmadığı bir yerdə yardımlar yetərli olmayacaq. 


Afrikadakı insanlıq faciəsinin əsl səbəbinin burada öz mənfəətlərini güdən müxtəlif dairələrin güc və təbii sərvət əldə etmə cəhdi olduğunu unutmamalıyıq. Bu mənfəət ehtirasının qarşısı alındığı təqdirdə Afrika yardıma möhtac ölkə olmaqdan qurtulub dünyanın bir nömrəli humanitar yardım mərkəzinə çevriləcək. Bunun həyata keçməsi üçün mənfəət güdən dairələrə qarşı yaxşı insanlar ittifaq etməlidirlər. Mənfəətpərəstlərin məzlum insanları istismar etmə ehtirasını ancaq bu yolla dayandırmaq olar.


Adnan Oktarın “American Herald Tribune”də (Amerika) yayımlanan məqaləsi:
https://ahtribune.com/world/africa/1934-unlocking-africa-potential.html

 

]]>
http://adnanoktar.az/az/Məqalələr/259510/afrika-fəlakətlərlə-xatirlanmaga-layiq-deyilhttp://adnanoktar.az/az/Məqalələr/259510/afrika-fəlakətlərlə-xatirlanmaga-layiq-deyilhttp://imgaws1.fmanager.net/Image/objects/6-makaleler/american_herald_tribune_adnan_oktar_unlocking_africas_potential_2.jpgSun, 15 Oct 2017 22:10:42 +0300
Hindistan – Pakistan əlaqələrində sülhə gedən yol

Bernard Luis (Bernard Lewis) 1992-ci ildə “Balkanisations of Middle East” tezisini irəli sürdüyü zaman1, XX əsrdə dünyanı yönləndirmiş bu cərəyanın yeni əsrdə də təsirli olacağını qabaqcadan güman edirdi. Ötən əsrdə radikal milliyyətçi cərəyanların ölkələri, millətləri, bölgələri böldüyü bir dövr olaraq tarixə düşdü. Hər bir insanın öz millətini sevməsi və qorumaq istəməsi təbiidir, lakin başqa bir xalqa yaşamaq haqqı tanımayan, onu əzərək güclənməyi əsas götürən radikal milliyyətçilik dünyaya çox əzablar verdi. Orta Avropa bir çox kiçik dövlətlərə bölündü, Balkan yarımadasında yeni sərhədlər yarandı, Ərəbistan yarımadasının xəritəsi dəyişdi, Sovet İttifaqı onlarla yeni dövlətlərə bölündü. Afrika, Cənubi Amerika, Uzaq Şərqi Asiya da bu yeni dünya xəritəsindən payını aldı. Əsrin əvvəlində dünyada 77 ölkə var idisə, əsrin sonunda bu rəqəm 200-ə çatdı.2


Bu bölünmələrin böyük hissəsi qanlı dövrü əhatə edir. 500 il boyunca birlikdə yaşayan Balkan xalqları bir-birinə düşmən oldu. Milyonlarla günahsız insan həyatını itirdi, əksəriyyəti isə yerini-yurdunu tərk etmək məcburiyyətində qaldı. Orta Avropa bölündüyü zaman II Dünya Müharibəsinin əsası qoyuldu. Asiyada, Afrikada bölünmələr nəticəsində vətəndaş müharibələri, yerli qarşıdurmalar əskik olmadı. Bu döyüş bölgələrinin bir çoxunda müharibə lordları hakim oldu. Kütləvi qətliamlar və soyqırımlar bir-birini izlədi. Separatizm milyonlarla insanın canını aldı. 


Dünyanın siyasi xəritəsinin bu qədər çox dəyişməsi bir çox problemin yaranmasına gətirib çıxardı. Əvvəlcə, uzun müddət birlikdə yaşayan qardaş xalqlar arasına on illərlə davam edən nifrət toxumları əkildi. Bu bölünmələrin ardınca isə böyük  köçlər başladı, milyonlarla qadın, uşaq, yaşlı öz yurdlarını tərk etdi. Başqa bir mühüm məsələ isə heç cür həll edilə bilməyən sərhəd münaqişələri oldu. Tarixi, coğrafi və ya sosial keçmişi olmayan süni sərhədlər bəzən ölkələri müharibəyə sürükləyən konflikt mövzuları oldu. 


Hindistan yarımadasında da dünyanın bir çox regionunda baş verənlərin oxşarı oldu. Hazırda münaqişə ocağı kimi bilinən Benqal bölgəsi 300 il bundan əvvəl dünyanın ən zəngin regionlarından biri idi. 90 milyard ABŞ dolları həcmində iqtisadi dövriyyəsi, 150 milyon əhalisi var idi. Bu rəqəmlər dünya üzrə ümumi milli məhsulun 20%-i və əhalinin 25-%-i demək idi. Tac Mahal kimi zənginlik simvolu olan bir çox memarlıq abidəsini ehtiva edən mədəniyyət anlayışı hakim idi.  Babur imperiyası bölgəyə əmin-amanlıq, sülh və zənginlik gətirmişdi.3


XVIII əsrdə imperiya kiçik dövlətlərə bölünərək parçalandı. Bir əsr bundan əvvəl bölgəyə ticarət məqsədilə gələn ingilislər burada müstəmləkə rejimi quraraq Hindistan yarımadasının sahibinə çevrildilər. Bölgə 200 il ərzində İngiltərə müstəmləkəsi oldu. Bölgənin yerli xalqı ikinci kateqoriya insan olaraq, hətta çox vaxt “mədəniləşməmiş primitiv varlıqlar” olaraq görüldü və ağlasığmaz əziyyətlərə məruz qaldı. Bu müddət ərzində yüz minlərlə hindli İngiltərə imperiyasının işğalçı müharibələrində həyatını itirdi. Yaşanan dörd böyük planlaşdırılmış qıtlıqda milyonlarla günahsız insan acından öldü. Regiondakı böyük mədəniyyətin bütün ehtiyatları müstəmləkəçilərin əlinə keçdi. 


II Dünya Müharibəsindən sonra bu böyük yarımadada daha bir bölünmə baş verdi. Ölkə müsəlmanların daha çox yaşadığı Pakistan, hinduların isə yaşadığı Hindistan olmaqla iki hissəyə  bölündü. XX əsrdəki hər parçalanma kimi Hindistanın bölünməsi də qanlı oldu. Bir milyondan çox insan həyatını itirdi. 15 milyon insan qarşılıqlı şəkildə köç etdi. Müstəqillikdən sonra ölkələr arasında üç böyük müharibə baş verdi. O dövrün İngiltərəsinin işğal etdiyi hər bölgədə olduğu kimi, bu bölgədə də qan töküldü. Həmin dövrdə Pakistandakı vətəndaş müharibəsi zamanı 3 milyon mülki şəxs həyatını itirdi. Şərqi Pakistan Banqladeş adı ilə ölkənin qərbindən ayrıldı. 


İmperialist güclər arxalarında hər zaman sonu gəlməyən münaqişə zonaları qoyub getdilər. Bu münaqişə zonaları fiziki olaraq çəkildikləri bölgələri bir növ nəzarət altında saxlama vasitəsi idi. Şimaldakı Kəşmir bölgəsində anlaşmazlıqlar bu gün hələ də davam edir. Əhalisinin əksəriyyəti müsəlman olan bu bölgə bölünmə zamanı hindulara verilmişdi. Belə bir qərarın nəticəsinin ağır və şiddətli olacağı bəlli idi. Hindistan və Pakistan Kəşmir uğrunda 1947, 1965 və 1999-cu illərdə müharibə apardılar. Döyüşləri asanlıqla dayandıra biləcək referendumun keçirilməsi isə heç cür mümkün olmadı. Bölgə bu gün şimal qonşusu Çinin də müdaxiləsi ilə defakto olaraq sanki üç yerə bölünüb. 1980-ci illərin sonunda yeni müharibə şəraiti yarandı və bu anlaşmazlıqlar nəticəsində 70 min mülki şəxs həyatını itirdi, 8 mini isə itkin düşdü. İtkin düşənlərin hər gün yenisi ortaya çıxan kütləvi məzarlıqlarda basdırıldıqları güman edilir. 


Bu böyüklükdə şiddətin özlüyündən yaranması mümkün deyil. Müharibə şəraiti ölkələrin bölünməsini planlaşdıranların ən mühüm strategiyasıdır. Bunun sayəsində qapı arxasından idarəçiliyi öz əllərində tuta bilir, silah satır, ölkələrin iqtisadiyyatına nəzarət edirlər. Ən vacibi isə ölkədən öz planlarına uyğun istifadə etməyi davam etdirirlər. Bundan isə hər zaman olduğu kimi, günahsız xalq zərər çəkir. Ölkələrin enerji ehtiyatları bitib tikənməyən müharibələrdə tələf edilir. Şiddət bölgəni əsla tərk etmir. 


Başda Kəşmir olmaqla bütün bölgəyə sülhün gəlməsi üçün mənfəətə əsaslanan ənənəvi siyasət anlayışı əvəzinə ağıllı, məqsədəuyğun və bütün xalqların birinci kateqoriya insan qəbul edildiyi mədəniyyət qurulmalıdır. Kəşmir məsələsinə gəldikdə isə Pakistanın daxil olmadığı bir sistem düşünmək həqiqətə uyğun deyil. Pakistan Hindistandan fərqli olaraq müsəlman dünyası kimi böyük bir ailənin tərkib hissəsidir və müsəlman Kəşmirin də mənəvi qoruyucusudur. Hindistan isə İslam aləminin dost və qardaş gördüyü ölkələrdən biridir. Hindistanın iqtisadi və siyasi maraqları müsəlman dünyası ilə dost olmasına bağlıdır. Dünyanın harası olursa olsun, hərbi güc nümayişi hansısa tərəfin qazanc əldə etdiyi mübarizə deyil. Ancaq daha çox qan tökülməsinə gətirib çıxarır. Əsası dostluq üzərində qurulan ittifaqlar ölkələri güclü edir, xalqları rifah içində yaşadır. Belə bir ittifaq heç bir silahın təmin edə bilməyəcəyi çəkindirici gücə sahibdir. Pakistanın və Hindistanın da ehtiyacı daha çox silah deyil, yeni müttəfiqlərdir. Bəşəriyyəti bölgəyə müharibənin deyil,  sülhün hakim olması xilas edəcək. 

https://sputniknews.com/politics/201508141025761718-west-middle-east-new-map/
https://en.wikipedia.org/wiki/Lists_of_sovereign_states_by_year
https://en.wikipedia.org/wiki/Mughal_Empire
http://www.bbc.co.uk/history/british/empire_seapower/east_india_01.shtml
http://www.telegraph.co.uk/news/2017/08/15/indian-independence-day-everything-need-know-partition-india/
http://www.bbc.com/news/world-south-asia-16069078
http://www.aljazeera.com/indepth/features/2017/03/mirza-waheed-violence-kashmir-conflict-170329051029132.html


Adnan Oktarın “Kashmir Reader” & “Riyadh Vision”da yayımlanan məqaləsi 


http://kashmirreader.com/2017/09/23/road-peace-old-conflict/
http://www.riyadhvision.com.sa/2017/09/25/road-to-peace-in-the-old-conflict/

http://www.harunyahya.org/tr/Eser-Tipi/258068/Hindistan-Pakistan-ili%C5%9Fkilerinde-Bar%C4%B1%C5%9Fa-giden-yol
 

]]>
http://adnanoktar.az/az/Məqalələr/259507/hindistan-–-pakistan-əlaqələrində-sulhəhttp://adnanoktar.az/az/Məqalələr/259507/hindistan-–-pakistan-əlaqələrində-sulhəhttp://imgaws1.fmanager.net/Image/objects/6-makaleler/kashmir_reader_adnan_oktar_road_to_peace_in_the_old_conflict2.jpgSun, 15 Oct 2017 21:44:18 +0300